UPI યુઝર્સ માટે નવું ફીચર, હવે એપ બદલ્યા વિના જોઈ શકશો બીજા એપના ટ્રાજેક્શન
જો તમે Google Pay, PhonePe, અથવા Paytm જેવી એપ્સનો ઉપયોગ કરો છો તો તમારે હવે તમારા બધા ટ્રાન્જેક્શન જોવા માટે અલગ અલગ એપ્સમાં લોગ ઇન કરવાની જરૂર નથી.
ડિજિટલ પેમેન્ટ યુઝર્સ માટે સારા સમાચાર છે. જો તમે Google Pay, PhonePe, અથવા Paytm જેવી એપ્સનો ઉપયોગ કરો છો તો તમારે હવે તમારા બધા ટ્રાન્જેક્શન જોવા માટે અલગ અલગ એપ્સમાં લોગ ઇન કરવાની જરૂર નથી. નેશનલ પેમેન્ટ્સ કોર્પોરેશન ઓફ ઈન્ડિયા (NPCI) એક નવો નિયમ લાગુ કરવાની તૈયારી કરી રહ્યું છે જે યુઝર્સઓને તેમના બધા UPI ટ્રાન્જેક્શન અને ઓટો-પેમેન્ટ્સ એક જ એપથી જોઈ અને મેનેજ કરવાની મંજૂરી આપશે, ભલે તેઓ બીજી એપ પર સેટઅપ હોય. આ ફેરફાર 31 ડિસેમ્બર, 2025 સુધીમાં તમામ UPI એપ્સ અને પેમેન્ટ સર્વિસ પ્રોવાઇડર્સ (PSPs) માટે ફરજિયાત બનશે. આનો અર્થ એ છે કે નવા વર્ષ સુધીમાં આ સિસ્ટમ દેશભરના તમામ ડિજિટલ પેમેન્ટ યુઝર્સ માટે લાગુ કરવામાં આવશે. આનાથી ડિજિટલ પેમેન્ટની પારદર્શિતા વધશે. સાથે સાથે યુઝર્સ માટે નાણાકીય આયોજન અને ઓટો-પેમેન્ટ ટ્રેકિંગ પણ ખૂબ સરળ બનશે.
નવો ફેરફાર શું છે?
હવે જો કોઈ યુઝર્સ પાસે Google Pay પર ઓટો-પેમેન્ટ્સ એક્ટિવ હોય અને ફોનપે પર કેટલાક ચાલુ ટ્રાન્જેક્શન પણ હોય તો તેમને દરેક એપ પર અલગથી જઈને તેમને તપાસવા પડતા હતા. પરંતુ નવી સિસ્ટમ સાથે યુઝર્સઓ કોઈપણ એપ્લિકેશન (જેમ કે Paytm અથવા Google Pay) પર જઈને એક જ જગ્યાએ બધી UPI એપ્લિકેશનોમાંથી ઓટો પેમેન્ટ અને મેન્ડેટ જોઈ શકશે.
મેન્ડેટ પોર્ટિંગ સુવિધા
હવે, યુઝર્સ તેમના UPI મેન્ડેટને એક એપ્લિકેશનથી બીજી એપ્લિકેશનમાં ટ્રાન્સફર (પોર્ટ) કરી શકશે. આનો અર્થ એ છે કે જો તમે Google Pay નો ઉપયોગ કરીને Netflix અથવા તમારા વીજળી બિલ માટે ઓટો પેમેન્ટ સેટ કર્યું છે, તો તમે હવે તેમને ફક્ત થોડી ક્લિકમાં PhonePe અથવા Paytm પર ખસેડી શકો છો. આનાથી એપ્લિકેશનો સ્વિચ કરવાનું પહેલા કરતા વધુ સરળ બનશે, જેનાથી યુઝર્સઓ તેમના મનપસંદ પ્લેટફોર્મ પસંદ કરી શકશે.
પેમેન્ટ્સ વધુ સુરક્ષિત બનશે
NPCI એ જણાવ્યું હતું કે નવા અપડેટમાં ફેસ ID અને બાયોમેટ્રિક ઓન્થેટિકેશન જેવી સુવિધાઓ પણ ઉમેરવામાં આવશે, જેનાથી UPI ટ્રાન્જેક્શન વધુ સુરક્ષિત બનશે.
શું ફાયદા થશે?
આ ફેરફાર સાથે ડિજિટલ પેમેન્ટ યુઝર્સ તેમના બધા ટ્રાન્જેક્શનનો ટ્રેક રાખી શકશે. ઓટો પેમેન્ટ્સને ટ્રેકિંગ અને રદ કરવાનું પણ સરળ બનશે.
ટોપ સ્ટોરી
ટ્રેન્ડિંગ સમાચાર
