Share Market Update: સવારે તેજી બાદ ફરી લાલ નિશાન સાથે બંધ રહ્યો સેન્સેક્સ
છેલ્લા ચાર દિવસમાં સેન્સેક્સમાં 3000 પોઈન્ટથી વધુનો ઘટાડો થયા બાદ મંગળવારે સ્થાનિક બજારો રિકવરીના માર્ગે જોવા મળ્યા. જો કે બજાર બંધ થવાના સમયે ફરી ઘટાડો જોવા મળ્યો અને સેન્સેક્સ લાલ નિશાન પર બંધ રહ્યો
Share Market Update: છેલ્લા ચાર દિવસમાં સેન્સેક્સમાં 3000 પોઈન્ટથી વધુનો ઘટાડો થયા બાદ મંગળવારે સ્થાનિક બજારો રિકવરીના માર્ગે જોવા મળ્યા. જો કે બજાર બંધ થવાના સમયે ફરી ઘટાડો જોવા મળ્યો અને સેન્સેક્સ લાલ નિશાન પર બંધ રહ્યો. આજે -37.70 પોઈન્ટના ઘટાડા સાથે સેન્સેક્સ 57,107.52 પર બંધ રહ્યો હતો જ્યારે નિફ્ટી -8.9 પોઈન્ટના ઘટાડા સાથે 17007 પર બંધ રહ્યો હતો,
શરૂઆતના કારોબારમાં નીચા સ્તરની ખરીદીથી બજારને સપોર્ટ મળી રહ્યો હોય તેવું લાગ્યું. આ કારણે BSE સેન્સેક્સ અને NSE નિફ્ટી બંને ટ્રેડિંગ શરૂ થતાં જ મજબૂત બની ગયા હતા. પાવરગ્રીડ કોર્પોરેશન, એનટીપીસી, આઈટીસી, ઈન્ફોસીસ જેવી મોટી કંપનીઓના શેરથી પણ બજારને મદદ મળી.
સવારમાં જોવા મળી હતી તેજી
એશિયન બજારમાં મિશ્ર વલણને જોરે ભારતીય બજારમાં આજે ઉછાળા સાથે શરૂઆત થઈ હતી. સોમવારના બ્લડબાથમાં રોકાણકારોએ ₹6.53 લાખ કરોડથી વધુની સંપત્તિ ગુમાવી હતી. ત્યારે આજે બજારમાં ઉછાળા સાથે શરૂઆત થતા રોકાણકારોને થોડી રાહત થઈ છે. મિશ્ર વૈશ્વિક સંકેતો છતાં ભારતીય સૂચકાંકો 27 સપ્ટેમ્બરે નિફ્ટી 17100 ની આસપાસ મજબૂત રીતે ખુલ્યા હતા. સેન્સેક્સ 224.23 પોઈન્ટ્સ અથવા 0.39% વધીને 57369.45 પર હતો, અને નિફ્ટી 65.70 પોઈન્ટ્સ અથવા 0.39% વધીને 17082 પર હતો. લગભગ 1467 શેર્સ આગળ વધ્યા છે, 574 શેર્સ ઘટ્યા છે અને 8 શેરમાં ઘટાડો થયો છે.
LICનો શેર ગબડીને રેકોર્ડ નીચલી સપાટીએ આવ્યો
LIC Share Price: વર્ષ 2022માં સ્ટોક એક્સચેન્જનો સૌથી ચર્ચિત અને સૌથી મોટો IPO લાવનાર દેશની સૌથી મોટી વીમા કંપની LICના શેરના ભાવમાં ઘટાડો અટકવાનું નામ નથી લઈ રહ્યો. મંગળવાર, સપ્ટેમ્બર 27, 2022 ના ટ્રેડિંગ સેશનમાં લિસ્ટિંગ પછી શેરની કિંમત તેના સૌથી નીચા સ્તરે આવી ગઈ. એલઆઈસીનો શેર ઘટીને રૂ. 628.20ના સ્તરે પહોંચી ગયો છે. જ્યારે કંપની 949 રૂપિયા પ્રતિ શેરના ભાવે IPO લાવી હતી.
ઇશ્યૂ કિંમત 34% નીચે
વિદેશી રોકાણકારોની વેચવાલીથી શેરબજારમાં ઘટાડો જોવા મળી રહ્યો છે. અને LICનો સ્ટોક પણ તેની અસરથી અછૂતો નથી. જ્યારથી LICના શેર સ્ટોક એક્સચેન્જમાં લિસ્ટ થયા છે ત્યારથી, શેર ક્યારેય તેના IPO ભાવથી ઉપર ટ્રેડ કરી શક્યો નથી. LIC 949 રૂપિયા પ્રતિ શેરના દરે IPO લાવી હતી. હવે LICનો શેર રૂ. 628ની (LIC Share Price) આસપાસ ટ્રેડ થઈ રહ્યો છે, જે તેની ઈશ્યૂ કિંમતથી 34 ટકા નીચે છે. LICના IPOમાં રોકાણ કરનારા રોકાણકારોને શેર દીઠ રૂ. 321નું નુકસાન થઈ રહ્યું છે.
માર્કેટ કેપમાં 2 લાખ કરોડનો ઘટાડો થયો છે
LICની માર્કેટ મૂડી પણ ઘટીને 3.98 લાખ કરોડ રૂપિયા (LIC Market Cap) થઈ ગઈ છે. જ્યારે એલઆઈસી જે ઈસ્યુ પ્રાઈસ પર આઈપીઓ લઈને આવી હતી, તે સમયે તેનું માર્કેટ કેપ રૂ. 6 લાખ કરોડ હતું. એટલે કે LICની માર્કેટ મૂડીમાં રૂ. 2 લાખ કરોડથી વધુનો ઘટાડો થયો છે.
માર્કેટમાં તેજીની હાલ કોઈ શક્યતા નથી
તમને જણાવી દઈએ કે LIC એ જ કંપની છે જેણે ઘણા પ્રસંગોએ માર્કેટને સપોર્ટ કરવા માટે કામ કર્યું છે. જ્યારે પણ બજારમાં મોટો ઘટાડો થાય છે, ત્યારે LIC ખરીદી કરીને બજારને રોકવાનો પ્રયાસ કરે છે. આ જ કારણ છે કે શેરબજારમાં લિસ્ટેડ તમામ બ્લુચિપ કંપનીઓમાં LICનો હિસ્સો છે. પરંતુ LIC પોતે જ શેરબજારમાં લિસ્ટેડ હોવાથી તેના શેરમાં ઘટાડાને કોઈ ટેકો નથી. સરકારે એલઆઈસીના શેરના મોંઘા ભાવ દ્વારા હિસ્સો વેચીને આઈપીઓ દ્વારા રૂ. 20,557 કરોડ એકત્ર કર્યા પરંતુ રોકાણકારોને તેમના પોતાના પર છોડી દીધા અને હવે રોકાણકારોની મહેનતની કમાણી ડૂબી રહી છે.
ટોપ સ્ટોરી
ટ્રેન્ડિંગ સમાચાર
