Go First બાદ સ્પાઇસજેટ પર છવાયા સંકટના વાદળ, ત્રણ વિમાનોનું રજીસ્ટ્રેશન રદ્દ કરવાની માંગ
ભારતમાં એવિએશન ઇન્ડસ્ટ્રીઝ છેલ્લા કેટલાક સમયથી મુશ્કેલ તબક્કામાંથી પસાર થઈ રહી છે
SpiceJet Crisis: ભારતમાં એવિએશન ઇન્ડસ્ટ્રીઝ છેલ્લા કેટલાક સમયથી મુશ્કેલ તબક્કામાંથી પસાર થઈ રહી છે. સ્થાનિક બજારમાં મોટો હિસ્સો ધરાવતી કંપની ગો ફર્સ્ટએ પોતાને નાદાર જાહેર કરવા માટે NCLTને અરજી કરી છે. આ પછી હવે સ્પાઈસ જેટ પણ મુશ્કેલીમાં ફસાયેલી જોવા મળી રહી છે. સ્પાઇસ જેટે લીઝ પર એરક્રાફ્ટ ઉપલબ્ધ કરાવતી કંપનીઓને ડિરેક્ટોરેટ જનરલ ઓફ સિવિલ એવિએશન (DGCA)ને ત્રણ એરક્રાફ્ટનું રજીસ્ટ્રેશન રદ કરવા વિનંતી કરી છે.
DGCA ની સત્તાવાર વેબસાઇટ પર આપવામાં આવેલી માહિતી અનુસાર ભાડાના ધોરણે એરક્રાફ્ટ ઉપલબ્ધ કરાવતી ત્રણ કંપનીઓ સાબરમતી એવિએશન લીઝિંગ, ફાલ્ગુ એવિએશન લીઝિંગ અને વિલ્મિંગ્ટન ટ્રસ્ટ એસપી સર્વિસિઝએ સ્પાઇસજેટના કુલ ત્રણ એરક્રાફ્ટનું રજીસ્ટ્રેશન રદ કરવા DGCAને અરજી કરી છે.
કંપનીને મળી NCLT નોટિસ
ઉલ્લેખનીય છે કે, અગાઉ નેશનલ કંપની લો ટ્રિબ્યુનલ (NCLT) એ દેશમાં સસ્તી હવાઈ સેવા પૂરી પાડતી કંપની સ્પાઈસ જેટને નોટિસ પાઠવી છે. કંપની વિરુદ્ધ નાદારી અરજીની પ્રક્રિયાની સુનાવણી 17 મેના રોજ થશે. NCLTના બે સભ્યોએ સ્પાઇસજેટના અધિકારીઓને નાદારીની પ્રક્રિયાની સુનાવણી માટે 17 મેના રોજ હાજર રહેવાનો આદેશ આપ્યો છે.
સ્પાઈસજેટે આ મામલે શું કહ્યું?
આ મામલે સ્પાઈસ જેટે એક નિવેદન જાહેર કરીને કહ્યું છે કે આ ત્રણ એરક્રાફ્ટમાંથી બે એરક્રાફ્ટ લાંબા સમયથી ઉપયોગમાં નથી. આવી સ્થિતિમાં, આ અરજીથી કંપનીને કોઈ ફરક પડશે નહીં. જો કે, અમે સ્પાઈસ જેટના ઘણા એરક્રાફ્ટ એક યા બીજા કારણોસર ઓપરેટ નથી કરી રહ્યા. જેના કારણે એરલાઈન્સને ભારે નુકસાન સહન કરવું પડી રહ્યું છે.
Go First Cancelled Flights: ગો ફર્સ્ટની તમામ ફ્લાઈટ્સ 19 મે સુધી રદ
Go First Flight Cancelled News: ગો ફર્સ્ટ ફ્લાઈટ્સ ઓપરેશનલ કારણોસર 19 મે 2023 સુધી રદ કરવામાં આવી છે. ગો ફર્સ્ટે તેના ટ્વિટર હેન્ડલ દ્વારા મુસાફરોને આ માહિતી આપી છે. એરલાઈન્સે કહ્યું છે કે મુસાફરોને થઈ રહેલી અસુવિધા બદલ અમે દિલગીર છીએ. મુસાફરોને માહિતી આપતાં વાડિયા ગ્રુપની કંપનીએ કહ્યું કે રદ થયેલી ફ્લાઇટમાં ટિકિટનું રિફંડ પહેલાની જેમ જ પ્રક્રિયાના આધારે આપવામાં આવશે.
GoFirstએ જણાવ્યું હતું કે તેણે સમસ્યાના ઝડપી નિરાકરણ અને ઓપરેશનલ રિઝોલ્યુશન માટે અરજી કરી છે. ફ્લાઇટ બુકિંગની સુવિધા ટૂંક સમયમાં શરૂ કરવામાં આવશે. ગો ફર્સ્ટ એ કોઈપણ પ્રકારની માહિતી માટે https://bit.ly/42ab9la લિંક શેર કરી છે. જણાવ્યું હતું કે કોઈપણ પ્રકારની માહિતી અથવા સમસ્યા માટે તમે અહીં સંપર્ક કરી શકો છો.
મુસાફરો રિફંડની રાહ જોઈ રહ્યા છે
ગયા અઠવાડિયા સુધી એટલે કે 12મે સુધી GoFirst એ તમામ ફ્લાઇટ્સ રદ કરી હતી. આ અંગે DGCAએ યાત્રીઓના પૈસા વહેલામાં વહેલી તકે પરત કરવા જણાવ્યું હતું. જો કે, હજુ સુધી મુસાફરોને રિફંડ આપવામાં આવ્યું નથી. મોટાભાગના મુસાફરો રિફંડની રાહ જોઈ રહ્યા છે. આ મુસાફરોને ક્રેડિટ નોટ આપવામાં આવી છે. જે પોર્ટ્સ પરથી મુસાફરોએ બુકિંગ કરાવ્યું હતું. ત્યાં કહેવામાં આવ્યું છે કે અત્યાર સુધી કંપની દ્વારા કોઈ અપડેટ આપવામાં આવ્યું નથી
ટ્રેન્ડિંગ સમાચાર
ટોપ સ્ટોરી
