ટ્રમ્પની ધમકીનો ખૌફ! પ્રી-ઓપન સત્રમાં શેરબજારમાં 4500 થી વધુ પોઇન્ટનો કડાકો
ઈરાનમાં સંઘર્ષનો અંત લાવવાના હેતુથી ઈસ્લામાબાદમાં તેહરાન અને યુનાઇટેડ સ્ટેટ્સ વચ્ચેની વાટાઘાટો નિષ્ફળ ગયા પછી, યુએસ પ્રમુખ ડોનાલ્ડ ટ્રમ્પની ધમકીઓ વચ્ચે, પ્રી-ઓપન સત્ર દરમિયાન શેરબજારમાં 4,500 થી વધુ પોઇન્ટનો ભારે ઘટાડો જોવા મળી રહ્યો છે.
Stock Market: ઈરાનમાં સંઘર્ષનો અંત લાવવાના હેતુથી ઈસ્લામાબાદમાં તેહરાન અને યુનાઇટેડ સ્ટેટ્સ વચ્ચેની વાટાઘાટો નિષ્ફળ ગયા પછી, યુએસ પ્રમુખ ડોનાલ્ડ ટ્રમ્પની ધમકીઓ વચ્ચે, પ્રી-ઓપન સત્ર દરમિયાન શેરબજારમાં 4,500 થી વધુ પોઇન્ટનો ભારે ઘટાડો જોવા મળી રહ્યો છે.
અઠવાડિયાના પ્રથમ ટ્રેડિંગ દિવસે આજે એટલે કે સોમવાર 13 એપ્રિલના રોજ સેન્સેક્સ 1500 પોઈન્ટ (1.98%) ના ઘટાડા સાથે 76,000 પર કારોબાર કરી રહ્યો છે. નિફ્ટીમાં પણ 450 પોઈન્ટ (1.98%) નો ઘટાડો છે, તે 23,590 પર આવી ગયો છે. આજના કારોબારમાં સરકારી બેંકના શેરોમાં વેચવાલી જોવા મળી રહી છે.
મિડલ-ઈસ્ટમાં તણાવ ઓછો કરવા માટે ઈરાન અને અમેરિકા વચ્ચે પાકિસ્તાનમાં ચાલી રહેલી 21 કલાકની લાંબી વાતચીત કોઈ પણ સમજૂતી વિના પૂરી થઈ ગઈ. અમેરિકી ઉપરાષ્ટ્રપતિ જેડી વેન્સે કહ્યું કે તેઓ કોઈ પણ ડીલ વગર પાછા ફરી રહ્યા છે. તેની સીધી અસર દુનિયાભરના બજારો પર જોવા મળી રહી છે.
શુક્રવારે સેન્સેક્સ 919 પોઈન્ટ વધીને બંધ થયો હતો
શેરબજારમાં 10 એપ્રિલના રોજ તેજી રહી. સેન્સેક્સ 919 પોઈન્ટ (1.20%) નીચે 77,550 ના સ્તર પર બંધ થયો. નિફ્ટી પણ 276 પોઈન્ટ (1.16%) ઘટીને 24,051 પર આવી ગયો. કારોબારમાં બેંકિંગ અને ઓટો શેરોમાં ખરીદી રહી હતી.
અચાનક કેમ મચ્યો હાહાકાર
ગ્લોબલ સ્ટોક માર્કેટ પર નજર નાખીએ તો, સપ્તાહના પ્રથમ ટ્રેડિંગ દિવસે સોમવારે એશિયન શેરબજારોમાં નાસભાગ મચી હોય તેવું દેખાઈ રહ્યું છે. Japan Nikkei 600 પોઈન્ટથી વધુના ઘટાડા સાથે 56,287 પર ટ્રેડ કરી રહ્યો હતો, તો વળી Hongkong HangSeng આશરે 400 પોઈન્ટ તૂટીને 25,500 પર કારોબાર કરતો જોવા મળ્યો. South Korea KOSPI ઈન્ડેક્સની વાત કરીએ તો, તે પણ 1.50 ટકાના ઘટાડામાં હતો. અન્ય એશિયન શેરબજારોમાં CAC, DAX, FTSE-100 પણ ઘટાડા સાથે લાલ નિશાન પર કારોબાર કરી રહ્યા હતા.
તેલના વધતા ભાવે બજાર તણાવમાં વધારો કર્યો
એશિયન બજારોમાં નીચા ખુલવા પાછળનું સૌથી મહત્વનું પરિબળ ક્રૂડ ઓઇલના ભાવને આભારી છે; યુએસ અને ઈરાન વચ્ચે યુદ્ધવિરામના સમાચાર પછી, ભાવ અચાનક ઘટીને $95 પ્રતિ બેરલ થઈ ગયા હતા. જોકે, પાકિસ્તાનમાં શાંતિ મંત્રણા નિષ્ફળ ગયા બાદ, ભાવ ફરી એકવાર અચાનક વધી ગયા છે: બ્રેન્ટ ક્રૂડ 7% થી વધુ વધીને $103 પ્રતિ બેરલ પર પહોંચી ગયું છે, જ્યારે WTI ક્રૂડ 8% થી વધુ વધીને $104 પ્રતિ બેરલને પાર કરી ગયું છે.
ટોપ સ્ટોરી
ટ્રેન્ડિંગ સમાચાર
