Stock Market Today: સ્ટોક માર્કેટમાં કડાકા સાથે શરૂઆત, નિફ્ટી 150 પોઈન્ટ ઘટીને 17250 નીચે, સેન્સેક્સ 57500ની નીચે

આજે બજાર ચાર મુખ્ય સૂચકાંકો દ્વારા નીચે ખેંચાઈ ગયું છે અને આમાં બેંકો, નાણાકીય સેવાઓ, આઈટી અને ઓટોએ ખાસ કરીને બજારને નીચે ખેંચ્યું છે.

પ્રતિકાત્મક તસવીર

Stock Market Today: સતત બે દિવસની ઉછાળા બાદ આજે ફરી ભારતીય શેરબજારમાં ઘટાડાનો ટ્રેન્ડ જોવા મળી રહ્યો છે. નબળા વૈશ્વિક સંકેતોને કારણે સ્થાનિક શેરબજારને પણ કોઈ સપોર્ટ નથી મળી રહ્યો. આજે માર્કેટનું ગેપ ડાઉન ઓપનિંગ થઈ રહ્યું છે.

કેવી રીતે ખુલ્યું બજાર

આજે, NSEનો 30-શેર સૂચકાંક 379 પોઈન્ટના ઘટાડા સાથે 57531 પર ખૂલ્યો છે અને NSEનો 50-શેર ઈન્ડેક્સ લગભગ 150 પોઈન્ટ ઘટીને 17,242.75 પર ખુલ્યો છે. ગઈકાલના કારોબારમાં સેન્સેક્સ 57911 ના સ્તર પર બંધ થયો હતો.

ક્ષેત્રીય સૂચકાંક

આજે બજાર ચાર મુખ્ય સૂચકાંકો દ્વારા નીચે ખેંચાઈ ગયું છે અને આમાં બેંકો, નાણાકીય સેવાઓ, આઈટી અને ઓટોએ ખાસ કરીને બજારને નીચે ખેંચ્યું છે. આજે બેંક નિફ્ટીમાં 409 પોઈન્ટ અથવા 1.11 ટકાના ઘટાડા સાથે 36,406 પર ટ્રેડિંગ જોવામાં આવી રહ્યું છે.

નિફ્ટીની સ્થિતિ શું છે

આજે નિફ્ટીની શરૂઆત ઘટાડા સાથે થઈ હતી, પરંતુ બજાર ખુલ્યાના 15 મિનિટ બાદ પણ તેમાં ઘટાડો જોવા મળી રહ્યો છે. 9:32 વાગ્યે, નિફ્ટીના 50માંથી માત્ર 6 શેર લાલ નિશાનમાં ટ્રેડ થઈ રહ્યા છે અને 44 શેર ડાઉન છે.

પ્રી-ઓપનમાં બજાર

જો આપણે આજના પ્રી-ઓપન ટ્રેડમાં શેરબજાર પર નજર કરીએ તો તે 149.85 પોઈન્ટ અથવા 0.86 ટકાના ઘટાડા સાથે 17,242.75 ના સ્તરે ટ્રેડ થઈ રહ્યું હતું. બીજી તરફ, BSE સેન્સેક્સ 466.46 પોઈન્ટ્સ અથવા 0.81 ટકાના ઘટાડા બાદ 57,445.22 પર ટ્રેડ કરી રહ્યો હતો.

વિદેશી સંસ્થાકીય રોકાણકારોએ 21 એપ્રિલે ભારતીય બજારોમાં રૂ. 713.69 કરોડનું વેચાણ કર્યું હતું. બીજી બાજુ, સ્થાનિક સંસ્થાકીય રોકાણકારોએ આ દિવસે રૂ. 2,823.43 કરોડની ખરીદી કરી હતી.

22મી એપ્રિલના રોજ NSE પર કોઈ સ્ટોક F&O પ્રતિબંધ હેઠળ નથી. નોંધનીય છે કે એફ એન્ડ ઓ સેગમેન્ટમાં સમાવિષ્ટ સ્ટોક્સને પ્રતિબંધની શ્રેણીમાં મૂકવામાં આવે છે જો સિક્યોરિટીઝની પોઝિશન તેમની માર્કેટ વાઈડ પોઝિશન મર્યાદા કરતાં વધી જાય.