Tech Layoffs 2024: આ વર્ષે 539 કંપનીઓએ 1,50,034 કર્મચારીઓની કરી છટણી, અમેઝોન, ટેસ્લા, ગૂગલ પણ સામેલ
Tech Layoffs 2024: Layoffs.FYI વેબસાઇટ અનુસાર, 2024માં 539 કંપનીઓએ 1,50,034 કર્મચારીઓની છટણી કરી હતી
Tech Layoffs 2024: આર્ટિફિશિયલ ઈન્ટેલિજન્સ (AI) અને નવી ટેક્નોલોજીના વધતા ઉપયોગને કારણે 2024માં લાખો નોકરીઓ ખતમ થઈ ગઈ છે. Layoffs.FYI વેબસાઇટ અનુસાર, 2024માં 539 કંપનીઓએ 1,50,034 કર્મચારીઓની છટણી કરી હતી. તેમાં અમેઝોન, ટેસ્લા, માઇક્રોસોફ્ટ, ગૂગલ, મેટા અને ટિકટોક જેવા મોટા નામ સામેલ છે. આ સિવાય ઘણી નાની કંપનીઓએ પણ ખર્ચ બચાવવા અને બિઝનેસ રિસ્ટ્રક્ચરિંગ કરવા માટે કર્મચારીઓની છટણી કરી હતી.
AI અને ઓટોમેશનનો વધતો ઉપયોગ, પ્રોજેક્ટ્સ અને ઓફિસોનું બંધ થવું, સંસાધનોની પુનઃસ્થાપન અને બિઝનેસ રિસ્ટ્રક્ચરિંગ છટણીના મુખ્ય કારણો હતા.
નવેમ્બર 2024માં છટણી
TechCrunchના રિપોર્ટ અનુસાર નવેમ્બર 2024માં 5,925 કર્મચારીઓને અસર થઈ હતી. ઓલા ઈલેક્ટ્રિકે 500 લોકોને છૂટા કર્યા હતા. લિંક્ડઈને 202 અને AMDએ લગભગ 1,000 લોકોને છૂટા કર્યા હતા. Freshworks, Akamai અને Mozilla જેવી કંપનીઓ પણ આ યાદીમાં સામેલ હતી.
ડિસેમ્બર 2024માં પરિસ્થિતિ
ડિસેમ્બરમાં યાહૂએ તેની સાયબર સિક્યુરિટી ટીમમાંથી 50 લોકોને છૂટા કર્યા હતા. બોસ્ટન ડાયનેમિક્સે 45 કર્મચારીઓની છટણી કરી અને Stash 220 કર્મચારીઓની છટણી કરી હતી. જો કે મોટી કંપનીઓએ આ મહિને ઘણી છટણી કરી ન હતી, લિલિયમ જેવી કંપનીઓએ 1,000 કર્મચારીઓને બરતરફ કર્યા હતા.
2025માં શું થશે?
2025માં ટેક ઉદ્યોગમાં ઓટોમેશન અને AIના વધતા પ્રભાવ સાથે છટણીની પ્રક્રિયા ચાલુ રહેવાની સંભાવના છે. જો કે, NVIDIA CEO જેન્સન હુઆંગ માને છે કે AI નોકરીઓ છીનવી લેશે નહીં, પરંતુ જેઓ તેનો યોગ્ય રીતે ઉપયોગ કરે છે તેઓ જ અન્ય કરતા આગળ હશે.
નવેમ્બર મહિનામાં ફોર્ડ મોટર કંપનીએ જાહેરાત કરી હતી કે તે આગામી ત્રણ વર્ષમાં યુરોપમાંથી 4,000 લોકોને નોકરીમાંથી કાઢી મુકશે. આ કુલ કર્મચારીઓના આશરે 14 ટકા છે. ઈલેક્ટ્રિક વાહનો (EVs)ની માંગમાં ઘટાડો, ચીન તરફથી વધતી સ્પર્ધા અને યુરોપિયન બજારની નબળી સ્થિતિને કારણે આ નિર્ણય લેવામાં આવ્યો છે.
Layoffs: આ દિગ્ગજ કંપની કરશે 4000 કર્મચારીઓની છટણી, જાણો કોણ થશે પ્રભાવિત?
ટોપ સ્ટોરી
ટ્રેન્ડિંગ સમાચાર
