ઈલોન મસ્ક ફરી એક વખત ટ્વિટર યૂઝર્સને આપ્યો મોટો આંચકો! આ સિક્યોરિટી ફીચર હટાવી દીધું, જાણો ક્યારથી લાગુ થશે નવી પોલિસી

ઇલોન મસ્ક દ્વારા લેવામાં આવેલા આ પગલાની નિષ્ણાતોએ ટીકા કરી છે. નિષ્ણાતોનું માનવું છે કે આ બ્લેકમેલ કરવા સમાન છે અને તેનાથી યુઝર્સને નુકસાન થશે.

ઇલોન મસ્ક (ફાઈલ ફોટો)

Twitter new security policy: 20 માર્ચથી ટ્વિટર યુઝર્સે હવે તેમના ગજવા ઢીલા કરવા પડશે. કંપનીએ કહ્યું કે તે 22 માર્ચથી SMS-આધારિત-ટુ ફેક્ટર ઓથેન્ટિકેશન (2FA)ને બંધ કરવામાં આવશે. જોકે આ સેવા ફ્રી યૂઝર્સ માટે બંધ કરવામાં આવશે જ્યારે જેમની પાસે બ્લૂ ટીક છે તેમને આ સેવાનો લાભ મળતો રહેશે. એટલે કે તમારે આ સેવાનો લાભ લેવો હોય તો સબ્સક્રિપ્શન આધારિત બ્લૂ ટીક લેવું પડશે. 2FA દ્વારા એકાઉન્ટને સુરક્ષિત રાખવામાં ઘણી મદદ મળે છે. આના દ્વારા ટ્વિટર લોગીન પર મોબાઈલ અથવા ઈમેલ પર મેસેજ આવે છે. નોંધપાત્ર રીતે, જેમની પાસે ટ્વિટર બ્લુ નથી, તેમના એકાઉન્ટને સુરક્ષિત કરવાની આ એક લોકપ્રિય રીત છે.

નિષ્ણાતોએ આ પગલાની ટીકા કરી

ઇલોન મસ્ક (Elon Musk) દ્વારા લેવામાં આવેલા આ પગલાની નિષ્ણાતોએ ટીકા કરી છે. નિષ્ણાતોનું માનવું છે કે આ બ્લેકમેલ કરવા સમાન છે અને તેનાથી યુઝર્સને નુકસાન થશે. 2FA દ્વારા ઓનલાઈન એકાઉન્ટ્સને સુરક્ષિત રાખવામાં ઘણી મદદ મળે છે. ફક્ત પાસવર્ડનો ઉપયોગ કરીને લોગ ઇન કરવાને બદલે, તે વપરાશકર્તાઓને એક કોડ સેટ કરવાની મંજૂરી આપે છે જે ફક્ત વપરાશકર્તાઓ જ જોઈ અથવા વાંચી શકે છે.

નિયમનકારી તપાસની માંગ

ઇલોન મસ્ક (Elon Musk) દ્વારા લેવામાં આવેલા આ પગલાની નિષ્ણાતોએ ટીકા કરી છે. નિષ્ણાતોનું માનવું છે કે આ બ્લેકમેલ કરવા સમાન છે અને તેનાથી યુઝર્સને નુકસાન થશે. 2FA દ્વારા ઓનલાઈન એકાઉન્ટ્સને સુરક્ષિત રાખવામાં ઘણી મદદ મળે છે. ફક્ત પાસવર્ડનો ઉપયોગ કરીને લોગ ઇન કરવાને બદલે, તે વપરાશકર્તાઓને એક કોડ સેટ કરવાની મંજૂરી આપે છે જે ફક્ત વપરાશકર્તાઓ જ જોઈ અથવા વાંચી શકે છે.

ખર્ચ ઘટાડવાનો પ્રયાસ

ઇલોન મસ્કે (Elon Musk) ગયા વર્ષે ઓક્ટોબરમાં ટ્વિટરના લગભગ અડધા કર્મચારીઓને નોકરીમાંથી કાઢી મૂક્યા હતા. મસ્કનું આ તાજેતરનું પગલું સૂચવે છે કે આ પગલું ખર્ચ ઘટાડવાનો બીજો પ્રયાસ હોઈ શકે છે. નવી નીતિ પર યુઝરના ટ્વીટના જવાબમાં, તેમણે કહ્યું, "Telcos 2FA (ટુ-ફેક્ટર ઓથેન્ટિકેશન) SMS પંપ કરવા માટે બોટ એકાઉન્ટનો ઉપયોગ કરે છે. તેના કારણે કંપનીને એક વર્ષમાં $60 મિલિયન (લગભગ 490 કરોડ રૂપિયા)નું નુકસાન થઈ રહ્યું હતું.