Fact Check: 'શ્રમિક સન્માન યોજના' હેઠળ મોદી સરકાર મહિલાઓને દર મહિને આપી રહી છે રૂપિયા 5100 ? જાણો વાયરલ મેસેજની શું છે હકીકત

કેન્દ્ર સરકાર દેશના દરેક વર્ગ માટે અનેક યોજનાઓ ચલાવે છે. છોકરીઓ અને મહિલાઓને આત્મનિર્ભર બનાવવા માટે સરકાર આવી યોજનાઓ ચલાવે છે. લોકો આ યોજનાઓ વિશે માહિતી મેળવવા માટે સોશિયલ મીડિયાનો ઉપયોગ કરે છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

PIB Fact Check:  કેન્દ્ર સરકાર દેશના દરેક વર્ગ માટે અનેક યોજનાઓ ચલાવે છે. છોકરીઓ અને મહિલાઓને આત્મનિર્ભર બનાવવા માટે સરકાર આવી યોજનાઓ ચલાવે છે. લોકો આ યોજનાઓ વિશે માહિતી મેળવવા માટે સોશિયલ મીડિયાનો ઉપયોગ કરે છે. છેલ્લા કેટલાક દિવસોથી, એક યુટ્યુબ ચેનલ નીતિ જ્ઞાન 4 યુ એ સરકારી યોજના વિશે દાવો કર્યો છે. આ ચેનલમાં કહેવામાં આવ્યું છે કે કેન્દ્ર સરકારે મહિલાઓને પ્રોત્સાહિત કરવા માટે 'શ્રમિક સન્માન યોજના' શરૂ કરી છે. જો તમે પણ સોશિયલ મીડિયા પર આ સ્કીમ વિશે વાંચ્યું છે, તો સૌથી પહેલા આ સ્કીમનું સત્ય જાણી લો.

શું છે 'શ્રમિક સન્માન યોજના'નું સત્ય?

NITI GYAN 4 U YouTube ચેનલે દાવો કર્યો છે કે કેન્દ્રની મોદી સરકારે મહિલાઓ માટે વિશેષ યોજના શરૂ કરી છે. આ યોજના દ્વારા મહિલાઓને દર મહિને 5,100 રૂપિયાની રકમ મળી રહી છે. જો તમે પણ આ યોજનાનો લાભ મેળવવા માંગો છો, તો સૌથી પહેલા આ યોજનાનું સત્ય જાણો. યુટ્યુબ ચેનલ દ્વારા કરવામાં આવેલ 'શ્રમિક સન્માન યોજના'નો દાવો સંપૂર્ણપણે ખોટો છે. કેન્દ્ર સરકાર આવી કોઈ યોજના ચલાવી રહી નથી.

પીઆઈબીએ હકીકત તપાસી 

સોશિયલ મીડિયા પર વાયરલ થઈ રહેલા સમાચાર મુજબ કેન્દ્ર સરકાર મહિલાઓ માટે 'શ્રમિક સન્માન યોજના' ચલાવી રહી છે, જેના દ્વારા દેશની દરેક મહિલાને દર મહિને 5,100 રૂપિયાની રકમ મળશે. પ્રેસ ઇન્ફોર્મેશન બ્યુરોએ વાયરલ દાવાની હકીકત તપાસી છે. જેમાં જાણવા મળ્યું છે કે આ દાવો સંપૂર્ણપણે ખોટો છે. તેના ટ્વિટર હેન્ડલ પરથી આ અંગે માહિતી આપતા પીઆઈબીએ જણાવ્યું છે કે સરકાર દ્વારા આવી કોઈ યોજના ચલાવવામાં આવી રહી નથી. આવી સ્થિતિમાં આવા દાવાઓના શિકાર ન થાવ.

दावा👇

'NITI GYAN 4 U' नामक #YouTube चैनल के एक वीडियो के अनुसार, केंद्र सरकार "श्रमिक सम्मान योजना" के तहत महिलाओं को प्रति माह ₹5100 दे रही है।

तथ्य ✅

▪️ यह दावा फ़र्ज़ी है।

▪️ भारत सरकार द्वारा "श्रमिक सम्मान" नामक कोई भी योजना नहीं चलाई जा रही है।#PIBFactCheck pic.twitter.com/zy0MRYL2UK

— PIB Fact Check (@PIBFactCheck) May 31, 2023

PIB ફેક્ટ ચેક શું છે?

નોંધનીય છે કે, પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. કોઈ પણ પીઆઈબી ફેક્ટ ચેકનો સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.