PF Account Interest: પીએફ એકાઉન્ટ્સમાં ક્યા મહિનામાં જમા થઇ શકે છે વ્યાજ, EPFOએ આપી મોટી જાણકારી

PF Account Interest: વાર્ષિક ધોરણે EPFO ​​નાણાકીય વર્ષના અંતે PF ખાતાધારકોના ખાતામાં વ્યાજ જમા કરવામાં આવે છે.

પ્રતિકાત્મક તસવીર

Source : ABP Live

PF Account Interest:  ભારતમાં નોકરી કરતા દરેક વ્યક્તિ પાસે પીએફ એકાઉન્ટ છે. પીએફ એકાઉન્ટ ધારક EPFO ​​દ્વારા સંચાલિત થાય છે. PF એ ભવિષ્ય માટે ખૂબ જ સારી બચત યોજના છે. જેમાં દર મહિને પગારના 12 ટકા જમા થાય છે. આ સાથે એમ્પ્લોયર પણ આ યોજનામાં યોગદાન આપે છે. પીએફ ખાતામાં સરકાર દ્વારા વ્યાજની સારી રકમ પણ આપવામાં આવે છે.

વાર્ષિક ધોરણે EPFO ​​નાણાકીય વર્ષના અંતે PF ખાતાધારકોના ખાતામાં વ્યાજ જમા કરવામાં આવે છે. આ વર્ષે પણ પીએફ ખાતાધારકો તેમના ખાતામાં વ્યાજના નાણાંની રાહ જોઈ રહ્યા છે. ઈપીએફઓ દ્વારા આપવામાં આવેલી માહિતી અનુસાર, સરકાર ટૂંક સમયમાં જ વ્યાજના પૈસા પીએફ ખાતામાં મોકલી શકે છે.

વ્યાજના પૈસા જૂલાઈમાં આવી શકે છે

પીએફ ખાતાધારકો તેમના ખાતામાં વ્યાજના નાણાંની રાહ જોઈ રહ્યા છે. કર્મચારી ભવિષ્ય નિધિ સંગઠન એટલે કે EPFO ​​એ આ અંગે એક મોટું અપડેટ આપ્યું છે. આ સંબંધમાં અપડેટ આપતા EPFOએ કહ્યું છે કે જૂલાઈ મહિના સુધી PF ખાતાધારકોના ખાતામાં વ્યાજની રકમ મોકલવામાં આવી શકે છે.

જો કે હજુ સુધી આ અંગે કોઈ સત્તાવાર જાહેરાત કરવામાં આવી નથી. પરંતુ ટૂંક સમયમાં નાણા મંત્રાલય દ્વારા સત્તાવાર માહિતી આપવામાં આવી શકે છે. સેન્ટ્રલ બોર્ડ ઓફ ટ્રસ્ટીઝે આ વર્ષે ફેબ્રુઆરીમાં નાણાકીય વર્ષ 2024 માટે 8.25 ટકા મંજૂર કરી છે. હવે પીએફ ખાતાધારકોની રાહ ટૂંક સમયમાં સમાપ્ત થઈ શકે છે.

પૈસા આવ્યા કે નહીં તે કેવી રીતે જાણી શકાય?

જો તમે ઇચ્છો તો તમે EPFOના સત્તાવાર પોર્ટલ દ્વારા તમારી પાસબુક ચેક કરી શકો છો. વ્યાજના પૈસા તમારા ખાતામાં આવ્યા છે કે નહીં. જો તમે ઇચ્છો તો તમે ખાતામાં તમારા રજિસ્ટર્ડ નંબર પરથી 011-22901406 અથવા 9966044425 પર મિસ્ડ કોલ આપીને તમારા પીએફ એકાઉન્ટમાં બેલેન્સ પણ ચેક કરી શકો છો. આ સાથે તમે રજિસ્ટર્ડ નંબર પરથી AN EPFOHO ENG ટાઈપ કરીને અને આ નંબર 7738299899 પર મેસેજ મોકલીને બેલેન્સ પણ જાણી શકો છો.

EPFO પોર્ટલ પરથી તમારું બેલેન્સ ચેક કરવા માટે સૌથી પહેલા તમારે સત્તાવાર વેબસાઇટ https://www.epfindia.gov.in/site_en/index.php પર જવું પડશે. આ પછી તમારે તમારો UAN નંબર અને પાસવર્ડ નાખવો પડશે અને કેપ્ચા ભરવો પડશે. આ પછી હોમ પેજ પર દેખાતા Our Services  ટેબ પર ક્લિક કરો. ત્યાં કર્મચારીઓ માટે ડ્રોપ-ડાઉન મેન્યૂ for employees વિકલ્પ પસંદ કરો. આ પછી member passbookના વિકલ્પ પર ક્લિક કરો તમને EPF બેલેન્સ દેખાશે.