Karnataka CM Swearing: કર્ણાટક શપથ સમારોહમાં કોંગ્રેસે આ નેતાને નથી આપ્યું આમંત્રણ
કોંગ્રેસ નેતા સિદ્ધારમૈયા શનિવારે એટલે કે આજે કર્ણાટકના સીએમ તરીકે શપથ લેશે. ડીકે શિવકુમાર નાયબ મુખ્યમંત્રી તરીકે અને કેટલાક મંત્રીઓ પણ તેમની સાથે આજે શપથ લેશે.
Karnataka CM Swearing:કોંગ્રેસ નેતા સિદ્ધારમૈયા શનિવારે એટલે કે આજે કર્ણાટકના સીએમ તરીકે શપથ લેશે. ડીકે શિવકુમાર નાયબ મુખ્યમંત્રી તરીકે અને કેટલાક મંત્રીઓ પણ તેમની સાથે શપથ લેશે. શપથ ગ્રહણ સમારોહ બપોરે 12.30 કલાકે બેંગલુરુના કાંતિરવા સ્ટેડિયમમાં યોજાશે.
આજે શપથ સમારોહ યોજશે અને કર્ણાટકને તેના નવા કિંગ મળી જશે પરંતુ બંને સામે સત્તા હાંસિલ કર્યાં બાદ પણ અનેક પડકારો છે.
કર્ણાટકના મુખ્યમંત્રી બનવા જઈ રહેલા સિદ્ધારમૈયા માટે આગળનો રસ્તો સરળ દેખાઈ રહ્યો નથી. મોટી મુશ્કેલી સાથે નાયબ મુખ્યપ્રધાન બનવાની તૈયારી કરી ચૂકેલા ડીકે શિવકુમારને અત્યારે ભલે કોઈ જોખમ ન હોય, પરંતુ દલિત નેતા જી પરમેશ્વર નારાજ હોવાનું કહેવાય છે. પરમેશ્વરાએ નાયબ મુખ્યમંત્રી બનાવવાની માંગ ઉઠાવી હતી, જેને પાર્ટી હાઈકમાન્ડ દ્વારા અવગણવામાં આવી હતી અને માત્ર એક જ નાયબ મુખ્યમંત્રી બનાવવાનો નિર્ણય લેવામાં આવ્યો હતો.
કોંગ્રેસે આ નેતાઓને આમંત્રણ આપ્યું ન હતું
મીડિયા રિપોર્ટ્સ અનુસાર, કોંગ્રેસે સિદ્ધારમૈયાના શપથ ગ્રહણ સમારોહમાં બહુજન સમાજ પાર્ટીના વડા માયાવતી, કેરળના મુખ્યપ્રધાન પિનરાઈ વિજયન, દિલ્હીના મુખ્ય પ્રધાન અને આમ આદમી પાર્ટીના વડા અરવિંદ કેજરીવાલ, આંધ્ર પ્રદેશના મુખ્ય પ્રધાન જગનમોહન રેડ્ડીને આમંત્રણ આપ્યું નથી.
વિપક્ષના આ નેતાઓને આમંત્રણ આપવામાં આવ્યું
- પશ્ચિમ બંગાળના મુખ્યમંત્રી મમતા બેનર્જી
- તમિલનાડુના મુખ્યમંત્રી એમ કે સ્ટાલિન
- બિહારના મુખ્યમંત્રી નીતિશ કુમાર
- ઝારખંડના મુખ્યમંત્રી હેમંત સોરેન
- રાષ્ટ્રવાદી કોંગ્રેસ પાર્ટીના વડા શરદ પવાર
- સમાજવાદી પાર્ટીના અધ્યક્ષ અખિલેશ યાદવ
- નેશનલ કોન્ફરન્સના નેતા ફારૂક અબ્દુલ્લા
- બિહારના નાયબ મુખ્યમંત્રી અને આરજેડી નેતા તેજસ્વી યાદવ
- શિવસેના (UBT) પ્રમુખ ઉદ્ધવ ઠાકરે
મમતા નહિ જાય પરંતુ મોકલશે પ્રતિનિધિ
પશ્ચિમ બંગાળના મુખ્યમંત્રી અને તૃણમૂલ કોંગ્રેસના અધ્યક્ષ મમતા બેનર્જી આ સમારોહમાં હાજરી આપશે નહીં. TMC સાંસદ ડેરેક ઓ'બ્રાયનના જણાવ્યા અનુસાર, મમતાએ પાર્ટીના સાંસદ કાકોલી ઘોષને સમારોહમાં હાજરી આપવા માટે મોકલ્યા છે.
સિદ્ધારમૈયાએ શુક્રવારે ટ્વીટ કર્યું હતું કે, શહેરના કાંતિરવા સ્ટેડિયમમાં યોજાનાર શપથ ગ્રહણ સમારોહને લઈને પોલીસે સાવચેત રહેવું જોઈએ જેથી CET પરીક્ષામાં હાજર રહેલા વિદ્યાર્થીઓને કોઈ સમસ્યાનો સામનો ન કરવો પડે. તેમણે કહ્યું કે શપથ ગ્રહણ સમારોહને કારણે કંથીરવા સ્ટેડિયમની આસપાસ વાહનોની અવરજવર થવાની સંભાવના છે. સિદ્ધારમૈયાએ કાર્યક્રમમાં આવતા લોકોને પોલીસને સહકાર આપવા અને ટ્રાફિકને સુવ્યવસ્થિત બનાવવા વિનંતી કરી છે
ટોપ સ્ટોરી
ટ્રેન્ડિંગ સમાચાર
