ગુજરાતના સરકારના કયા ટોચના અધિકારીએ કહ્યું, હાલના વધતા કેસો થર્ડ વેવ તરફ છે છતાંય ભગવાન ન કરે ત્રીજી લહેર આવે

કેન્દ્ર તરફથી જે સૂચનાઓ મળી છે તેને કડક રીતે અનુસરવામાં આવી રહ્યું છે. અન્ય દેશોમાં કોરોના પિક પર ગયો છે. હાલના વધતા કેસો થર્ડ વેવ તરફ છે છતાંય ભગવાન ન કરે ત્રીજી લહેર આવે.

તસવીરઃ મનોજ અગ્રવાલ.

ગાંધીનગરઃ ગુજરાતમાં ફરી એકવાર કોરોના પીક પકડી રહ્યો છે, ત્યારે ગુજરાત સરકારના આરોગ્ય વિભાગના અધિક મુખ્ય સચિવ મનોજ અગ્રવાલ નું મહત્વનું નિવેદન સામે આવ્યું છે. તેમણે કહ્યું કે, હાલના કોરોના કેસોના લક્ષણો નોર્મલ છે. નોંધાઇ રહેલ કોરોના દર્દીઓની હોસ્પિટલાઈઝેશનની જરૂરિયાત ખૂબ ઓછી છે. છતાંય વધતા કોરોના કેસોને આરોગ્ય વિભાગ ગંભીરતાથી લઈ રહ્યું છે.

કેન્દ્ર તરફથી જે સૂચનાઓ મળી છે તેને કડક રીતે અનુસરવામાં આવી રહ્યું છે. અન્ય દેશોમાં કોરોના પિક પર ગયો છે. હાલના વધતા કેસો થર્ડ વેવ તરફ છે છતાંય ભગવાન ન કરે ત્રીજી લહેર આવે.

છેલ્લા કેટલાક દિવસથી ગુજરાતમાં કોરોનાના નવા કેસમાં વધારો થયો છે.    રાજ્યમાં આજે કોરોના વાયરસના  કેસનો આંકડો 500ને પાર થયો છે. આજે 548 કેસ  નોંધાયા છે.   બીજી તરફ 65  દર્દીઓ રિકવર પણ થયા છે.  અત્યાર સુધીમાં કુલ 8,18,487  દર્દીઓએ કોરોનાને મ્હાત આપી છે. તો બીજી તરફ કોરોનાનો રિકવરી રેટ પણ 98.55 ટકાએ પહોંચ્યો છે. રાજ્યમાં કોરોના સંક્રમણથી આજે એક  મોત થયું છે.  આજે 1,94,376  લોકોનું રસીકરણ કરવામાં આવ્યું છે. 

ગુજરાતમાં છેલ્લા 24 કલાકમાં સામે આવેલા આંકડા પ્રમાણે અમદાવાદ કોર્પોરેશનમાં 265, સુરત કોર્પોરેશનમાં 72,  વડોદરા   કોર્પોરેશનમાં 34 ,  આણંદ 23, ખેડા 21, રાજકોટ કોર્પોરેશન 20, અમદાવાદ 13, કચ્છ 13, વલસાડ 9, સુરત 8, મોરબી 7, નવસારી 7, રાજકોટ 7, ભરુચ 6, ગાંધીનગર 6, ભાવનગર કોર્પોરેશનમાં 5, વડોદરામાં 5, જામનગર કોર્પોરેશનમાં 3,  મહીસાગર 3, મહેસાણા 3, સાબરકાંઠા 3, સુરેન્દ્રનગર 3, અરવલ્લી 2, બનાસકાંઠા 2, ગાંધીનગર કોર્પોરેશન 2, જામનગર 2,  અમરેલી 1,ભાવનગર 1, નર્મદા 1 અને પંચમહાલમાં 1 નવો કેસ નોંધાયો હતો.

જો કોરોનાના એક્ટિવ કેસની વાત કરીએ તો રાજ્યમાં એક્ટિવ કેસ 1902  કેસ છે. જે પૈકી 11 વેન્ટીલેટર પર છે, જ્યારે 1891 નાગરિકો સ્ટેબલ છે. 8,18,487 નાગરિકોને ડીસ્ચાર્જ કરવામાં આવ્યા છે. 10116 નાગરિકોનાં અત્યાર સુધીમાં કુલ મોત નિપજ્યાં છે. આજે પોરબંદરમાં 1 મોત થયું છે.

બીજી તરફ રસીકરણના મોરચે પણ સરકાર મજબૂતીથી લડી રહી છે. હેલ્થકેર વર્કર અને ફ્રન્ટલાઇન વર્કર પૈકી 3 નાગરિકોને રસીનો પ્રથમ ડોઝ અને 673 લોકોને બીજો ડોઝ અપાયો છે.  45 વર્ષથી વધારેની ઉંમરના 6301 લોકોને પ્રથમ અને 43566 નાગરિકોને રસીનો બીજો ડોઝ અપાયો હતો. 18-45 વર્ષના નાગરિકો પૈકી 22155 નાગરિકોને રસીનો પ્રથમ જ્યારે 121678 નાગરિકોને રસીનો બીજો ડોઝ અપાયો હતો. આ પ્રકારે આજના દિવસમાં કુલ 1,94,376 રસીના ડોઝ અપાયા હતા. અત્યાર સુધીમાં કુલ 8,90,14,828 રસીના ડોઝ અપાઇ ચુક્યા છે.