ગુજરાતના કેટલા જળાશયો 100 ટકા ભરાઈ ગયા, સરદાર સરોવરમાં કેટલા ટકા છે પાણી, જાણો વિગત

વરસાદને પરિણામે 42 જળાશયો 50 ટકા સુધી ભરાયા છે. 7 જળાશયો 70 થી 100 ટકા ભરાયા છે અને 15 જળાશયો 50 થી 70 ટકા ભરાયા છે.

ગાંધીનગરઃ રાજ્યમાં છેલ્લા થોડા દિવસોથી મેઘરાજાએ બરાબરની જમાવટ કરી છે. જેના કારણે નદી-તળાવોમાં નવા નીર આવ્યા છે. જળ સંપત્તિ વિભાગના જણાવ્યા મુજબ, રાજ્યમાં સરેરાશ 52 ટકા વરસાદ નોંધાયો છે. વરસાદને પરિણામે 42 જળાશયો 50 ટકા સુધી ભરાયા છે. 7 જળાશયો 70 થી 100 ટકા ભરાયા છે અને 15 જળાશયો 50 થી 70 ટકા ભરાયા છે. સરદાર સરોવરમાં કુલ સંગ્રહશક્તિના 57.08 ટકા પાણી છે. ઉત્તર ગુજરાતના ૧૫ જળાશયોમાં ૧૫.૭૮ ટકા, મધ્ય ગુજરાતના ૧૭ જળાશયોમાં ૪૪.૨૮ ટકા, દક્ષિણ ગુજરાતના ૧૩ જળાશયોમાં ૩૫.૮૪ ટકા, કચ્છના ૨૦ જળાશયોમાં ૧૮.૮૮ ટકા અને સૌરાષ્ટ્રના ૧૩૯ જળાશયોમાં ૧૮.૯૫ એમ રાજયમાં કુલ-૨૦૪ જળાશયોમાં હાલ સંગ્રહાયેલ પાણીનો કુલ જથ્થો ૩૧.૫૭ ટકા છે. રાજ્યમાં હાલમાં ૧,૦૦૦ ક્યુસેક તથા તેથી વધુ પાણીની આવક ધરાવતા જળાશયોમાં સરદાર સરોવરમાં ૨૪,૪૩૮, દમણગંગામાં ૧,૬૫,૯૪૫, ઉકાઇમાં ૪૪,૯૩૭, શેત્રુંજીમાં ૧૮,૮૨૮, કરજણમાં ૫,૮૫૦, ઓઝત-વીઅર(વંથલી)માં ૫,૦૪૩, ઓઝત-વીઅરમાં ૩,૯૯૦, કડાણામાં ૧,૭૧૫, ઝુજમાં ૧,૫૬૭, વણાકબોરીમાં ૧,૫૦૦, વેર- ૨માં ૧,૪૫૦, આજી-૨માં ૧,૪૪૯,  ઓઝત-૨માં ૧,૨૮૮ અને આજી-૩માં ૧,૧૯૪ ક્યુસેકનો સમાવેશ થાય છે. ન્યૂઝીલેન્ડના આ સ્ટાર ખેલાડીને કોહલીને લઈ મજાક કરવી પડી ભારે, ફેન્સે કરી દીધો ટ્રોલ શૉને ફટકારવામાં આવેલી સજાને લઈ ભડક્યો ટીમ ઈન્ડિયાનો પૂર્વ ક્રિકેટર, BCCIને આડે હાથ લઈ કહી આ મોટી વાત, જાણો વિગત