શોધખોળ કરો
Advertisement
![ABP Premium](https://cdn.abplive.com/imagebank/Premium-ad-Icon.png)
ભારેથી અતિભારે વરસાદને લઈને ગુજરાતના કયા-કયા વિસ્તારોને રેડ એલર્ટ કરાયા? જાણો વિગત
હાલ ગુજરાતમાં વરસાદી માહોલ જામ્યો છે ત્યારે હવામાન વિભાગે 9 તારીખ સુધી ભારે વરસાદની આગાહી કરી છે. જોકે આગામી 24 કલાકમાં ગુજરાતમાં ભારેથી અતિભારે વરસાદની હવામાન વિભાગે આગાહી કરી છે
![ભારેથી અતિભારે વરસાદને લઈને ગુજરાતના કયા-કયા વિસ્તારોને રેડ એલર્ટ કરાયા? જાણો વિગત IMD issues red alert as heavy rains pound South Gujarat and Saurashtra ભારેથી અતિભારે વરસાદને લઈને ગુજરાતના કયા-કયા વિસ્તારોને રેડ એલર્ટ કરાયા? જાણો વિગત](https://static.abplive.com/wp-content/uploads/sites/7/2019/09/06081238/Rain-Gujarat.jpg?impolicy=abp_cdn&imwidth=1200&height=675)
ગાંધીનગર: હાલ ગુજરાતમાં વરસાદી માહોલ જામ્યો છે ત્યારે હવામાન વિભાગે 9 તારીખ સુધી ભારે વરસાદની આગાહી કરી છે. જોકે આગામી 24 કલાકમાં ગુજરાતમાં ભારેથી અતિભારે વરસાદની હવામાન વિભાગે આગાહી કરી છે જેને લઈને નવસારી, વલસાડ, દમણ, દાદરાનગર હવેલી, જૂનાગઢ અને ગીર સોમનાથમાં રેડ એલર્ટ આપવામાં આવ્યું છે.
હવામાન વિભાગ દ્વારા આગામી 24 કલાક સુધી ગુજરાતના અનેક વિસ્તારોને રેડ એર્લટ આપવામાં આવ્યું છે. જેને પગલે માછીમારોને દરિયો ન ખેડવાની સૂચના પણ આપવામાં આવી છે. હાલ સૌરાષ્ટ્ર અને દક્ષિણ ગુજરાતના અનેક વિસ્તારોમાં ધોધમાર વરસાદ પડી રહ્યો છે. જ્યારે અમદાવાદ, ગાંધીનગર અને ઉત્તર ગુજરાતમાં પણ છેલ્લા ત્રણ દિવસથી ભારે વરસાદ પડી રહ્યો છે.
મહત્વની વાત એ છે કે, હવામાન વિભાગે ભારેથી અતિભારે વરસાદ પડવાના દિવસોમાં વધારો કરતાં 9 સપ્ટેમ્બર સુધીની આગાહી કરી છે. એટલે કે આગામી 4 દિવસ ભારેથી અતિભારે વરસાદ પડવાની હવામાન વિભાગે આગાહી કરી છે.
ઉલ્લેખનીય છે કે, ગુજરાતના વિવિધ વિસ્તારોમાં છેલ્લા કેટલાંક દિવસથી જોરદાર વરસાદ પડી રહ્યો છે. જેમાં સૌરાષ્ટ્ર, દક્ષિણ ગુજરાત અને કચ્છના કેટલાંક વિસ્તારોમાં ભાદરવો ભરપૂર વરસી રહ્યો છે. ઉત્તર ગુજરાતમાં પણ વરસાદી માહોલ જામ્યો છે. આમ, સમગ્ર ગુજરાત પર ઘરાજા વરસી રહ્યા છે.
હવામાન વિભાગે અગાઉ પણ આગાહી કરી હતી કે, ગુજરાતમાં 7 સપ્ટેમ્બર સુધી ભારે વરસાદ પડે તેવી સંભાવના છે જે સાચી ઠરી છે. ત્યારે હવે, 7, 8 અને 9 તારીખે પણ ભારેથી અતિભારે વરસાદ પડવાની શક્યતા હવામાન વિભાગે વ્યક્ત કરી છે અને સાથે જ તંત્રને એલર્ટ રહેવા જણાવ્યું છે.
Khelo khul ke, sab bhool ke - only on Games Live
વધુ જુઓ
Advertisement
ટ્રેન્ડિંગ સમાચાર
Advertisement
Advertisement
ટોપ સ્ટોરી
અમદાવાદ
શિક્ષણ
ક્રાઇમ
ક્રિકેટ
Advertisement
![ABP Premium](https://cdn.abplive.com/imagebank/metaverse-mid.png)