Vibrant Gujarat: જાણો પીએમ મોદીનું આજનું મિનીટ ટૂ મિનીટ શિડ્યૂલ, કોની-કોની સાથે થશે મીટિંગ ને કેટલા વાગે જશે દિલ્હી ?
વડાપ્રધાન નરેન્દ્ર મોદી બે દિવસની ગુજરાતની મુલાકાતે છે, આજે સવારે પીએમ મોદી ગાંધીનગરમાં મહાત્મા મંદિરમાં વાઇબ્રન્ટ સમિટ 2024નું ઉદઘાટન કરશે
Vibrant Gujarat Summit 2024: વડાપ્રધાન નરેન્દ્ર મોદી બે દિવસની ગુજરાતની મુલાકાતે છે, આજે સવારે પીએમ મોદી ગાંધીનગરમાં મહાત્મા મંદિરમાં વાઇબ્રન્ટ સમિટ 2024નું ઉદઘાટન કરશે, ગુજરતમાં દર બે વર્ષે વાઇબ્રન્ટ સમિટનું આયોજન કરવામા આવે છે, આ વખતે વાઇબ્રન્ટ સમિટની 10મી એડિશન છે. આ પહેલા અમે તમને અહીં આજે વડાપ્રધાન મોદીના આખા શિડ્યૂલની માહિતી આપી રહ્યાં છીએ, જાણો અહીં મિનીટ ટૂ મિનીટ કાર્યક્રમ...
આજે પીએમ મોદી ગાંધીનગરમાં છે, અને અહીં તેનો મિનીટ ટૂ મિનીટ કાર્યક્રમ આપવામાં આવ્યો છે, જાણો
આજે 10 જાન્યુઆરીએ વડાપ્રધાન નરેન્દ્ર મોદીનો મિનીટ ટૂ મિનીટ કાર્યક્રમ -
- 9 કલાકે રાજભવનથી PM મોદી મહાત્મા મંદિર જવા નીકળશે.
- 9:10 કલાકે PM મોદી મહાત્મા મંદિર પહોંચશે.
- 9:15 થી 9:35 કલાક દરમિયાન 3 ગ્રુપ ફોટોગ્રાફ સેશન થશે.
- 9:40થી 12:15 કલાક દરમિયાન 10મી વાઇબ્રન્ટ ગુજરાત ગ્લૉબલ સમિટનું પીએમ મોદી ઉદઘાટન કરશે.
- 12: 15થી 1: 40 દરમિયાન મહાનુભાવો સાથે PM મોદી ભોજન કરશે.
- 1:40થી 1:50 દરમિયાન અધિકારીઓ સાથે પીએમ મોદી બ્રિફિંગ કરશે.
- 1:50થી 2:20 ચેક રિપબ્લિકના પ્રધાનમંત્રી સાથે મંત્રણા કરશે.
- 2:30થી 2:45 ગ્લૉબલ સીઇઓ સાથે પીએમ મોદી બેઠક કરશે.
- 2:45થી 4:45 કલાકનો સમય અનામત રખાયો છે.
- 4:50 કલાકે ગિફ્ટ સિટી જવા રવાના થશે.
- 5:10 કલાકે PM મોદી ગિફ્ટ સિટીમાં પહોંચશે.
- 5:15થી 6:45 કલાક દરમિયાન ગ્લૉબલ ફિંટેલ લીડરશિપ ફૉરમના કાર્યક્રમમાં હાજરી આપશે.
- 6:50 કલાકે ગિફ્ટ સિટીથી PM મોદી એરપોર્ટ જવા નીકળશે.
- 7:15 કલાકે PM મોદી અમદાવાદ એરપોર્ટ પહોંચશે.
- 7:20 કલાકે પ્રધાનમંત્રી નરેન્દ્ર મોદી અમદાવાદથી દિલ્હી જવા રવાના થશે.
- 8:45 કલાકે PM મોદી દિલ્હી પહોંચશે.
PM નરેન્દ્ર મોદી વાઇબ્રન્ટ સમિટનું કરશે ઉદ્ધાટન, 34 દેશ અને 16 સંસ્થાઓ થશે સામેલ
વડાપ્રધાન નરેન્દ્ર મોદી આજે વાઈબ્રન્ટ ગુજરાત સમિટનું ઉદ્ઘાટન કરશે. 10મી ગુજરાત વાઇબ્રન્ટ સમિટ 10 થી 12 જાન્યુઆરી દરમિયાન યોજાશે. આ વર્ષની વાઇબ્રન્ટ સમિટની થીમ ગેટવે ટુ ધ ફ્યુચર છે. સમિટમાં 34 દેશો અને 16 સંસ્થાઓ ભાગ લેશે.
મીડિયા રિપોર્ટ્સ અનુસાર, ગાંધીનગરના મહાત્મા મંદિરમાં 10 જાન્યુઆરી, 2024ના રોજ સવારે 9.45 વાગ્યે કાર્યક્રમનું ઉદ્ઘાટન કરવામાં આવશે. આ કાર્યક્રમમાં ગુજરાતના મુખ્યમંત્રી ભૂપેન્દ્ર પટેલ અને રાજ્યપાલ આચાર્ય દેવવ્રત પણ ભાગ લેશે. પીએમ મોદીએ કહ્યું કે વાઈબ્રન્ટ ગુજરાત ગ્લોબલ સમિટ આત્મનિર્ભર ભારત માટે સમૃદ્ધ ગુજરાતના વિઝન સાથે નવી ઊંચાઈઓ હાંસલ કરવાનું ચાલુ રાખશે. ગુજરાતના સીએમએ કહ્યું હતું કે સમિટ એ આપણા વડા પ્રધાનના વિઝન મુજબ વિકાસ અને સામાજિક-આર્થિક વૃદ્ધિ પ્રત્યેની અમારી પ્રતિબદ્ધતાનું પ્રતીક છે.
ગાંધીનગરના મહાત્મા મંદિર ખાતે આજે યોજાનારી વાઇબ્રન્ટ સમિટમાં 4 દેશના રાષ્ટ્રપ્રમુખની સાથે 200 કંપનીઓના સીઇઓ આવશે. જેમાં 75 જેટલા સીઇઓ ગ્લોબલ કંપનીઓના પણ આવશે.
મહાત્મા મંદિર ખાતે વિદેશી મહેમાનો અને વિવિધ રાષ્ટ્રના વડાઓ સાથે ફોટોશૂટ યોજાશે. મહાત્મા મંદિરમાં PM મોદી ચેક રિપબ્લિકના પ્રધાનમંત્રી સાથે મંત્રણા કરશે. વિવિધ રાષ્ટ્રના વડાઓ અને વિદેશી મહેમાનો સાથે PM મોદી ભોજન કરશે. આવતીકાલે પણ PM મોદી ગ્લોબલ CEO સાથે બેઠક કરશે અને ગિફ્ટ સિટીની મુલાકાત લેશે. ગિફ્ટ સિટીમાં ગ્લોબલ ફિંટેક લીડરશિપ ફોરમ સાથે PM મોદી સંવાદ કરશે . ગિફ્ટ સિટીથી PM મોદી સીધા અમદાવાદ એરપોર્ટ અને ત્યાંથી દિલ્હી જવા રવાના થશે
ટ્રેન્ડિંગ સમાચાર
ટોપ સ્ટોરી
