વેક્સિન અંગે જાગૃતિઃ ગુજરાતના આ જિલ્લાનાં 38 ગામડામાં 100 ટકા વેક્સિનેશન, જિલ્લામાં કુલ 55 ટકા વેક્સિનેશન કામગીરી પૂર્ણ
કોરોના સામે સુરક્ષિત રહેવા વેક્સિન એકમાત્ર સંજીવની છે. એવામાં બોટાદ જિલ્લામાં 100 ટકા સંકલ્પ સાથે કલેક્ટરના માર્ગદર્શન હેઠળ વેક્સિનેશનની કામગીરી ચાલી રહી છે.
વેક્સિનેશન અંગે બોટાદ જિલ્લાના ગામડાઓમાં જબરદસ્ત જાગૃતતા જોવા મળી છે. જિલ્લાના 38 ગામડાઓમાં 100 ટકા વેક્સિનેશન થયું છે. તો જિલ્લામાં અત્યાર સુધીમાં કુલ 55 ટકા વેક્સિનેશન કામગીરી પૂર્ણ થઈ છે. કોરોના સામે સુરક્ષિત રહેવા વેક્સિન એકમાત્ર સંજીવની છે. એવામાં બોટાદ જિલ્લામાં 100 ટકા સંકલ્પ સાથે કલેક્ટરના માર્ગદર્શન હેઠળ વેક્સિનેશનની કામગીરી ચાલી રહી છે. અધિકારીઓ ગામડે ગામડે ફરીને વેક્સિન અંગે જાગૃતતા ફેલાવી રહી છે. ત્યારે બોટાદ જિલ્લાના 38 ગામડાઓ એવા છે. જ્યાં 100 ટકા વેક્સિનેશન કામગીરી પૂર્ણ થઈ છે. જ્યારે જિલ્લામાં કુલ 55 ટકા વેક્સિનેશન પૂર્ણ થયુ છે.
ગુજરાતમાં કોરોના કેસ
ગુજરાતમાં ગઈકાલે કોરોનાના 23 નવા કેસ સામે આવ્યા છે. ગઈકાલે કોરોના સંક્રમણથી રાજ્યમાં એક પણ દર્દીનું મોત નથી થયું. રાજ્યમાં હાલ 178 એક્ટિવ કેસ છે અને 7 દર્દી વેન્ટિલેટર પર છે. રાજ્યમાં સાજા થવાનો દર 98.76 ટકા છે. રાજ્યમાં હાલ કોરોના વાયરસના કેસ સ્થિર થયા છે. રાજ્યમાં કોરોનાથી સાજા થવાનો દર 98.76 પર પહોંચી ચુક્યો છે. તો બીજી તરફ રસીકરણ (Vaccination) ના મોરચે પણ સરકાર ખુબ જ મજબુતીથી લડી રહી છે. રાજ્યમાં ગઈકાલે 5,97,748 દર્દીઓનું રસીકરણ થયું છે.
છેલ્લા 24 કલાક દરમિયાન અમદાવાદ શહેરમાંથી સૌથી વધુ 6, વડોદરા કોર્પોરેશનમાં 5, સુરત 3, સુરત કોર્પોરેશનમાં 3, અમદાવાદ 1, દાહોદ 1, ગીર સોમનાથ 1, જામનગર 1, જૂનાગઢ કોર્પોરેશન, નવસારી 1 કેસ નોંધાયા છે. રાજ્યમાંથી વધુ 27 દર્દીઓ કોરોનાથી સાજા થયા છે. અત્યારસુધી કુલ 8,14,885 દર્દીઓ કોરોનાને હરાવી ચૂક્યા છે.
એક્ટિવ કેસ (Active Case) ની વાત કરીએ તો રાજ્યમાં હાલ કુલ 178 એક્ટિવ કેસ છે. જે પૈકી 07 વેન્ટીલેટર પર છે. 171 સ્ટેબલ છે. અત્યાર સુધી કોરોનાની સારવાર લઇને 8,14,885 નાગરિકો સાજા થઇ ચુક્યા છે. 10,078 નાગરિકોનાં અત્યાર સુધીમાં કોરોના (Covid) ને કારણે મોત થઇ ચુક્યા છે. જો કે ગઈકાલે કોરોનાને કારણે એકપણ મોત નિપજ્યું નથી. અમદાવાદ કોર્પોરેશનમાં 6 કેસ નોંધાયા છે. સુરત કોર્પોરેશનમાં 3, વડોદરા કોર્પોરેશન 5, સુરત 3, અમદાવાદ 1, દાહોદ 1, ગીર સોમનાથ 1, જામનગર 1, જુનાગઢ કોર્પોરેશન 1 અને નવસારી 1 એમ કુલ 23 કેસ નોંધાયા છે.
જો રસીકરણ (Vaccination) ની વાત કરીએ તો રાજ્યમાં હેલ્થકેર વર્કર અને ફ્રન્ટલાઇન વર્કર્સ પૈકી 97 કર્મચારીઓને રસીનો પ્રથમ ડોઝ અને 4726 કર્મચારીને રસીનો બીજો ડોઝ અપાયો હતો. 45 વર્ષથી વધારેની ઉંમરના 1,27,356 નાગરિકોને રસીનો પ્રથમ અને 61,829 નાગરિકોને રસીનો બીજો ડોઝ અપાઇ ચુક્યો છે. 18-45 વર્ષ સુધીના 3,81,507 નાગરિકોને રસીનો પ્રથમ જ્યારે 22,233 નાગરિકોને રસીનો બીજો ડોઝ અપાયો હતો. 5,97,748 કુલ રસીના ડોઝ આજના દિવસમાં અપાયા છે. અત્યાર સુધીમાં 3,91,88,409 કુલ રસીના ડોઝ અપાઇ ચુક્યા છે.
ટ્રેન્ડિંગ સમાચાર
ટોપ સ્ટોરી
