COVID-19 update: રાજ્યમાં છેલ્લા 24 કલાકમાં કોરોનાના વધુ 185 કેસ નોંધાયા, કુલ એક્ટિવ કેસનો આંકડો 1,000 નજીક પહોંચ્યો
હાલ 32 દર્દીઓ જ સારવાર હેઠળ છે. જ્યારે 948 દર્દી ઘરે જ સારવાર લઈ રહ્યા છે. આરોગ્ય વિભાગના દાવા પ્રમાણે દર 6-8 મહિને કોરોનાના કેસમાં આ પ્રકારનો વધારો આવતો હોય છે.એટલે ગભરાવવાની જરૂર નથી.
રાજ્યમાં કોરોનાના એક્ટિવ કેસનો આંકડો એક હજારને નજીક પહોંચ્યો હતો. મળતી જાણકારી અનુસાર, છેલ્લા 24 કલાકમાં કોરોનાના વધુ 185 કેસ સાથે એક્ટિવ કેસનો આંક 980 થઈ ગયો છે. 3 જૂને એક્ટિવ કેસનો આંક 461 હતો.તે વધીને હવે 980 થઈ ગયો છે. હાલ 32 દર્દીઓ જ સારવાર હેઠળ છે. જ્યારે 948 દર્દી ઘરે જ સારવાર લઈ રહ્યા છે. હોસ્પિટલમાં સારવાર લેવી પડે તેવા દર્દીઓમાંથી પણ મોટાભાગના કોમોર્બિડ જ છે. આરોગ્ય વિભાગના દાવા પ્રમાણે દર 6-8 મહિને કોરોનાના કેસમાં આ પ્રકારનો વધારો આવતો હોય છે.એટલે ગભરાવવાની જરૂર નથી.
છેલ્લા 48 કલાકમાં દેશમાં કોરોનાના 769 નવા કેસ (Covid 19 Cases Updates) નોંધાયા છે. આ સાથે સારવાર હેઠળના દર્દીઓની સંખ્યા છ હજારને વટાવી ગઈ છે. આ સંદર્ભમાં કેન્દ્રીય આરોગ્ય મંત્રાલયે રવિવારે આંકડા જાહેર કર્યા હતા. મંત્રાલય અનુસાર, કેરળ સૌથી વધુ અસરગ્રસ્ત રાજ્ય છે. ત્યારબાદ ગુજરાત, બંગાળ અને દિલ્હીનો ક્રમ આવે છે.
કેન્દ્ર 'મોક ડ્રીલ' આયોજીત કરી રહ્યું છે
સત્તાવાર સૂત્રોએ જણાવ્યું હતું કે કોરોનાના વધતા કેસોને ધ્યાનમાં રાખીને તૈયારીઓનો હિસ્સો લેવા માટે કેન્દ્ર 'મોક ડ્રીલ' કરી રહ્યું છે. તમામ રાજ્યોને ઓક્સિજન, વેન્ટિલેટર અને આવશ્યક દવાઓની ઉપલબ્ધતા સુનિશ્ચિત કરવા સૂચના આપવામાં આવી છે.
મંત્રાલયે જણાવ્યું હતું કે ભારતમાં કોરોનાની સારવાર લઈ રહેલા દર્દીઓની સંખ્યા 6,133 છે. છેલ્લા 24 કલાકમાં વધુ છ કોરોના દર્દીઓના મોત થયા છે. સત્તાવાર સૂત્રો અનુસાર, મોટાભાગના દર્દીઓમાં હળવા લક્ષણો હતા અને તેઓ ઘરે સારવાર બાદ સ્વસ્થ થયા છે. આ વર્ષે જાન્યુઆરીથી દેશમાં 65 લોકોના કોરોનાથી મૃત્યુ થયાના અહેવાલ છે. 22 મે સુધીમાં દેશમાં સારવાર હેઠળ રહેલા દર્દીઓની સંખ્યા 257 હતી.
કેરળ હજુ પણ દેશમાં સૌથી વધુ અસરગ્રસ્ત રાજ્ય છે. અહીં કોરોનાના કુલ 1950 કેસ છે. છેલ્લા 24 કલાકમાં તેમાં 144નો વધારો જોવા મળ્યો છે. આ પછી ગુજરાતમાં 822, દિલ્હીમાં 686, મહારાષ્ટ્રમાં 595, કર્ણાટકમાં 366, ઉત્તર પ્રદેશમાં 219, તમિલનાડુમાં 194, રાજસ્થાનમાં 132 અને હરિયાણામાં 102 કેસ મળી આવ્યા છે.
ટોપ સ્ટોરી
ટ્રેન્ડિંગ સમાચાર
