દ્વારકામાં નોંધાયો ચોંકાવનારો હનીટ્રેપ કેસ, યુવતી સાથે મળી પોલીસકર્મી, હોમગાર્ડે રાજકોટના વેપારીને લૂંટ્યો
દ્વારકા પોલીસ સ્ટેશનમાં એક ચોંકાવનારો હનીટ્રેપ કેસ નોંધાયો છે
દ્વારકા પોલીસ સ્ટેશનમાં એક ચોંકાવનારો હનીટ્રેપ કેસ નોંધાયો છે. જેમાં એક પોલીસ કર્મચારી, એક હોમગાર્ડ જવાનની સંડોવણી ખૂલી હતી તો હનીટ્રેપમાં વેપારીને ફસાવનારી યુવતી અને જીમ ટ્રેનરની પોલીસે ધરપકડ કરી હતી. મળતી જાણકારી અનુસાર, સોશિયલ મીડિયા પર આરજુ સિંહ નામની યુવતીએ રાજકોટના પ્રતિષ્ઠિત વેપારી સાથે મિત્રતા કેળવી અને ત્યારબાદ તેણે વેપારીને દ્વારકા દર્શન માટે બોલાવ્યા હતા. બાદમાં રસ્તામાં પોલીસની વર્દી પહેરીને આવેલા બે યુવકોએ વેપારીની કાર રોકી હતી. તેમણે વેપારીને ડ્રગ્સ કેસમાં ફસાવવાની ધમકી આપી 10 કરોડ રૂપિયાની માંગણી કરી હતી. રકઝકના અંતે 1.20 કરોડ રૂપિયા આંગડિયા પેઢી મારફતે પડાવ્યા હતા. બાકીની રકમ માટે યુવતીએ વેપારીને દુષ્કર્મના કેસમાં ફસાવવાની ધમકી આપી ભાગી છૂટી હતી.
પોલીસ તપાસમાં સામે આવ્યું છે કે નકલી પોલીસકર્મીઓએ પહેરેલી વર્દી પર સંજય કરંગીયા અને એસ.કે.સોલંકી નામ લખેલા હતા. સંજય કરંગીયા પોલીસ કર્મચારી તરીકે અને અજય હોમગાર્ડ જવાન તરીકે જામનગર પોલીસમાં ફરજ બજાવે છે, તેની સામે પણ ગુનો નોંધાયો છે. ઓખા મરીન પોલીસે ગુનો નોંધી વધુ તપાસ હાથ ધરી છે.
રાજકોટના 64 વર્ષીય વૃદ્ધે 27 વર્ષની નિકિતા ઉર્ફે આરજુ સિંહ નામની યુવતી અને બે ઇસમો એ ખંખેરી લીધાનો બનાવ પ્રકાશમાં આવ્યો છે. રાજકોટના 64 વર્ષીય વૃદ્ધ સાથે એક યુવતી ટિન્ડર નામની એપથી સંપર્કમાં આવી હતી. નિકિતા નામની 27 વર્ષીય યુવતી જે જામનગર રહેતી હતી. જેણે રાજકોટના વેપારીને વૃદ્ધને દ્વારકા મળવા બોલાવ્યાં હતા.
રસ્તામાં બે અજાણ્યા લોકોએ સ્વિફ્ટ કારમાં આવી પોલીસની ઓળખ આપી નિકિતા પાસે પર્સમાંથી ડ્રગ્સ જેવા દેખાતા સફેદ કલરના પાવડર પકડવાનું નાટક કર્યું હતું. પોલીસ વર્દીમાં આવેલા આ લોકોની ઓળખ સંજય કરંગીયા જે જામનગર પોલીસ હેડ ક્વાટર ખાતે ફરજ બજાવતો હતો અને બીજો અજય હોમગાર્ડ હોવાનું જાણવા મળ્યું હતું. બાદમાં વેપારીને બચાવવા માટે 8 કરોડમાં ડિલ કરી હતી. જેથી 64 વર્ષીય વૃદ્ધે આંગડિયા મારફત 1 કરોડ 20 લાખ મંગાવી આપ્યા. હતા. જોકે બાદમાં વેપારીએ તે ત્રણેય વિરુદ્ધ પોલીસ ફરિયાદ નોંધાવી હતી. દ્વારકા પોલીસે તાત્કાલિક ફરિયાદ લઈ અને 27 વર્ષીય નિકિતા તથા પર્વત નામના 32 વર્ષીય આરોપીને ઝડપી લીધા હતા અને ફરાર બે આરોપીને ઝડપી લેવા કાર્યવાહી હાથ ધરી હતી. હજુ જામનગરના પોલીસ કર્મી સંજય કરંગીયા અને હોમ ગાર્ડ અજય નામના આરોપી ફરાર છે.
ટોપ સ્ટોરી
ટ્રેન્ડિંગ સમાચાર
