Accident: નેશનલ હાઇવે પર દુર્ઘટના, એક સાથે 8 વાહન અથડાયા, રોડ પર ઉભેલી બસ પાછળ ઘૂસી ગયું આઇસર

સુરત: નેશનલ હાઇવે 48 પર આજે ભયાનક અકસ્માત સર્જાયો હતો. અહીં એક સાથે 8 વાહન અથડાતા અકસ્માતની હારમાળા સર્જાઇ હતી. આ ઘટના માંગરોળ ના પાલોદ ગામ નજીક બની હતી.

નેશનલ હાઇવે 48 પર અકસ્માત

સુરત: નેશનલ હાઇવે નંબર  48 પર રસ્તા પર ઉભેલી લક્ઝરી બસ પાછળ એક પછી એક વાહન અથડાતા અકસ્માત સર્જાયો હતો. સુરતથી અમદાવાદ જવાનાં નેશનલ હાઇવે પર  લક્ઝરી બસ પાર્ક કરેલી હતી આ સમય દરમિયાન સાત થી આઠ કાર અને આઈસર બસ સાથે અથડાતા હતા. જો કે સદભાગ્યે નાની મોટી ઇજા સિવાય કોઇ જાનહાનિ નથી થઇ. અકસ્માતમાં કાર, ટેમ્પો ચાલકને નજીવી ઇજા પહોંચી હતી. એક સાથે સાત થી આઠ વાહનો વચ્ચે અકસ્માત થતા ટ્રાફિક જામ થયો હતો. આ ઘટના માંગરોળ ના પાલોદ ગામ નજીક બની હતી. ઘટનાની જાણ થતાં પાલોદ પોલીસ ઘટના સ્થળે પહોંચી હતી અને સમગ્ર ઘટનાને લઇને તજવીજ હાથ ધરી હતી.                                                                                                                                             

તો બીજી તરફ  અડાજણ પાલ ગેલેક્સી સર્કલ પાસે અકસ્માત સર્જાયો હતો. કાર શીખી રહેલી મહિલાએ અકસ્માત સર્જ્યો હતો. ભરચક વિસ્તારમાં સ્ટેરીંગ પર થી કાબૂ ગુમાવતા કાર દીવાલ સાથે અથડાઇ હતી. ઘટના ને લઇ લોકો ના ટોળે ટોળા ઉમટ્યા હતી જો કે આ અકસ્માતમાં પણ સદભાગ્યે કોઇ જાનહાનિ થઇ ન હતી.                                         

આ પણ વાંચો