Bharuch: ગામ તળાવોના નામે લાખોની ઉચાપત કરનારા સસ્પેન્ડ સરપંચ, એક જ દિવસમાં સરપંચો સસ્પેન્ડ

ભરૂચ જિલ્લામાં જિલ્લા વિકાસ અધિકારીએ એક્શન લેવાનું શરૂ કર્યુ છે. જિલ્લાના જંબુસર તલાકામા આજે વધુ એક સરપંચને સસ્પેન્ડ કરી દેવામાં આવ્યા છે

(તસવીર- એબીપી અસ્મિતા ન્યૂઝ)

Bharuch News: ભરુચ જિલ્લામાંથી ડીડીઓ દ્વારા આકરી કાર્યવાહીની ઘટના સામે આવી છે. જિલ્લા વિકાસ અધિકારીએ ફરજોમાં બેદરકારી અને લાંચ રૂશ્વત લેવાના કેસમાં એક દિવસમાં સરપંચને સસ્પેડ કરી દીધા છે. જિલ્લાના જંબુસર તાલુકના ઉચ્છદના સરપંચને ઉચાપતના કેસમાં સસ્પેન્ડ કરી દેવાયા છે. 

ભરૂચ જિલ્લામાં જિલ્લા વિકાસ અધિકારીએ એક્શન લેવાનું શરૂ કર્યુ છે. જિલ્લાના જંબુસર તલાકામા આજે વધુ એક સરપંચને સસ્પેન્ડ કરી દેવામાં આવ્યા છે. એક દિવસમા બે ગ્રામપંચાયતના સરપંચને સસ્પેન્ડ કરી દેવામાં આવતા હડકંપ મચી ગયો છે. ડીડીઓએ આજે જંબુસરના ઉચ્છદ ગામના સરપંચને ગ્રામપંચાયતમા ઉંચાપતને લઇને સસ્પેન્ડ કરી દીધા છે. ડીડીઓએ બે સરપંચને સસ્પેન્ડ કર્યા છે જેમાં સરપંચ અજય હરેશ અને સરપંચ સોલંકીને સસ્પેન્ડ કરાયા છે. ખાસ વાત છે કે, ગામના તળાવને મત્સ્ય ઉછેર માટે 47000 રૂપિયામાં આપીને સરપંચે રૂપિયાની ઉચાપત કરી હતી, જે મામલો બહાર આવ્યો હતો. જેને લઇને જિલ્લા વિકાસ અધિકારીએ ઉચ્છદ ગામના સરપંચને ફરજોમાં બેદરકારી તેમજ સુસંગત કાર્યોમાં બેદરકારી દાખવવા બદલ સસ્પેન્ડ કર્યા હતા. હાલમાં ઉચ્છદ ગામના સરપંચનો ચાર્જ ઉપસરપંચ સોંપવા પણ હુકમ કરાયો છે. 

પ્રેમ લગ્ન કરનાર યુવકની સાળાએ મિત્ર સાથે મળી હત્યા કરતા ખળભળાટ

રાજકોટ શહેરમાં એક હચમચાવતી હત્યાની ઘટના બની છે.  જામનગરના દરેડથી પત્નીને તેડવા રાજકોટ આવેલા પતિ પર સાળા અને તેનાં મિત્રએ ધોકા વડે હુમલો કર્યો હતો.  જેથી તેમને સારવાર માટે સિવિલ હોસ્પિટલમાં ખસેડાયો હતો.  યુવકે બે વર્ષ પહેલા રાજકોટની યુવતી સાથ કોર્ટ મેરેજ કર્યા હતા.થોડાં દિવસ પહેલાં પત્ની માવતરે ગયા બાદ તેમની તબિયત સારી નહીં હોવાનું બહાનું કાઢી સાળાએ તેમને સાસરે જ જવા ન દેતા પતિને રાજકોટ લેવા બોલાવ્યો હતો. કોર્ટ મેરેજનો ખાર રાખી સાળાએ બનેવી પર હુમલો કર્યો કરી બંને પગ અને હાથ ભાંગી નાખ્યા હતા.આ બનાવમાં યુવકની ફરિયાદ પરથી તેમના સાળા અને તેના મિત્ર વિરુદ્ધ ગુન્હો નોંધવામાં આવ્યો હતો.આ બનાવમાં યુવકનું સારવારમાં મોત નિપજ્યા બનાવ હત્યામાં પલટ્યો હતો.

જામનગરના દરેડમાં રહેતા સુનિલભાઈ જગદિશભાઈ જાદવ (ઉ.વ.27)એ ફરિયાદમાં જણાવ્યું કે, હું સેન્ટીંગ કરું છું.મેં બે વર્ષ પહેલા રાજકોટમાં મોરબી રોડ ગણેશનગરમાં તેના માસીના ઘરે રહેતો હતો ત્યારે ત્યાં શેરી નં.7 માં રહેતા મનુભાઈ પરમારની દિકરી પ્રિયા સાથે જૂનાગઢ કોર્ટમાં મેરેજ કરી લીધા હતા.બાદમાં તાીક  6/3ના રોજ મારો સાળો રવિ મારી પત્ની પ્રિયાની તબિયતનુ બહાનું કાઢી રાજકોટ તેડી ગયો હતો. બે દિવસથી હુ ફોન કરતા કોઈ ફોન ઉપાડેલ નહીં. બાદમાં હું રાજકોટ પ્રિયાને તેડવા માટે આવ્યો અને સાળા રવિએ ફોન કરી મને રાજકોટ કુવાડવા રોડ ચામુંડાનગરમાં આવેલ તેના ટાયરના ડેલામાં બોલાવ્યો હતો.

આ દરમિયાન  રવિ તથા તેના મિત્રએ ચા પાણી પીવડાવ્યા બાદ મે પ્રિયાને બોલાવાનુ કહેતા રવિ તથા તેનો મિત્ર થોડા આઘા પાછા થઈ અને રવિએ ગાળો આપી મોઢુ દબાવી ખાટલામાં સુવડાવી દીધો હતો.તેનો મિત્ર પાઈપ લાવી મને જેમ ફાવે તેમ મારવા લાગ્યો હતો.બાદમાં હુ બુમાબુમ કરતા રવિના મિત્ર પાસે છરી હતી.તે રવિએ હાથમા લઈ અને છરીથી જાનથી મારી નાખવાની ધમકી આપી હતી.ત્યાં ડેલા બહાર માણસો ભેગા થઈ જતા બંને જણા હથિયાર લઈ ત્યાંથી નાસી ગયા હતા. આ ગંભીર હુમલાની ઘટનામાં યુવકના બંને પગ ભાંગી ગયા હતા.  બાદ સુનિલને રાજકોટ સરકારી હોસ્પિટલ ખાતે સારવારમા ખસેડવામાં આવ્યો હતો.જ્યાં સારવારમાં બંન્ને પગમા ફેક્ચર થયાનું તબીબે જણાવ્યું હતું.

આ ઘટના મામલે બી ડિવિઝન PI એસ.એમ. જાડેજા, PSI શેખ, બ્રિજરાજસિંહ અને ડી સ્ટાફના PSI કે.ડી. મારુ,PSI  પી.સી.સરવૈયા અને સ્ટાફે ગુન્હો નોંધી આરોપીને રાઉન્ડ અપ કર્યા હતા. ગંભીર રીતે ઘવાયેલા સુનિલે મોડી રાત્રે સારવારમાં દમ તોડી દેતા બનાવ હત્યામાં પલટાયો હતો.  આ ઘટનાથી મૃતકના પરિવાર અને સમાજ સિવિલ હોસ્પિટલમાં એકઠા થયા હતા.