'બાધવા તૈયાર રહેજો...' દેવાયત ખવડની ડાયરાના આયોજકેનો ખુલ્લી ચેતવણી, કહ્યું - હું એફિડેવિટ કરેલો કાઠી દરબાર છું
કાર જપ્તી અને પોલીસ ફરિયાદ મુદ્દે લોક કલાકાર અને આયોજક વચ્ચે ટેલિફોનિક વાતચીત લીક, એબીપી અસ્મિતા દ્વારા પુષ્ટિ નહીં.
Devayat Khawad car attack: લોક કલાકાર દેવાયત ખવડ પર થયેલા કાર હુમલાનો મામલો વધુ ગરમાયો છે. આ ઘટનાને લઇને દેવાયત ખવડ અને ડાયરાના આયોજક ભગવતસિંહ ચૌહાણ વચ્ચે થયેલી ટેલિફોનિક વાતચીતની ઓડિયો ક્લિપ સોશિયલ મીડિયામાં વાયરલ થઇ છે. વાયરલ થયેલી આ ઓડિયો ક્લિપમાં દેવાયત ખવડ આયોજક ભગવતસિંહ ચૌહાણને પડકાર ફેંકતા સંભળાય છે, જેના કારણે આ કેસમાં નવો વળાંક આવ્યો છે.
ઓડિયો ક્લિપમાં દેવાયત ખવડ આક્રોશમાં કહે છે, “મારે બાધવાનું છે, તમે તૈયાર રહેજો. મારી ગાડી ભલે પડી, આપણે હવે લડી લઈશું, તમે તૈયાર રહેજો.” તેઓ વધુમાં ઉમેરે છે, “તમે કાયદેસર મારી આબરૂમાં હાથ નાખ્યો છે. મેં સંબંધમાં ડાયરાની હા પાડી હતી, હું બોલ બચ્ચન નથી.” દેવાયત ખવડ ઓડિયો ક્લિપમાં એવો પણ આક્ષેપ કરે છે કે “111 નંબરની સ્કોર્પિયો લઈને ધ્રુવરાજસિંહ આવ્યો અને મારી ગાડીનો કાચ ફોડી નાખ્યો.” પોતાની ઓળખ આપતા દેવાયત કહે છે, “હું એફિડેવિટ કરેલો કાઠી દરબાર છું.” અને ભારપૂર્વક જણાવે છે કે તેઓ માત્ર “એક કલાક મોડો પડ્યો હતો.”
સામે પક્ષે ડાયરાના આયોજક ભગવતસિંહ ચૌહાણ પણ ઓડિયો ક્લિપમાં પોતાનો પક્ષ રજૂ કરતા સંભળાય છે. તેઓ દેવાયતને પૂછે છે, “અમે તમને કેટલા કોલ કર્યા?” જેના જવાબમાં દેવાયત કહે છે કે મેઘરાજસિંહનો કોલ આવ્યો ત્યારે મેં તેમને જણાવ્યું હતું કે “હું અસલાલી પહોંચ્યો છું.” વાતચીતના અંતમાં ભગવતસિંહ દેવાયતને સીધો સવાલ કરે છે, “હવે તમારે શું કરવાનું છે જણાવો?” જેના પ્રતિભાવમાં દેવાયત ખવડ ફરીથી પડકાર ફેંકતા કહે છે, “મારે બાધવાનું છે, તમે તૈયાર રહેજો, મારી ગાડી ભલે પડી, આપણે હવે લડી લઈશું, તમે તૈયાર રહેજો...”
ઉલ્લેખનીય છે કે, વાયરલ થયેલી આ ઓડિયો ક્લિપ એબીપી અસ્મિતા દ્વારા સ્વતંત્ર રીતે ખરાઈ કરવામાં આવી નથી અને તેની સત્યતા અંગે પુષ્ટિ કરવામાં આવતી નથી. પરંતુ સોશિયલ મીડિયામાં આ ક્લિપ વાયરલ થવાથી દેવાયત ખવડ કાર હુમલા કેસ વધુ ચર્ચામાં આવ્યો છે અને લોકોમાં અનેક તર્ક વિતર્ક સર્જાયા છે. પોલીસ દ્વારા આ મામલે શું કાર્યવાહી કરવામાં આવે છે તે જોવું રહ્યું.
આ પણ વાંચો....
એક જ દિવસે બે ડાયરા કરવા મુદ્દે દેવાયત ખવડે કર્યો મોટો ખુલાસો, કહ્યું - મેં કોઈ ખોટું કામ નથી કર્યું
Before You Go
Mumbai | મુંબઈની ઈમારતમાં આગ લાગતા એકનું મોત, 10થી વધુ લોકોનું કરાયું રેસ્ક્યૂ
ટોપ સ્ટોરી
ટ્રેન્ડિંગ સમાચાર
