Dwarka Rain: કલ્યાણપુર પાણી-પાણી, 45 ઇંચ વરસાદ બાદ આજે સીએમ પટેલ કરશે હવાઇ નિરીક્ષણ
Heavy Rain: સમગ્ર ગુજરાતમાં વરસાદી માહોલ જામ્યો છે, આમાં પણ સૌથી વધુ સૌરાષ્ટ્રના દેવભૂમિ દ્વારકા જિલ્લામાં મેઘરાજાએ ધમાકેદાર બેટિંગ કરી છે
Heavy Rain: સમગ્ર ગુજરાતમાં વરસાદી માહોલ જામ્યો છે, આમાં પણ સૌથી વધુ સૌરાષ્ટ્રના દેવભૂમિ દ્વારકા જિલ્લામાં મેઘરાજાએ ધમાકેદાર બેટિંગ કરી છે, છેલ્લા બે દિવસથી દ્વારકા જિલ્લાના કલ્યાણપુર તાલુકામાં ધોધમાર વરસાદ વરસ્યો છે, જેને લઇને સ્થિતિ ખુબ જ દયનીય બની છે. આજે સવારથી કલ્યાણપુર તાલુકામાં 11 ઈંચ જેટલો વરસાદ વરસી ચૂક્યો છે, અને અત્યાર સુધી આ આંકડો 45 ઇંચ ઉપર પહોંચ્યો છે.
ગુજરાતમાં ચારેયકોર વરસાદી માહોલ જામેલો છે. છેલ્લા 24 કલાકમાં સૌથી વધુ વરસાદ દેવભૂમિ દ્વારકામાં ખાબક્યો છે. ખાસ કરીને અહીંના કલ્યાણપુર તાલુકામાં સૌથી વધુ અત્યાર સુધીનો વરસાદ ખાબક્યો છે, અહીં 45 ઇંચ વરસાદ પડી ચૂક્યો છે. જેને લઇને કલ્યાણપુર તાલુકો પાણી-પાણી થયો છે. કેટલાક વિસ્તારો સંપર્ક વિહોણા બન્યા છે અને જનજીવન અસ્તવ્યસ્ત થઇ ગયુ છે.
કલ્યાણપુરમાં અત્યાર સુધીમાં 45 ઈંચ વરસાદ ખાબકતા કેટલાક વિસ્તારો પૂરગ્રસ્ત બન્યા છે, જેનું આજે હવાઇ નિરીક્ષણ કરવામાં આવશે, આજે બપોરે 3.45 કલાકે જામનગર એયરપોર્ટ પર મુખ્યમંત્રી ભૂપેન્દ્ર પટેલ પહોંચશે અને ત્યારબાદ જામનગર એયરપૉર્ટથી હેલિકોપ્ટર મારફતે નિરીક્ષણ કરશે. આ દરમિયાન દ્વારકા, કલ્યાણપુર તાલુકાના પૂરગ્રસ્ત વિસ્તારોનું હવાઈ નિરીક્ષણ કરવામાં આવશે. આ ઉપરાંત વરસાદ અને પૂરની સ્થિતિ અંગે કુરંગામાં મુખ્યમંત્રી અધિકારીઓ સાથે બેઠક પણ કરશે અને સમગ્ર પરિસ્થિતિનો તાગ મેળવશે.
હવામાન વિભાગનું લેટેસ્ટ અપડેટ
રાજ્યમાં હજુ પણ વરસાદ પડવાની આગાહી છે. આજે હવામાન વિભાગની આગાહી પ્રમાણે, સુરત, ભાવનગર, અમરેલી, નર્મદા, ગીર સોમનાથ, ભરૂચમાં અતિભારે વરસાદ થવાની શક્યતા હોય રેડ એલર્ટ જૂનાગઢ, રાજકોટ, બોટાદ, આણંદ, વડોદરા, છોટા ઉદેપુર, તાપી, નવસારી, ડાંગ અને વલસાડમાં ભારેથી અતિભારે વરસાદની શક્યતાના પગલે ઓરેન્જ એલર્ટ જ્યારે કચ્છ, દેવભૂમિ દ્વારકા, પોરબંદર, જામનગર, મોરબી, સુરેન્દ્રનગર, અમદાવાદ, ગાંધીનગર, ખેડા, અરવલ્લી, મહિસાગર, પંચમહલ અને દાહોદમાં ભારે વરસાદના પગલે યલો એલર્ટ આપવામાં આવ્યું છે. જ્યારે પાટણ, બનાસકાંઠા, મહેસાણા અને સાબરકાંઠામાં હળવોથી મધ્યમ વરસાદ ખાબકી શકે છે.
ટ્રેન્ડિંગ સમાચાર
ટોપ સ્ટોરી
