Palanapur News: પાલનપુરમાં વરસાદ બન્યો આફતરૂપ, વીજળી પડતાં દાદા-પૌત્રનું મોત
રાજ્યમાં ફરી વરસાદી સિસ્ટમ એક્ટિવ થતાં મઘ્ય ગુજરાત અને ઉત્તર ગુજરાત, દક્ષિણ ગુજરાતમાં વરસાદ વરસી રહ્યો છે. જો કે પાલનપુરમાં વરસાદ આફતરૂપ બન્યો છે. અહીં વીજળી પડતાં બે લોકોના મોત થયા છે
બનાસકાંઠા: લાંબા વિરામ બાદ બનાસકાંઠા પર પણ મેઘરાજા મહેરબાન થયા છે પરંતુ પાલનપુરમાં એક પરિવાર માટે આ વરસાદ આફતરૂપ બન્યો છે. વરસાદ દરમિયાન વીજળી પડતાં દાદા અને પૌત્રનું મોત થયું છે.પાલનપુર ના ફતેપુર ગામે વીજળી પડવાથી દાદા પૌત્ર તેમજ એક ગાય નું મોત થયું છે. દાદા અને તેમના ખેતરમાં કામ કરતા હતા આ સમયે વીજળી પડતાં ત્રણેયના મોત થયા છે. દાદા પૌત્રનાં મોતથી ફતેપુર ગામ માં શોક છવાઇ ગયો છે.
40થી વધુ દિવસથી રાજ્યમાં વરસાદે વિરામ લીધો હતો. જો કે ફરી બંગાળીની ખાડીમાં વરસાદી સિસ્ટમ સર્જાતા દક્ષિણ અને મધ્ય ગુજરાત કેટલાક જિલ્લામાં મેધરાજાનું આગમન થયું છે. લાબા વિરામ બાદ ઉત્તર, દક્ષિણ અને મધ્ય ગુજરાતમાં વરસાદથી ખેડૂતો રાહત અનુભવી રહ્યાં છે. બનાસકાંઠા, ગાંધીનગર, અરવલ્લી, સાબરકાંઠામાં વરસાદથી પાકને જીવંતદાન મળ્યું છે. છોટાઉદેપુર, મહીસાગર, દાહોદમાં પણ મેઘમહેરબાન થયો છે.
વલસાડ, તાપી, નવસારી, ડાંગમાં પણ સારો વરસાદ વરસતા પાકને નવજીવન મળ્યું છે. બનાસકાંઠાના પાલનપુર, વડગામના ગ્રામ્ય વિસ્તારોમાં ધોધમાર વરસાદના કારણે લોકોને ગરમી અને બફારાથી રાહત મળવાની સાથે પાકને જીવંતદાન મળ્યું છે.
અરવલ્લીના મેઘરજ, બાયડ અને સાઠંબામાં પણ વરસાદે મેઘની રાહ જોતા પાકની તરસ છીપાવી છે. મહીસાગરના લુણાવાડા, વીરપુર, કડાણા તાલુકામાં પણ વરસાદનું આગમન થતાં ખેડૂતોમાં ખુશી જોવા મળી રહી છે. જિલ્લામાં વાવેતર કરેલ મકાઈ સોયાબીન ડાંગર અને ઘાસચારાના પાકને જ્યારે પાણીની જરૂર હતી ત્યારે જ વરસાદ વરસતા ખેડૂતોમાં ખુશી જોવા મળી હતી.
લ્લા 24 કલાકમાં રાજ્યના 135 તાલુકામાં વરસાદ
24 કલાકમાં સુરતના ઉમરપાડામાં પાંચ ઈંચ વરસાદ
24 કલાકમાં ડાંગ તાલુકામાં ત્રણ ઈંચ વરસાદ
24 કલાકમાં સુબિર તાલુકામાં પોણા ત્રણ ઈંચ વરસાદ
24 કલાકમાં વલસાડના કપરાડામાં અઢી ઈંચ વરસાદ
24 કલાકમાં તાપીના સોનગઢમાં અઢી ઈંચ વરસાદ
24 કલાકમાં ખેડાના કઠલાલમાં 2 ઈંચ વરસાદ
24 કલાકમાં ધરમપુર અને ડેડીયાપાડામાં 2 ઈંચ વરસાદ
24 કલાકમાં વઢવાડ અને મોરવાહડફમાં 2 ઈંચ વરસાદ
24 કલાકમાં વાલોડ અને છોટાઉદેપુરમાં પોણા 2 ઈંચ વરસાદ
24 કલાકમાં દાંતા, ડોલવણ અને ઉચ્છલમાં દોઢ ઈંચ વરસાદ
ખેરગામ, લુણાવાડા અને બારડોલીમાં એક ઈંચ વરસાદ
24 કલાકમાં પારડી અને સંતરામપુરમાં 1 ઈંચ વરસાદ
24 કલાકમાં પલસાણા અને દસાડામાં 1 ઈંચ વરસાદ
24 કલાકમાં જલાલપોર અને ધ્રાંગધ્રામાં 1 ઈંચ વરસાદ
24 કલાકમાં સાયલા અને નેત્રંગમાં 1 ઈંચ વરસાદ
24 કલાકમાં મહુધા અને ગરુડેશ્વરમાં 1 ઈંચ વરસાદ
24 કલાકમાં સતલાસણા અને વિરપુરમાં 1 ઈંચ વરસાદ
24 કલાકમાં વાપી અને જોટાણામાં 1 ઈંચ વરસાદ
ટોપ સ્ટોરી
ટ્રેન્ડિંગ સમાચાર
