શોધખોળ કરો

Gir Somnath: ભારે વરસાદથી દેવકા નદીમાં નવા નીરની આવક, ખેડૂતોમાં ખુશીનો માહોલ

Cyclone Biparjoy 2023: રાજ્યના કેટલાક વિસ્તારોના વાતાવરણમાં પલટો જોવા મળ્યો

By : એબીપી અસ્મિતા વેબ ટીમ | Updated at : 13 Jun 2023 09:39 AM (IST)

Gir Somnath: New neer income in Devka river due to heavy rains, happiness among farmers due to cyclone Biparjoy effect Gir Somnath: ભારે વરસાદથી દેવકા નદીમાં નવા નીરની આવક, ખેડૂતોમાં ખુશીનો માહોલ

ગીર સોમનાથમાં વરસાદથી ખેતરો થયા જળબંબાકાર

Cyclone Biparjoy: બિપરજોય વાવાઝોડની ગુજરાતના દરિયાઈ વિસ્તારમાં અસર વર્તાઈ રહી છે. 15 જૂને આ વાવાઝોડું કચ્છના માંડવી અને પાકિસ્તાનના કરાચી વચ્ચે ટકરાશે તેવી આગાહી છે. તો બીજી તરફ વાવાઝોડાનું અસરના કારણે રાજ્યના કેટલાક વિસ્તારોના વાતાવરણમાં પલટો જોવા મળ્યો છે અને ભારે પવન સાથે વરસાદ પડી રહ્યો છે.

ગીર સોમનાથ જિલ્લામાં ગઈકાલથી ભારે પવન સાથે વરસાદ છે. વેરાવળ તાલુકાનાં અને ગ્રામ્ય વિસ્તારમાં ધોધમાર વરસાદ છે. દેદા, ઉબા, મરૂડા, ચમોડા, ડાભોર, તાતીવેલા, આબલીયાળા સહિતના વિસ્તારમાં ભારે વરસાદ છે. ભારે વરસાદને કારણે દેવકા નદીમાં નવા નીરની આવક થઈ છે. ખેતરો બન્યા જળબંબાકાર બન્યા છે, જેના કારણે ખેડૂતોમાં ખુશીનો માહોલ છે.

વાવાઝોડા પહેલા ભારે વરસાદ, છેલ્લા 24 કલાકમાં 12 જિલ્લાને ધમરોળ્યા

હવામાન વિભાગના ડેટા અનુસાર રાજ્યમાં છેલ્લા 24 કલાકમાં 12 જિલ્લામાં વરસાદ પડ્યો છે. રાજ્યના 12 જિલ્લાના 62 તાલુકાઓમાં વરસાદ પડ્યો છે. 24 કલાકમાં સૌથી વધારે ગીર સોમનાથના સુત્રાપાડ વરસાદ ખાબક્યો છે. સુત્રાપાડમાં 24 કલાકમાં 8.5 ઈચ વરસાદ નોંધાયો છે. ગીર સોમનાથના વેરાવળમાં 8.5 ઈચ જેટલો વરસાદ પડ્યો છે. જૂનાગઢના મેંદરડામાં 7.5 ઈચ વરસાદ પડ્યો છે. જૂનાગઢ માળીયા હાટીનામાં 7 ઈચથી વધુ વરસાદ પડ્યો છે. જૂનાગઢના કેશોદમાં 6.5 ઈચથી વધુ વરસાદ પડ્યો છે.

વાવાઝોડા પહેલા ક્યાં-ક્યાં પડ્યો વરસાદ