બિન-અનુદાનિત કોલેજના કર્મચારીઓ માટે ખુશીના સમાચાર, ભથ્થામાં સરકારે કર્યો વધારો
રાજ્ય સરકારનો મહત્વપૂર્ણ નિર્ણય: ૪૯૦૮ કર્મચારીઓને મળશે લાભ, તબીબી ભથ્થું થશે ₹૧,૦૦૦.
- ₹૭૦૦ નો વધારો: મેડિકલ ભથ્થામાં સીધો ₹૭૦૦ નો વધારો કરવામાં આવ્યો છે.
- કુલ ૪૯૦૮ કર્મચારીઓને લાભ: રાજ્યના હજારો કર્મચારીઓને આ નિર્ણયનો ફાયદો મળશે.
- ₹૧,૦૦૦ માસિક તબીબી ભથ્થું: હવે કર્મચારીઓને દર મહિને ₹૧,૦૦૦ નું મેડિકલ ભથ્થું મળશે.
- તારીખ ૦૧/૦૪/૨૦૨૫ થી અમલ: આ ઠરાવ આવતા વર્ષે એપ્રિલ મહિનાથી અમલમાં મૂકાશે.
- ઉચ્ચ શિક્ષણ મંત્રીનો હિતકારી નિર્ણય: મંત્રી શ્રી ઋષિકેશ પટેલ દ્વારા કર્મચારીઓના હિતમાં આ નિર્ણય લેવાયો છે.
Non-aided college employees news: ગુજરાત સરકાર દ્વારા રાજ્યની બિનસરકારી અનુદાનિત કોલેજોના શૈક્ષણિક અને બિન શૈક્ષણિક કર્મચારીઓ માટે એક મહત્વપૂર્ણ અને હિતકારી નિર્ણય લેવામાં આવ્યો છે. રાજ્ય સરકારે આ કર્મચારીઓના મેડિકલ ભથ્થામાં માસિક ₹૭૦૦ નો વધારો કરવાની જાહેરાત કરી છે. આ નિર્ણયથી રાજ્યના કુલ ૪૯૦૮ કર્મચારીઓને લાભ થશે અને તેઓને આર્થિક રાહત મળશે.
ઉચ્ચ અને ટેકનિકલ શિક્ષણ મંત્રી શ્રી ઋષિકેશ પટેલ દ્વારા આ કર્મચારી લક્ષી નિર્ણય લેવામાં આવ્યો છે, જે કર્મચારીઓ માટે એક મોટી ભેટ સમાન છે. આ સુધારિત મેડિકલ ભથ્થું તારીખ ૦૧/૦૪/૨૦૨૫ થી અમલમાં આવશે.
હાલમાં આ કર્મચારીઓને જે તબીબી ભથ્થું મળી રહ્યું છે, તેમાં ₹૭૦૦ ના વધારા બાદ, હવે તેઓને પ્રતિ માસ ₹૧,૦૦૦ નું તબીબી ભથ્થું મળવાપાત્ર થશે. આ વધારો કર્મચારીઓને મોંઘવારીના સમયમાં આરોગ્ય સંબંધી ખર્ચાઓ પહોંચી વળવામાં મદદરૂપ થશે.
આમ, ગુજરાત સરકારે બિન-અનુદાનિત કોલેજોના કર્મચારીઓના કલ્યાણ માટે એક મહત્વપૂર્ણ પગલું ભર્યું છે, જે કર્મચારીઓમાં ખુશી અને સંતોષની લાગણી ફેલાવશે.
જૂના શિક્ષકો માટે ભરતી પસંદગી સમિતિની લીધો આ મોટો નિર્ણય
ગુજરાત રાજ્યની બિનસરકારી અનુદાનિત માધ્યમિક અને ઉચ્ચત્તર માધ્યમિક શાળાઓમાં 'જૂના શિક્ષક ભરતી ૨૦૨૪' પ્રક્રિયા અંતિમ તબક્કામાં પહોંચી છે. ભરતી પસંદગી સમિતિની આજે મળેલી મહત્વપૂર્ણ બેઠકમાં ઉમેદવારો માટે શાળા ફાળવણી અને નિમણૂક પત્ર આપવાની તારીખો જાહેર કરવામાં આવી છે.
સમિતિ દ્વારા લેવાયેલા નિર્ણય અનુસાર, જૂના શિક્ષક ભરતી માટેના લાયક ઉમેદવારોને શાળાઓની ફાળવણી તા. ૦૧ માર્ચ, ૨૦૨૫ના રોજ જાહેર કરવામાં આવશે. આ જાહેરાત બાદ ઉમેદવારોને તેઓને ફાળવવામાં આવેલી શાળાની માહિતી ઉપલબ્ધ થશે.
વધુમાં, ઉમેદવારો માટે નિમણૂક હુકમ અને ભલામણ પત્ર આપવાનો કાર્યક્રમ તા. ૦૯ માર્ચ, ૨૦૨૫ના રોજ યોજાશે. આ દિવસે ઉમેદવારોને તેઓના નિમણૂક હુકમ અને ભલામણ પત્રો આપવામાં આવશે અને સાથે જ રાજ્યમાં જૂના શિક્ષક ભરતી પ્રક્રિયા ઔપચારિક રીતે પૂર્ણ થશે.
બિનસરકારી અનુદાનિત માધ્યમિક અને ઉચ્ચતર માધ્યમિક શાળાઓમાં શૈક્ષણિક સ્ટાફની ભરતી પસંદગી સમિતિ, ગાંધીનગર દ્વારા જાહેર કરવામાં આવેલી યાદીમાં આ વિગતો આપવામાં આવી છે. આ જાહેરાતથી લાંબા સમયથી રાહ જોઈ રહેલા ઉમેદવારોમાં ખુશીની લહેર ફેલાઈ ગઈ છે અને તેઓ નિમણૂક પત્ર મેળવવા માટે ઉત્સુક છે.
આ પણ વાંચો....
ગુજરાતમાં શિક્ષક ભરતીને લઈ મોટા સમાચાર: જૂના શિક્ષકો માટે ભરતી પસંદગી સમિતિની લીધો આ મોટો નિર્ણય
ટોપ સ્ટોરી
ટ્રેન્ડિંગ સમાચાર
