DC vs LSG Live Score: દિલ્હીની લખનૌ સામે ચમત્કારિક જીત, આશુતોષ અને વિપરાજની શાનદાર રમત
IPL 2025, DC vs LSG Live Score: IPL 2025ની પ્રથમ મેચ વિશાખાપટ્ટનમમાં, નવા કેપ્ટનો સાથે બંને ટીમો વિજય માટે આતુર.
LIVE
Background
DC vs LSG Full Highlights: દિલ્હીએ હારેલી બાજી જીતી
દિલ્હી કેપિટલ્સે લખનૌ સુપર જાયન્ટ્સ સામેની મેચમાં અશક્યને શક્ય કરી બતાવ્યું. એક સમયે હારી ગયેલી મેચને આશુતોષ શર્મા અને વિપરાજ નિગમે પોતાની અવિશ્વસનીય બેટિંગથી જીતમાં ફેરવી દીધી હતી. લખનૌ સુપર જાયન્ટ્સે પ્રથમ બેટિંગ કરતા 20 ઓવરમાં 8 વિકેટે 209 રન બનાવ્યા હતા. 210 રનના લક્ષ્યાંકનો પીછો કરતાં દિલ્હી કેપિટલ્સની શરૂઆત ખૂબ જ ખરાબ રહી હતી. દિલ્હીએ 65 રનમાં 5 વિકેટ અને 113 રનમાં 6 વિકેટ ગુમાવી દીધી હતી.
પરંતુ, આ પછી આશુતોષ શર્મા અને વિપરાજ નિગમે મેચનો પલટો મારી દીધો હતો. આશુતોષ શર્માએ 31 બોલમાં 66 રન અને વિપરાજ નિગમે 15 બોલમાં 39 રન ફટકારીને દિલ્હીને જીત અપાવી હતી. આશુતોષ શર્માએ પોતાની ઇનિંગ્સમાં 5 ચોગ્ગા અને 5 છગ્ગા ફટકાર્યા હતા.
DC vs LSG Live Score: છેલ્લી ઓવરમાં માત્ર 6 રનની જરૂર હતી
આશુતોષ શર્માએ 19મી ઓવરમાં શાનદાર સિક્સર અને ફોર ફટકારી હતી. આ ઓવરમાં 16 રન આવ્યા હતા. હવે દિલ્હી કેપિટલ્સે જીતવા માટે છ બોલમાં માત્ર છ રન બનાવવાના છે. આશુતોષ 30 બોલમાં 60 રન બનાવીને રમતમાં છે. તેણે 5 ફોર અને 4 સિક્સર ફટકારી છે.
DC vs LSG Live Score: દિલ્હીની 9મી વિકેટ પડી
દિલ્હી કેપિટલ્સની 9મી વિકેટ 19મી ઓવરમાં 192 રનમાં પડી હતી. કુલદીપ યાદવ રનઆઉટ થયો હતો. હવે દિલ્હીને 9 બોલમાં 18 રન બનાવવાના છે. સારી વાત એ છે કે આશુતોષ શર્મા ક્રિઝ પર છે.
DC vs LSG Live Score: દિલ્હીની આઠમી વિકેટ પડી
વિપરાજ નિગમના આઉટ થતાં જ દિલ્હીની જીતથી દૂર થઈ રહ્યું છે. મિચેલ સ્ટાર્ક પણ આઉટ થઈ ગયો. તે પાંચ બોલમાં માત્ર બે રન બનાવી શક્યો હતો. મેચ ફરી લખનૌ તરફ આગળ વધી છે.
DC vs LSG Live Score: વિપરાજ નિગમ આઉટ
વિપરાજ નિગમ 15 બોલમાં 39 રન બનાવીને આઉટ થયો હતો. તેણે 5 ચોગ્ગા અને બે છગ્ગા ફટકાર્યા હતા. મેચ ફરી લખનૌ તરફ વળ્યો છે. વિપરાજને દિગ્વેશ રાઠીએ આઉટ કર્યો હતો.
ટ્રેન્ડિંગ સમાચાર
ટોપ સ્ટોરી
