Gujarat Corona Cases: રાજ્યમાં છેલ્લા 24 કલાકમાં કોરોનાના નવા 25 કેસ નોંધાયા, રેકોર્ડબ્રેક રસીકરણ
ગુજરાતમાં આજે કોરોનાના નવા 25 કેસ નોંધાયા છે. તો બીજી તરફ 20 દર્દીઓ રિકવર પણ થયા છે. અત્યાર સુધીમાં કુલ 8,15,466 દર્દીઓએ કોરોનાને મ્હાત આપી છે.
ગુજરાતમાં આજે કોરોનાના નવા 25 કેસ નોંધાયા છે. તો બીજી તરફ 20 દર્દીઓ રિકવર પણ થયા છે. અત્યાર સુધીમાં કુલ 8,15,466 દર્દીઓએ કોરોનાને મ્હાત આપી છે. તો બીજી તરફ કોરોનાનો રિકવરી રેટ પણ 98.76 ટકાએ પહોંચ્યો છે. ગુજરાતમાં કેસ ઘટ્યા બાદ હવે તબક્કાવાર રીતે કેસ વધી રહ્યા છે. જે એક પ્રકારે ગુજરાત માટે ચિંતાજનક બાબત છે.
જો એક્ટિવ કેસની વાત કરીએ તો રાજ્યમાં કુલ 154 કેસ છે. જે પૈકી 07 વેન્ટીલેટર પર છે, જ્યારે 147 નાગરિકો સ્ટેબલ છે. 8,15,466 નાગરિકોને ડીસ્ચાર્જ કરવામાં આવ્યા છે. 10082 નાગરિકોનાં અત્યાર સુધીમાં કુલ મોત નિપજ્યાં છે. જો કે રાહતના સમાચાર કહી શકાય કે, આજે કોરોનાને કારણે એક પણ દર્દીનું મોત થયું નથી. જે સકારાત્મક બાબત કહી શકાય. જો કે અમદાવાદ કોર્પોરેશનમાં કુલ 11 કેસ, સુરત અને સુરત કોર્પોરેશનમાં 4-4 કેસ નોંધાયા છે. વડોદરા કોર્પોરેશનમાં 3, ગીરસોમનાથ, જામનગર કોર્પોરેશન અને કચ્છમાં 1-1 કેસ નોંધાયા છે.
રસીકરણના મોરચે પણ સરકાર મજબુતીથી લડી રહી છે. આજે PM મોદીનો જન્મ દિવસ હોવાના કારે રસીકરણ પર વિશેષ ભાર મુકાયો હતો. જેના કારણે આજે ગુજરાત સહિત સમગ્ર રાજ્યમાં ઐતિહાસિક રસીકરણ થયું હતું. રાજયવ્યાપી વેકસિનેશન મેગા ડ્રાઈવમાં આજે સાંજે 7.00 વાગ્યા સુધીમાં 18 લાખથી વધુ નાગરિકોને રસી આપવામાં આવી હતી. રાજ્યમાં મહત્તમ રસીકરણના ઉદ્દેશ સાથે આજે વેક્સિનેશન મેગા ડ્રાઈવ યોજાઈ છે. રાજયવ્યાપી વેક્સિનેશન મેગા ડ્રાઈવમાં આજે સાંજે 7.00 વાગ્યા સુધીમાં 18 લાખથી વધુ નાગરિકોને રસીથી સુરક્ષિત કરાયા છે.
PM મોદીના જન્મદિવસ પર વેક્સિનેશનનો નવો રેકોર્ડ
આજે શુક્રવારે કેંદ્રીય સ્વાસ્થ્ય અને પરિવાર કલ્યાણ મંત્રાલય વેક્સીન સેવા અભિયાન ચલાવી રહ્યું છે. આ અભિયાનમાં સાંજે પાંચ વાગ્યા સુધીમાં 2 કરોડથી વધારે કોવિડ 19 વેક્સીનના ડોઝ આપીને એક નવો રેકોર્ડ બનાવ્યો છે. વેક્સીન સેવા અભિયાનના દિવસે કેંદ્રીય સ્વાસ્થ્ય અને પરિવાર કલ્યાણ મંત્રાલય મંત્રી મનસુખ માંડવિયાએ નવી દિલ્હી સ્થિત હોસ્પિટલમાં ચાલી રહેલા વેક્સીનેશન કામગીરી જોવા માટે પહોંચ્યા હતા.
જ્યારે કેંદ્રીય સ્વાસ્થ્ય મંત્રી હોસ્પિટલમાં વેક્સીનેશન અભિયાનની કામગીરી જોઈ રહ્યા હતા એ જ સમયે દેશમાં એક જ દિવસમાં 2 કરોડ લોકોને વેક્સીન આપવાનો આંકડો સાંજે પાંચ વાગ્યે પાર થયો હતો. પ્રધાનમંત્રી મોદીના નેતૃત્વમાં મેળવવામાં આવેલી આ ઉપલબ્ધિ પર સ્વાસ્થ્ય મંત્રીએ ખુશી વ્યક્ત કરી હતી. ખુશી વ્યક્ત કરતા મનસુખ માંડવિયાએ બંને હાથની મુઠ્ઠી બાંધીને હવામાં ઉઠાવી અને કહ્યું આપણે કરી બતાવ્યું (We Did It)
આ ઉપલબ્ધિ પર તેમણે વેક્સીનેશન અભિયાનમાં લાગેલા તમામ સ્વાસ્થ્યકર્મીઓને શુભેચ્છાઓ આપી અને કહ્યું કે તમારા પ્રયાસોથી દેશ આ ઉપલબ્ધિ મેળવી શક્યો. મનસુખ માંડવિયાએ દેશની આ મોટી ઉપલબ્ધિ પર સફદરજંગ હોસ્પિટલમાં વેક્સીનેશન અભિયાનમાં લાગેલા તમામ સ્વાસ્થ્ય કર્મચારીઓ અને વેક્સીનેશન અભિયાનમાં લાગેલા તમામ સેવા-સહયોગીઓનું મોઢુ મીઠુ કરાવ્યું અને તેમની સાથે ઉપલબ્ધિની ખુશી શેર કરી હતી.
આ ઉપલબ્ધિ પર જ્યારે કેંદ્રીય સ્વાસ્થ્ય મંત્રી પાસે મીડિયાએ બાઈટનો આગ્રહ કર્યો તો મનસુખ માંડવિયાએ કહ્યું આજે આ તકે માત્ર બે શબ્દ કહેવા માંગુ છું. મનસુખ માંડવિયાએ કહ્યું, 'Thank you All Health Workers and Well Done India'।
ટ્રેન્ડિંગ સમાચાર
ટોપ સ્ટોરી
