Gujarat Corona Cases: રાજ્યમાં છેલ્લા 24 કલાકમાં 31 કેસ નોંધાયા, જાણો કેટલા લોકોને અપાઈ રસી ?
ગુજરાતમાં આજે કોરોનાના નવા 31 કેસ નોંધાયા છે. બીજી તરફ 14 દર્દીઓ રિકવર પણ થયા છે. અત્યાર સુધીમાં કુલ 8,16,260 દર્દીઓએ કોરોનાને મ્હાત આપી છે.
ગાંધીનગરઃ ગુજરાતમાં આજે કોરોનાના નવા 31 કેસ નોંધાયા છે. બીજી તરફ 14 દર્દીઓ રિકવર પણ થયા છે. અત્યાર સુધીમાં કુલ 8,16,260 દર્દીઓએ કોરોનાને મ્હાત આપી છે. તો બીજી તરફ કોરોનાનો રિકવરી રેટ પણ 98.76 ટકાએ પહોંચ્યો છે. રાજ્યમાં કોરોના સંક્રમણથી આજે એક મોત થયું છે. આજે 3,64,199 લોકોનું રસીકરણ કરવામાં આવ્યું છે.
ગુજરાતમાં છેલ્લા 24 કલાકમાં સામે આવેલા આંકડા પ્રમાણે જામનગર કોર્પોરેશનમાં 5, વડોદરા કોર્પોરેશનમાં 5, વલસાડ 4, સુરત 3, સુરત કોર્પોરેશન 3, અમદાવાદ કોર્પોરેશન 2, આણંદ 2, જૂનાગઢ 2, કચ્છ 2, રાજકોટ કોર્પોરેશન 2, અને નવસારી 1 કેસ નોંધાયો હતો. જો કોરોનાના એક્ટિવ કેસની વાત કરીએ તો રાજ્યમાં કુલ 208 કેસ છે. જે પૈકી 05 વેન્ટીલેટર પર છે, જ્યારે 203 નાગરિકો સ્ટેબલ છે. 8,16,260 નાગરિકોને ડીસ્ચાર્જ કરવામાં આવ્યા છે. 10089 નાગરિકોનાં અત્યાર સુધીમાં કુલ મોત નિપજ્યાં છે. રાજ્યમાં કોરોના સંક્રમણથી આજે એક મોત થયું છે. સુરત જિલ્લામાં કોરોના સંક્રમણના કારણે 1 મોત થયું છે. આજે 3,64,199 લોકોનું રસીકરણ કરવામાં આવ્યું છે.
બીજી તરફ રસીકરણના મોરચે પણ સરકાર મજબૂતીથી લડી રહી છે. રાજ્યમાં હેલ્થકેર અને ફ્રન્ટલાઇન વર્કર્સ પૈકી 9 લોકોને કોરોના વાયરસની રસીનો પ્રથમ ડોઝ જ્યારે 1540 નાગરિકોને રસીનો બીજો ડોઝ અપાઇ ચુક્યો છે. 45 વર્ષથી વધારેની ઉંમરના 11925 નાગરિકોને રસીનો પ્રથમ અને 86530 નાગરિકોને રસીનો બીજો ડોઝ અપાઇ ચુક્યો છે. 18-45 વર્ષના નાગરિકો પૈકી 35203 નાગરિકોને રસીનો પ્રથમ અને 228992 નાગરિકોને રસીનો બીજો ડોઝ અપાયો હતો. આજના દિવસમાં 3,64,199 રસીના ડોઝ અપાયા હતા. અત્યાર સુધીમાં કુલ 70606421 રસીના ડોઝ અપાઇ ચુક્યા છે.
અમદાવાદ, અમરેલી, અરવલ્લી, બનાસકાંઠા, ભરુચ, ભાવનગર, ભાવનગર કોર્પોરેશન, બોટાદ, છોટા ઉદેપુર,દાહોદ, ડાંગ, દેવભૂમિ દ્વારકા, ગાંધીનગર, ગાંધીનગર કોર્પોરેશન, ગીર સોમનાથ, જામનગર, જૂનાગઢ કોર્પોરેશન, ખેડા, મહીસાગર, મહેસાણા, મોરબી, નર્મદા, પંચમહાલ, પાટણ, પોરબંદર, રાજકોટ, સાબરકાંઠા, સુરત, સુરેન્દ્રનગર, તાપી અને વડોદરામાં એક પણ કોરોના વાયરસનો કેસ નોંધાયો નથી.
ટ્રેન્ડિંગ સમાચાર
ટોપ સ્ટોરી
