Champions Trophy: ચેમ્પિયન્સ ટ્રોફી પર હવે નવો વિવાદ,આફ્રિકામાં શરુ થયું આ ટીમનો બહિષ્કાર કરવાનું અભિયાન
Champions Trophy 2025: ચેમ્પિયન્સ ટ્રોફીમાં એક નવો હોબાળો મચી ગયો છે. પહેલા ઈંગ્લેન્ડ અને હવે દક્ષિણ આફ્રિકામાંથી અફઘાનિસ્તાન વિરુદ્ધ અવાજ ઉઠાવવામાં આવ્યો છે.
South Africa Boycott Afghanistan Champions Trophy 2025: ચેમ્પિયન્સ ટ્રોફી 2025 હવે થોડા અઠવાડિયા દૂર છે. તે પહેલા પણ અફઘાનિસ્તાન ક્રિકેટ ટીમ શંકાના ઘેરામાં આવી ચૂકી છે. પહેલા ઈંગ્લેન્ડ અને હવે દક્ષિણ આફ્રિકા તરફથી ચેમ્પિયન્સ ટ્રોફીમાં અફઘાનિસ્તાન સામેની મેચનો બહિષ્કાર કરવાની માંગ ઉઠી છે. હકીકતમાં, દક્ષિણ આફ્રિકા સરકારના રમતગમત મંત્રી ગેટન મેકેન્ઝીએ તેમની ટીમને અફઘાનિસ્તાન સામેની મેચ ન રમવા વિનંતી કરી છે. આ બધું એટલા માટે થઈ રહ્યું છે કારણ કે 2021 માં તાલિબાન સરકારના પુનરાગમન પછી, મહિલાઓ પર ક્રિકેટ કે અન્ય કોઈપણ રમત રમવા પર પ્રતિબંધ મૂકવામાં આવ્યો હતો.
મેકેન્ઝીએ કહ્યું, "હું સ્પષ્ટ કરવા માંગુ છું કે ICCનો દરેક પ્રત્યે સમાન અભિગમ છે. તે બધા દેશોમાં પુરુષ અને મહિલા ક્રિકેટ પર પણ ભાર મૂકવાનો પ્રયાસ કરે છે, પરંતુ અફઘાનિસ્તાનમાં આવું થઈ રહ્યું નથી. આનાથી સ્પષ્ટ થાય છે કે રમતગમત વહીવટમાં રાજકીય હસ્તક્ષેપ છે. આવા જ એક કિસ્સામાં, શ્રીલંકાને 2023 માં પ્રતિબંધનો સામનો કરવો પડ્યો હતો.
અફઘાનિસ્તાન સામેની મેચનો બહિષ્કાર કરો...
મેકેન્ઝીએ પોતાના નિવેદનમાં વધુમાં કહ્યું, "હું જાણું છું કે ICC આ નિયમનું પાલન કરે છે કે રમતગમતમાં કોઈપણ રીતે રાજકીય હસ્તક્ષેપ ન હોવો જોઈએ. હું રમતગમત મંત્રી છું, પરંતુ આ નિર્ણય લેવાની મારી સત્તામાં નથી કે, દક્ષિણ આફ્રિકાએ ભવિષ્યમાં અફઘાનિસ્તાન સામે મેચ રમવી જોઈએ કે નહી. તેમણે એવી પણ આશા વ્યક્ત કરી કે અફઘાનિસ્તાન સામેની મેચનો બહિષ્કાર કરવાથી વિશ્વમાં મહિલા સશક્તિકરણ તરફ સારો સંદેશ જશે.
અગાઉ, ઇંગ્લેન્ડના 160 સાંસદોએ ECB ને પત્ર લખીને મહિલા અધિકારોના ઉલ્લંઘનનો ઉલ્લેખ કરીને અફઘાનિસ્તાન સામે ચેમ્પિયન્સ ટ્રોફી મેચનો બહિષ્કાર કરવાની માંગ કરી હતી. આ માંગણીને ECB દ્વારા ફગાવી દેવામાં આવી હતી, અને કહેવામાં આવ્યું હતું કે આ મામલે એક બોર્ડ દ્વારા અવાજ ઉઠાવવાથી કંઈ પ્રાપ્ત થશે નહીં, પરંતુ બધાએ સાથે આવવું પડશે.
તો બીજી તરફ ICC ચેમ્પિયન્સ ટ્રોફી 2025 પહેલા મોટી માહિતી સામે આવી રહી છે. હકીકતમાં પાકિસ્તાન પાસેથી ચેમ્પિયન્સ ટ્રોફીની યજમાની છીનવાઈ શકે છે. મીડિયા રિપોર્ટ્સ અનુસાર, હજુ સુધી પાકિસ્તાનના 3 સ્ટેડિયમનું કામ પૂર્ણ થયું નથી. આ સ્ટેડિયમોનું નિર્માણ કાર્ય હજુ પણ ચાલુ છે. ICC ચેમ્પિયન્સ ટ્રોફી માટે પાકિસ્તાનના 3 સ્ટેડિયમનું નિર્માણ કાર્ય ઓગસ્ટ 2024 માં શરૂ થયું હતું, તે 31 ડિસેમ્બર સુધીમાં પૂર્ણ થવાનું હતું, પરંતુ સામે આવેલી તસવીરો પાકિસ્તાન અને PCBની ગેરવહીવટ બતાવવા માટે પૂરતી છે.
પાકિસ્તાન ક્રિકેટ બોર્ડને આ ખરાબ વ્યવસ્થાઓનો ભોગ બનવું પડી શકે છે. તેથી એવું માનવામાં આવે છે કે પાકિસ્તાનને ચેમ્પિયન્સ ટ્રોફીની યજમાની ગુમાવવી પડી શકે છે. ICC ચેમ્પિયન્સ ટ્રોફી શરૂ થવામાં માત્ર 35 દિવસ બાકી છે. પરંતુ તે પહેલા પાડોશી દેશમાંથી ચોંકાવનારી તસવીરો સામે આવી રહી છે.
આ પણ વાંચો:
Virat Kohli: 'કોહલી પર પ્રતિબંધ મૂકી દેવો જોઈએ', ભૂતપૂર્વ દિગ્ગજ ખેલાડીના નિવેદનથી ક્રિકેટ જગતમાં ખળભળાટ
ટ્રેન્ડિંગ સમાચાર
ટોપ સ્ટોરી
