Gujarat Corona Cases: ગુજરાતમાં છેલ્લા 24 કલાકમાં કોરોનાના નવા 55 કેસ, જાણો કેટલા લોકોને અપાઈ રસી ?

ગુજરાતમાં આજે  છેલ્લા 24 કલાકમાં કોરોના વાયરસના નવા 55  કેસ નોંધાયા છે.  આ સાથે રાજ્યમાં કોરોનાના કુલ એક્ટિવ કેસનો આંકડો 816  પર પહોંચી ગયો છે.

પ્રતિકાત્મક તસવીર

ગાંધીનગરઃ ગુજરાતમાં આજે  છેલ્લા 24 કલાકમાં કોરોના વાયરસના નવા 55  કેસ નોંધાયા છે.  આ સાથે રાજ્યમાં કોરોનાના કુલ એક્ટિવ કેસનો આંકડો 816  પર પહોંચી ગયો છે. રાજ્યમાં 05 લોકો વેન્ટીલેટર પર છે. 711 લોકો સ્ટેબલ છે. અત્યાર સુધીમાં રાજ્યમાં 1211706  લોકોએ કોરોનાને મ્હાત આપી છે. રાજ્યમાં અત્યાર સુધીમાં કોરોના સંક્રમણથી 10,938  લોકોના મોત થયા છે. રાજ્યમાં આજે સંક્રમણથી એક દર્દીનું મોત થયું હતું.

અમદાવાદ કોર્પોરેશનમાં 26, વડોદરા કોર્પોરેશનમાં 7, ગાંધીનગર કોર્પોરેશન 3, વડોદરા 3, ભરુચ 2, ગાંધીનગર 2, રાજકોટ 2, રાજકોટ કોર્પોરેશન 2, તાપી 2, અમદાવાદ 1, બનાસકાંઠા 1, ડાંગ 1, મહેસાણા 1   નવો કેસ નોંધાયો છે.  ગુજરાતમાં કોરોનાને લીધે અત્યાર સુધી 10938 લોકોના મૃત્યુ થયા છે. તો કોરોનાની સારવાર બાદ અત્યાર સુધી 12 લાખ 11 હજાર 706 લોકો સાજા થઈ ગયા છે. 

અમરેલી, આણંદ, અરવલ્લી, ભાવનગર, ભાવનગર કોર્પોરેશન, બોટાદ, છોટાઉદેપુર, દાહોદ, દેવભૂમિ દ્વારકા, ગીર સોમનાથ, જામનગર, જામનગર કોર્પોરેશન, જૂનાગઢ, જૂનાગઢ કોર્પોરેશન, ખેડા, કચ્છ, મહિસાગર, મોરબી,નર્મદા, નવસારી, પાટણ, પોરબંદર, સાબરકાંઠા, સુરેન્દ્રનગર અને વલસાડમાં એકપણ કેસ નથી નોંધાયો.

બીજી તરફ આજે 151 દર્દીઓ રિકવર પણ થયા છે. તો બીજી તરફ કોરોનાનો રિકવરી રેટ પણ 99.05  ટકાએ પહોંચ્યો છે. આજે 1,15,155 લોકોનું રસીકરણ કરવામાં આવ્યું છે. આજે કોરોનાના કારણે એક મોત થયું છે. 

રસીકરણની વાત કરીએ તો રાજ્યમાં 18 વર્ષથી વધારેની ઉંમરના 8737 ને રસીનો પ્રથમ અને 43803 ને રસીનો બીજો ડોઝ અપાઇ ચુક્યો છે. 15-17 વર્ષના નાગરિકો પૈકી 2124 ને રસીનો પ્રથમ જ્યારે 45228 ને રસીનો બીજો ડોઝ અપાઇ ચુક્યો છે. 15263 ને પ્રીકોશન ડોઝ અપાયો હતો. આજે રાજ્યમાં કુલ 1,15,155 રસીના ડોઝ અપાઇ ચુક્યા છે. ગુજરાતમાં અત્યાર સુધીમાં કુલ 10,36,35,850 રસીના ડોઝ અપાઇ ચુક્યાં છે.