Gujarat Corona Cases: ગુજરાતમાં છેલ્લા 24 કલાકમાં કોરોનાના નવા 58 કેસ નોંધાયા, જાણો કેટલા લોકો ડિસ્ચાર્જ થયા?
ગુજરાતમાં કોરોનાને લીધે અત્યાર સુધી 10938 લોકોના મૃત્યુ થયા છે
ગાંધીનગરઃ ગુજરાતમાં આજે છેલ્લા 24 કલાકમાં કોરોના વાયરસના નવા 58 કેસ નોંધાયા છે. આ સાથે રાજ્યમાં કોરોનાના કુલ એક્ટિવ કેસનો આંકડો 662 પર પહોંચી ગયો છે. રાજ્યમાં 05 લોકો વેન્ટીલેટર પર છે. 657 લોકો સ્ટેબલ છે. અત્યાર સુધીમાં રાજ્યમાં 12,11,818 લોકોએ કોરોનાને મ્હાત આપી છે. રાજ્યમાં અત્યાર સુધીમાં કોરોના સંક્રમણથી 10,938 લોકોના મોત થયા છે. રાજ્યમાં આજે સંક્રમણથી એક પણ દર્દીનું મોત થયું નથી.
અમદાવાદ કોર્પોરેશનમાં 27, વડોદરા કોર્પોરેશનમાં 7, ડાંગમાં 5, વડોદરામાં ચાર, ગાંધીનગરમાં ત્રણ, ગાંધીનગર કોર્પોરેશનમાં બે, આણંદ, અરવલ્લી, બનાસકાંઠા, ભાવનગર કોર્પોરેશન, છોટા ઉદેપુર, દાહોદ, જામનગર, નવસારી, સુરત, સુરત કોર્પોરેશનમાં એક-એક કોરોનાનો કેસ નોંધાયો હતો.
ગુજરાતમાં કોરોનાને લીધે અત્યાર સુધી 10938 લોકોના મૃત્યુ થયા છે. તો કોરોનાની સારવાર બાદ અત્યાર સુધી 12 લાખ 11 હજાર 818 લોકો સાજા થઈ ગયા છે.
અમદાવાદ, અમરેલી, ભરૂચ, ભાવનગર, બોટાદ, દેવભૂમિ દ્વારકા, ગીર સોમનાથ, જામનગર કોર્પોરેશન, જૂનાગઢ, ખેડા, કચ્છ, મહીસાગર, મહેસાણા, મોરબી, નર્મદા, પંચમહાલ, પાટણ, પોરબંદર, રાજકોટ, રાજકોટ કોર્પોરેશન, સાબરકાંઠા, સુરેન્દ્રનગર, તાપી અને વલસાડમાં એકપણ કેસ નવો નોંધાયો નથી.
બીજી તરફ આજે 112 દર્દીઓ રિકવર પણ થયા છે. તો બીજી તરફ કોરોનાનો રિકવરી રેટ પણ 99.05 ટકાએ પહોંચ્યો છે. આજે 82,326 લોકોનું રસીકરણ કરવામાં આવ્યું છે.
રસીકરણની વાત કરીએ તો રાજ્યમાં 18 વર્ષથી વધારેની ઉંમરના 5811 ને રસીનો પ્રથમ અને 38,812 ને રસીનો બીજો ડોઝ અપાઇ ચુક્યો છે. 15-17 વર્ષના નાગરિકો પૈકી 1637ને રસીનો પ્રથમ જ્યારે 26,144 ને રસીનો બીજો ડોઝ અપાઇ ચુક્યો છે. 9922 ને પ્રીકોશન ડોઝ અપાયો હતો. આજે રાજ્યમાં કુલ 82,326 રસીના ડોઝ અપાઇ ચુક્યા છે. ગુજરાતમાં અત્યાર સુધીમાં કુલ 10,37,19,576 રસીના ડોઝ અપાઇ ચુક્યાં છે.
ટ્રેન્ડિંગ સમાચાર
ટોપ સ્ટોરી
