ગુજરાતમાં આવતીકાલે 15 જિલ્લામાં ભારેથી અતિભારે વરસાદની આગાહી: ઓરેન્જ અને યલો એલર્ટ જાહેર!
અમરેલી, ભાવનગર, નવસારી, વલસાડમાં અતિભારે વરસાદની શક્યતા; સૌરાષ્ટ્ર અને દક્ષિણ ગુજરાતના અન્ય જિલ્લાઓમાં પણ ધોધમાર વરસાદની આગાહી.
Gujarat heavy rain alert tomorrow: ગુજરાતમાં ચોમાસું જામી ગયું છે અને હવામાન વિભાગે આવતીકાલે, રવિવારે (15 જૂન), રાજ્યના 15 જિલ્લાઓમાં ભારેથી અતિભારે વરસાદની આગાહી કરી છે. આ આગાહીને પગલે સંબંધિત જિલ્લાઓમાં ઓરેન્જ એલર્ટ અને યલો એલર્ટ જાહેર કરવામાં આવ્યું છે.
ઓરેન્જ એલર્ટ (અતિભારે વરસાદ)
હવામાન વિભાગ અનુસાર, આવતીકાલે અમરેલી, ભાવનગર, નવસારી અને વલસાડ જિલ્લાના છૂટાછવાયા સ્થળોએ ગાજવીજ સાથે અતિભારે વરસાદ પડવાની સંભાવના છે. આ ચાર જિલ્લાઓ માટે ઓરેન્જ એલર્ટ જાહેર કરવામાં આવ્યું છે, જે દર્શાવે છે કે આ વિસ્તારોમાં ભારે વરસાદને કારણે જનજીવન પર અસર થઈ શકે છે અને તંત્રને સાવચેતીનાં પગલાં લેવા માટે તૈયાર રહેવા જણાવાયું છે.
યલો એલર્ટ (ભારે વરસાદ)
આ ઉપરાંત, અન્ય 11 જિલ્લાઓમાં પણ ગાજવીજ સાથે ભારે વરસાદ થવાની આગાહી છે, જેના માટે યલો એલર્ટ જાહેર કરવામાં આવ્યું છે. આ જિલ્લાઓમાં રાજકોટ, જૂનાગઢ, ગીર સોમનાથ, અરવલ્લી, મહીસાગર, દાહોદ, ભરૂચ, નર્મદા, સુરત, તાપી અને ડાંગનો સમાવેશ થાય છે. આ વિસ્તારોમાં પણ ભારે વરસાદને કારણે નીચાણવાળા વિસ્તારોમાં પાણી ભરાવાની અને ટ્રાફિકને અસર થવાની શક્યતા છે.
ગુજરાતમાં આગામી 4 દિવસ ભારેથી અતિભારે વરસાદની આગાહી
ગુજરાતમાં ચોમાસાનો પ્રારંભ થઈ ચૂક્યો છે અને હવામાન વિભાગે આગામી 4 દિવસ, એટલે કે 16 જૂનથી 19 જૂન સુધી, રાજ્યના વિવિધ જિલ્લાઓમાં ભારેથી અતિભારે વરસાદની આગાહી કરી છે. આ આગાહીને પગલે તંત્ર અને નાગરિકોને સાવચેત રહેવા અપીલ કરવામાં આવી છે.
16 જૂન: અતિભારે વરસાદનું ઑરેન્જ એલર્ટ
આવતીકાલે, 16 જૂનના રોજ, રાજ્યના 6 જિલ્લાઓમાં અતિભારે વરસાદ પડવાની શક્યતા છે. આ જિલ્લાઓ માટે ઑરેન્જ એલર્ટ જાહેર કરવામાં આવ્યું છે: રાજકોટ, અમરેલી, ભાવનગર, સુરત, નવસારી, વલસાડ
આ ઉપરાંત, 16 જૂને બોટાદ, જૂનાગઢ, ગીર સોમનાથ, આણંદ, વડોદરા, છોટા ઉદેપુર, ભરૂચ, નર્મદા, તાપી અને ડાંગ જિલ્લાના છૂટાછવાયા સ્થળોએ ગાજવીજ સાથે ભારે વરસાદ માટે યલો એલર્ટ જાહેર કરવામાં આવ્યું છે. હવામાન વિભાગે 15 અને 16 જૂન દરમિયાન રાજ્યના મોટાભાગના વિસ્તારોમાં મેઘગર્જના સાથે 30-40 કિ.મી. પ્રતિ કલાકની ઝડપે પવન ફૂંકાવાની પણ આગાહી કરી છે.
17 જૂન: 12 જિલ્લામાં યલો એલર્ટ
17 જૂનના રોજ રાજ્યના 12 જિલ્લાઓમાં ભારે વરસાદ માટે યલો એલર્ટ જાહેર કરવામાં આવ્યું છે. આ જિલ્લાઓમાં સમાવેશ થાય છે: અમદાવાદ, આણંદ, બોટાદ, રાજકોટ, અમરેલી, ભાવનગર, ભરૂચ, સુરત, તાપી, ડાંગ, નવસારી, વલસાડ
18 અને 19 જૂન: સૌરાષ્ટ્ર અને દક્ષિણ ગુજરાતમાં વરસાદ
- 18 જૂન: કચ્છ, જામનગર, દેવભૂમિ દ્વારકા, પોરબંદર, સુરત, તાપી, નવસારી, ડાંગ અને વલસાડ જિલ્લાના છૂટાછવાયા સ્થળોએ ગાજવીજ સાથે ભારે વરસાદને લઈને યલો એલર્ટ જાહેર કરાયું છે.
- 19 જૂન: ગીર સોમનાથ, અમરેલી, ભાવનગર, સુરત, તાપી, નવસારી, ડાંગ અને વલસાડ જિલ્લાના છૂટાછવાયા સ્થળોએ ગાજવીજ સાથે ભારે વરસાદ માટે યલો એલર્ટ જાહેર કરવામાં આવ્યું છે.
આગાહી મુજબના દિવસોમાં નાગરિકોને સાવચેત રહેવા, ખાસ કરીને વીજળીના કડાકા-ભડાકા અને ભારે પવનથી બચવા અપીલ કરવામાં આવી છે. નીચાણવાળા વિસ્તારોમાં પાણી ભરાવાની અને ટ્રાફિક વ્યવસ્થાને અસર થવાની સંભાવના છે, જેના માટે તંત્ર દ્વારા જરૂરી પગલાં લેવામાં આવી રહ્યા છે.
ટોપ સ્ટોરી
ટ્રેન્ડિંગ સમાચાર
