મધ્ય ગુજરાતના કયા મોટા શહેરમાં એક સપ્તાહનું સ્વૈચ્છિક લોકડાઉન લગાવાયું ?

આવતીકાલથી સાવલી નગરમાં દૂધની ડેરી અને મેડિકલ સ્ટોર સિવાયની સંપૂર્ણ દુકાનો બંધ રહેશે. સાવલી સેવા સદન ખાતે મીટીંગ યોજી નિર્ણય કાયો હતો. સાવલીના ધારાસભ્ય નીલય પટેલે તાલુકા જનોને સામાજિક પ્રસંગમાં ભીડ એકત્રિત ન કરવા અપીલ કરી હતી.

તસવીરનો ઉપયોગ પ્રસ્તુતીકરણ માટે કરવામાં આવ્યો છે.

વડોદરાઃ ગુજરાતમાં કોરોનાનો કહેર છેલ્લા ત્રણ-ચાર દિવસથી ભલે ઓછો થયો હોય પરંતુ ગુજરાતમાં બે દિવસ બાદ ફરી એકવાર કોરોના વાયરસે (Gujarat Coronavirus Cases) ૧૩ હજારની સપાટી વટાવી હતી. મંગળવારે વધુ ૧૩,૦૫૦ વ્યક્તિ કોરોના સંક્રમિત થઇ છે જ્યારે ૧૩૧ના મૃત્યુ થયા છે. રાજ્યમાં ૧૨ દિવસ બાદ નોંધાયેલો આ સૌથી ઓછો દૈનિક મરણાંક છે. આ સાથે જ રાજ્યમાં કુલ કેસનો આંક હવે ૬,૨૦,૪૭૨ છે જ્યારે કુલ મરણાંક ૭,૭૭૯ છે. હાલમાં ૧,૪૮,૨૯૭ એક્ટિવ કેસ છે જ્યારે ૭૭૮ દર્દી વેન્ટિલેટર પર છે. છેલ્લા ૨૪ કલાકમાં વધુ ૧૨,૧૨૧ દર્દીઓ કોરોનાથી સાજા થયા છે અને રીક્વરી રેટ ૭૪.૮૫% છે. રાજ્યભરમાંથી કુલ ૧૨,૧૨૧ દર્દીઓ કોરોનાથી સાજા થયા છે. અત્યારસુધી ૪,૬૪,૩૯૬ વ્યક્તિ કોરોનાને હરાવી ચૂકી છે અને રીક્વરી રેટ  ૭૪.૮૫% છે. વધુ ૧,૩૧,૮૮૨ ટેસ્ટ સાથે કુલ ટેસ્ટનો આંક ૧.૮૪ કરોડ છે. રાજ્યમાં હાલ ૪,૫૮,૧૮૨ વ્યક્તિ ક્વોરેન્ટાઇન હેઠળ છે.

આ દરમિયાન વડોદરાના સાવલી નગરે એક સપ્તાહનું સ્વૈચ્છિક સંપૂર્ણ લોકડાઉન લગાવ્યું છે. આવતીકાલથી સાવલી નગરમાં દૂધની ડેરી અને મેડિકલ સ્ટોર સિવાયની સંપૂર્ણ દુકાનો બંધ રહેશે. સાવલી સેવા સદન ખાતે મીટીંગ યોજી નિર્ણય કાયો હતો. સાવલીના ધારાસભ્ય નીલય પટેલે તાલુકા જનોને સામાજિક પ્રસંગમાં ભીડ એકત્રિત ન કરવા અપીલ કરી હતી.

વડોદરા (Vadodara Corona Cases) શહેર જિલ્લામાં પોઝિટિવ કેસનો કુલ આંક 47,633 ઉપર પહોંચી ગયો છે. વડોદરા શહેર અને જિલ્લામાં સત્તાવાર મૃત્યુઆંક 412 પર પહોંચ્યો છે. અત્યાર સુધીમાં કુલ 38,339 લોકો કોરોનાને માત આપી ચૂક્યા છે. વડોદરામાં હાલ 8882 એક્ટિવ કેસ પૈકી 589 દર્દી ઓક્સિજન ઉપર અને 372 દર્દી વેન્ટિલેટર ઉપર છે અને 7921 દર્દીની હાલત સ્થિર છે.  .