1, 2 નહીં 3 વરસાદી સિસ્ટમ સક્રિયા થતાં 7 દિવસ અતિભારે વરસાદ વરસશે, જાણો ક્યા જિલ્લામાં આવશે આફત
Gujarat Weather Alert: કચ્છ, જામનગર, બનાસકાંઠા સહિત 7 જિલ્લામાં 'અતિભારે' વરસાદ માટે ઓરેન્જ એલર્ટ; મોટાભાગના જિલ્લાઓમાં 'ભારે' વરસાદનું પૂર્વાનુમાન.
- આગામી 7 દિવસ ગુજરાતમાં સારો વરસાદ - IMD દ્વારા ત્રીન ટકા વરસાદી સિસ્ટમ સક્રિય હોવાનો દાવો.
- કચ્છ, જામનગર, બનાસકાંઠા સહિત 7 જિલ્લામાં આજે ‘ઓરેન્જ એલર્ટ’ સાથે અતિભારે વરસાદની આગાહી.
- 20થી વધુ જિલ્લામાં ‘યેલો એલર્ટ’: લોકોને સલામતી માટે બહાર ન નીકળવાની સૂચના.
- બિકાનેર-બંગાળ ટ્રફ લાઇન અને સાઇક્લોનિક સર્ક્યુલેશનથી વરસાદી માહોલ વધુ મજબૂત.
- ભારે વરસાદથી ખેડૂતોમાં આશા પણ નીચાણવાળા વિસ્તારોમાં પાણી ભરાવાનું જોખમ પણ વધ્યું.
Gujarat Rain Alert: ગુજરાત રાજ્યમાં આગામી 7 દિવસ સુધી સારો વરસાદ થવાની આગાહી ભારતીય હવામાન વિભાગ (IMD) દ્વારા કરવામાં આવી છે. હાલમાં કુલ 3 વરસાદી સિસ્ટમ સક્રિય હોવાથી રાજ્યભરમાં ચોમાસું જોર પકડશે. આ સિસ્ટમ્સમાં બિકાનેરથી બંગાળની ખાડી તરફ પસાર થતી એક ટ્રફ લાઇન, દક્ષિણ રાજસ્થાન તરફથી બંગાળની ખાડીમાં પસાર થતી બીજી ટ્રફ લાઇન અને એક સક્રિય થયેલું સાઇક્લોનિક સર્ક્યુલેશનનો સમાવેશ થાય છે, જેના કારણે આજે ભારેથી અતિભારે વરસાદ પડવાની સંભાવના છે.
આજે ક્યાં પડશે અતિભારે વરસાદ?
હવામાન વિભાગની આગાહી મુજબ, આજે કચ્છ, જામનગર, દેવભૂમિ દ્વારકા, બનાસકાંઠા, પાટણ, મહેસાણા અને સાબરકાંઠા જેવા જિલ્લાઓમાં ભારેથી અતિભારે વરસાદ પડી શકે છે. આ વિસ્તારો માટે 'ઓરેન્જ એલર્ટ' જાહેર કરવામાં આવ્યું છે, અને તંત્ર તથા લોકોને વિશેષ સાવચેતી રાખવા જણાવવામાં આવ્યું છે.
આ જિલ્લાઓમાં ભારે વરસાદની આગાહી (યેલો એલર્ટ)
ઉપરોક્ત જિલ્લાઓ ઉપરાંત, અરવલ્લી, મહીસાગર, ગાંધીનગર, અમદાવાદ, સુરેન્દ્રનગર, મોરબી, રાજકોટ, બોટાદ, ભાવનગર, અમરેલી, જૂનાગઢ, પોરબંદર, ગીર સોમનાથ, દીવ, સુરત, તાપી, નવસારી, ડાંગ, વલસાડ, દમણ અને દાદરા નગર હવેલીમાં પણ આજે ભારે વરસાદની આગાહી કરવામાં આવી છે. આ વિસ્તારો માટે 'યેલો એલર્ટ' જારી કરાયું છે, અને લોકોને સાવચેત રહેવા તથા બિનજરૂરી બહાર ન નીકળવા સૂચના અપાઈ છે.
આવતીકાલ માટે વરસાદનું પૂર્વાનુમાન
આવતીકાલે એટલે કે જુલાઈ 4 ના રોજ પણ રાજ્યના કેટલાક વિસ્તારોમાં ભારે વરસાદની શક્યતા છે. બનાસકાંઠા, પાટણ, મહેસાણા, સાબરકાંઠા, અરવલ્લી, અમરેલી, ભાવનગર, નવસારી, વલસાડ, દમણ અને દાદરા નગરહવેલીમાં ભારે વરસાદને લઈને 'યેલો એલર્ટ' આપવામાં આવ્યું છે.
આ સક્રિય થયેલી વરસાદી સિસ્ટમ્સને કારણે રાજ્યના ખેડૂતો માટે આશા જાગી છે, જોકે નીચાણવાળા વિસ્તારો અને શહેરોમાં પાણી ભરાવાની સ્થિતિ પણ સર્જાઈ શકે છે. આગામી 7 દિવસ સુધી રાજ્યભરમાં ચોમાસું સક્રિય રહેશે અને સારો વરસાદ નોંધાશે તેવી શક્યતાઓ વ્યક્ત કરાઈ છે.
ટોપ સ્ટોરી
ટ્રેન્ડિંગ સમાચાર
