![ABP Premium](https://cdn.abplive.com/imagebank/Premium-ad-Icon.png)
Gujarat Rain: ગુજરાતમાં હજું પણ આગામી 5 દિવસમાં આ વિસ્તારમાં પડશે ભારે વરસાદ, અમદાવાદમાં શાળા –કોલેજ બંધ
છોટા ઉદેપુરના બોડેલી તાલુકામાં રવિવારે સાંજે 6 વાગ્યા સુધીમાં માત્ર 12 કલાકમાં 433 મીમી વરસાદ નોંધાયો હતો, જેના કારણે ઉચ અને હેરાન નદીઓમાં પાણીનું સ્તર ખતરાના નિશાનથી ઉપર પહોંચી ગયું હતું.
![Gujarat Rain: ગુજરાતમાં હજું પણ આગામી 5 દિવસમાં આ વિસ્તારમાં પડશે ભારે વરસાદ, અમદાવાદમાં શાળા –કોલેજ બંધ Gujarat rain update imd alert for heavy rain flood like situation and school closed in Ahmedabad in gujarat Gujarat Rain: ગુજરાતમાં હજું પણ આગામી 5 દિવસમાં આ વિસ્તારમાં પડશે ભારે વરસાદ, અમદાવાદમાં શાળા –કોલેજ બંધ](https://feeds.abplive.com/onecms/images/uploaded-images/2022/07/11/d74f82d4aaaa4dc7ae032e590971c9851657514283_original.jpg?impolicy=abp_cdn&imwidth=1200&height=675)
Gujarat Rain: છોટા ઉદેપુરના બોડેલી તાલુકામાં રવિવારે સાંજે 6 વાગ્યા સુધીમાં માત્ર 12 કલાકમાં 433 મીમી વરસાદ નોંધાયો હતો, જેના કારણે ઉચ અને હેરાન નદીઓમાં પાણીનું સ્તર ખતરાના નિશાનથી ઉપર પહોંચી ગયું હતું.
ગુજરાતમાં ભારે વરસાદને કારણે જનજીવન અસ્તવ્યસ્ત થઈ રહ્યું છે અને ઘણી અસર થઈ રહી છે. આવી સ્થિતિમાં અનેક જિલ્લાઓમાં પૂર જેવી સ્થિતિ સર્જાઈ છે., ભારતીય હવામાન વિભાગ (IMD) અનુસાર, ભારે વરસાદથી કોઈ રાહત નથી. હવામાન વિભાગે દક્ષિણ ગુજરાતના ડાંગ, નવસારી અને વલસાડ જિલ્લામાં આગામી પાંચ દિવસમાં ભારેથી અતિભારે વરસાદની આગાહી કરી છે. અગાઉ, અધિકારીઓએ જણાવ્યું હતું કે છોટા ઉદેપુર, પંચમહાલ (બંને મધ્ય ગુજરાતમાં) અને ડાંગ જિલ્લાના ઘણા ભાગોમાં ભારે વરસાદ થયો છે.
છોટા ઉદેપુરના બોડેલી તાલુકામાં રવિવારે સાંજે 6 વાગ્યા સુધીમાં માત્ર 12 કલાકમાં 433 મીમી વરસાદ નોંધાયો હતો, જેના કારણે ઉચ અને હેરાન નદીઓમાં પાણીનું સ્તર જોખમના નિશાનથી ઉપર વધી ગયું હતું અને નીચાણવાળા વિસ્તારોમાં પાણી ભરાયા હતા. નાયબ મામલતદાર સતીશ માલે જણાવ્યું હતું કે, "અમે અત્યાર સુધીમાં છોટા ઉદેપુર જિલ્લાના નસવારી તાલુકાના બોડેલી નગર અને અકોના ગામના નીચાણવાળા વિસ્તારોમાંથી 65 લોકોને બચાવ્યા છે. આ ઉપરાંત 800 થી વધુ લોકોને સુરક્ષિત સ્થળોએ ખસેડવામાં આવ્યા છે."
વલસાડના કેટલાક વિસ્તારોમાં પૂર
ઓરસંગ નદીમાં પાણીનું સ્તર વધ્યા બાદ વલસાડના કેટલાક નીચાણવાળા વિસ્તારોમાં પાણી ભરાયા હતા, એમ અધિકારીઓએ જણાવ્યું હતું. કાવેરી અને અંબિકા નદીઓ ખતરાના નિશાનથી ઉપર વહી રહી છે તેથી નવસારી જિલ્લાના અધિકારીઓ પણ એલર્ટ પર છે. વલસાડ અને નવસારી જિલ્લામાં શનિવારે રાત્રે અને રવિવારે સવારે ભારે વરસાદ પડ્યો હતો. તેમણે કહ્યું કે છોટા ઉદેપુર અને નર્મદા જિલ્લામાં પણ ભારે વરસાદ થયો છે, જેના કારણે નદીઓ વહેતી થઈ છે અને નીચાણવાળા વિસ્તારોમાં પૂર આવી ગયા છે.
કાવેરી અને અંબિકા નદીઓ ખતરાના નિશાનથી ઉપર વહી રહી છે
જિલ્લા મેજિસ્ટ્રેટ અમિત પ્રકાશ યાદવે જણાવ્યું હતું કે, "નવસારી જિલ્લામાં કાવેરી અને અંબિકા નદીઓ ખતરાના નિશાનથી ઉપર વહી રહી છે. અમે નીચાણવાળા વિસ્તારોમાંથી લોકોને સલામત સ્થળે બહાર ખસેડવામાં આવી રહ્યા છે. વલસાડ અને નવસારી જિલ્લાના નીચાણવાળા વિસ્તારોમાંથી 700 લોકોને સ્થળાંતર કરવામાં આવ્યા છે, અધિકારીઓએ જણાવ્યું હતું. શનિવારથી ભારે વરસાદને કારણે દક્ષિણ અને મધ્ય ગુજરાત અને સૌરાષ્ટ્ર વિસ્તારમાં અનેક ડેમ ઓવરફ્લો તઇ ગયા હતા અને નદીઓ વહેતી થઈ હતી. નદી ખતરાના નિશાનની નજીક વહી રહી છે, જેના કારણે સંબંધિત વહીવટીતંત્રને એલર્ટ રહેવા માટે કહેવામાં આવ્યું છે."
પૂર્ણા નદીનું જળસ્તર 25 ફૂટને વટાવી ગયું હતું
નવસારીમાં પૂર્ણા નદીની જળસપાટી ઘટી છે. નદીનું જળસ્તર 19 ફૂટે પહોંચતાં વહીવટી તંત્રએ રાહતનો શ્વાસ લીધો હતો. આવી સ્થિતિમાં નીચાણવાળા વિસ્તારોમાં પણ પાણી ઓછું થવા લાગ્યું છે. ગઈકાલે રાત્રે 1100 લોકોનું સ્થળાંતર કરવામાં આવ્યું હતું. આ પહેલા ગઈકાલે પૂર્ણા નદીનું જળસ્તર 25 ફૂટને વટાવી ગયું હતું. દક્ષિણ ગુજરાતમાં ભારે વરસાદ બાદ 1500થી વધુ લોકોને સલામત સ્થળે ખસેડવામાં આવ્યા હતા.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)