ખાડાઓ ભૂલી જાઓ! ગુજરાતના 564 કિમી રસ્તા થશે માખણ જેવા, કેન્દ્ર સરકારે ₹1078 કરોડ મંજૂર કર્યા

Nitin Gadkari Bhupendra Patel Meeting: દિલ્હીથી આવ્યા સારા સમાચાર, નીતિન ગડકરી અને CM ભૂપેન્દ્ર પટેલની બેઠકનું પરિણામ, 564 કિમીના રસ્તાઓ થશે નવા, PM ગતિ શક્તિને મળશે વેગ.

ગુજરાતના 564 કિમી રસ્તા થશે માખણ જેવા

Source : Pixabay

Show Quick Read

Key points generated by AI, verified by newsroom

Nitin Gadkari Bhupendra Patel Meeting: ગુજરાતના વિકાસ અને કનેક્ટિવિટીને વધુ વેગવંતી બનાવવા માટે કેન્દ્ર સરકાર તરફથી એક મહત્વપૂર્ણ જાહેરાત કરવામાં આવી છે. રાજ્યના માર્ગ અને મકાન વિભાગ હસ્તકના રસ્તાઓના નવીનીકરણ માટે ભારત સરકારના (Central Road Infrastructure Fund (સેન્ટ્રલ રોડ ઇન્ફ્રાસ્ટ્રક્ચર ફંડ - CRIF) માંથી કુલ ₹1078.13 Crore ની માતબર રકમ મંજૂર કરવામાં આવી છે. આ ફંડનો ઉપયોગ કરીને રાજ્યભરમાં 41 જેટલા નાના મોટા માર્ગીય કામો હાથ ધરવામાં આવશે.

નીતિન ગડકરી અને CM પટેલની બેઠકની ફળશ્રુતિ

આ ભંડોળની મંજૂરી એ રાજ્ય અને કેન્દ્ર સરકાર વચ્ચેના સુમેળનું ઉત્તમ ઉદાહરણ છે. ગત November 2025 માં ગાંધીનગર ખાતે મુખ્યમંત્રી   ભૂપેન્દ્ર પટેલ અને કેન્દ્રીય માર્ગ પરિવહન મંત્રી   નીતિન ગડકરી વચ્ચે એક ઉચ્ચસ્તરીય બેઠક યોજાઈ હતી. આ બેઠકમાં રાજ્યના નેશનલ હાઈવે અને સ્ટેટ રોડ પ્રોજેક્ટ્સની સમીક્ષા કરવામાં આવી હતી, જેની સકારાત્મક ફળશ્રુતિ રૂપે આજે આ ગ્રાન્ટ છૂટી કરવામાં આવી છે.

ક્યાં અને કેવા કામો થશે? (Project Details)

આ મંજૂર થયેલા ફંડમાંથી રાજ્યમાં કુલ 564.57 Kilometers લંબાઈના રસ્તાઓનું કામ (Gujarat Highway Development) કરવામાં આવશે. જેમાં રસ્તા પહોળા કરવા (Widening), મજબૂતીકરણ (Strengthening), અને રીસર્ફેસિંગના કામોનો સમાવેશ થાય છે.

રોડ પહોળા કરવાના કામો: પાટણ, કચ્છ, બનાસકાંઠા, ખેડા, મહીસાગર, છોટાઉદેપુર, વલસાડ, અમરેલી, જામનગર અને વડોદરા જિલ્લાઓમાં સ્ટેટ હાઈવેને પહોળા કરવાના કુલ 11 કામો હાથ ધરાશે. આ 229.20 km લાંબા પ્રોજેક્ટ માટે ₹636 Crore ફાળવવામાં આવ્યા છે.

રીસર્ફેસિંગ અને મજબૂતીકરણ: અમદાવાદ, ખેડા, આણંદ, અરવલ્લી, મહીસાગર, તાપી, નવસારી, દેવભૂમિ દ્વારકા, સુરેન્દ્રનગર, સુરત અને જામનગર જિલ્લાઓમાં 23 જેટલા કામો થશે. કુલ 335.37 km લંબાઈના આ રસ્તાઓ માટે ₹408.33 Crore નો ખર્ચ કરવામાં આવશે.

સ્ટ્રક્ચરના કામો: આ ઉપરાંત તાપી, સુરત અને ડાંગ જિલ્લામાં પુલ અને અન્ય સ્ટ્રક્ચરના 7 કામો માટે ₹33.80 Crore મંજૂર થયા છે.

PM ગતિ શક્તિ અને ટ્રાન્સપોર્ટેશનમાં સરળતા

વડાપ્રધાન નરેન્દ્ર મોદીના (PM Narendra Modi) વિઝન મુજબ, આ પ્રોજેક્ટ્સ પૂર્ણ થવાથી રાજ્યમાં Ease of Transportation (પરિવહનમાં સરળતા) વધશે. PM Gati Shakti (પીએમ ગતિ શક્તિ) યોજના અંતર્ગત લોજિસ્ટિક્સ પરિવહન વધુ ઝડપી અને સુગમ બનશે, જેનો સીધો લાભ ઉદ્યોગો અને સામાન્ય જનતાને મળશે.

આ પણ વાંચો

Gujarat MPs Assets: 10 વર્ષમાં સાંસદોની સંપત્તિ ડબલ! ગુજરાતના કયા મહિલા નેતા ટોપ પર ? જાણો કોણ કેટલું અમીર