Patan Rain: સતત બીજા દિવસે પાટણ જિલ્લામાં ભારે પવન સાથે ધોધમાર વરસાદ

પાટણ જિલ્લામાં સતત બીજા દિવસે વરસાદી માહોલ જામ્યો છે. પાટણ જિલ્લામાં ધોધમાર વરસાદ વરસ્યો છે.  ભારે પવન સાથે પાટણ શહેર અને આસપાસના વિસ્તારોમાં ધોધમાર વરસાદ વરસી રહ્યો છે.  

પાટણ જિલ્લામાં વરસાદ

Source : તસવીર- ABP અસ્મિતા

પાટણ: પાટણ જિલ્લામાં સતત બીજા દિવસે વરસાદી માહોલ જામ્યો છે. પાટણ જિલ્લામાં ધોધમાર વરસાદ વરસ્યો છે.  ભારે પવન સાથે પાટણ શહેર અને આસપાસના વિસ્તારોમાં ધોધમાર વરસાદ વરસી રહ્યો છે.  ધોધમાર વરસાદ વરસતા પાટણ શહેરના નીચાણવાળા વિસ્તારોમાં પાણી ભરાવાની શરૂઆત થઈ ગઈ છે. પાટણના ગુલશનનગર, મદની ફ્લેટ, મન્નત સોસાયટી, આનંદનગર વિસ્તારમાં પાણી ભરાતા સ્થાનિકોને હાલાકીનો સામનો કરવાનો વારો આવ્યો  છે. 

પાટણ જિલ્લામાં સતત બીજા દિવસે અવિરત વરસાદ વરસી રહ્યો છે.  સાંતલપુરમા વહેલી સવારથી અત્યાર સુધી 1.5 ઈંચ વરસાદ ખાબક્યો છે.  અવિરત વરસાદને પગલે નીચાણવાળા વિસ્તારોમા પાણી ભરાવાનું શરૂ થયું છે.  સાંતલપુર, વારાહી, ઉનડી, ગોતરકા, મઢુત્રા, વોવામાં વરસાદ વરસ્યો છે.  વરસાદને લઈ ખેડૂતોમાં હરખની હેલી છે. 

પાટણ જિલ્લામાં વહેલી સવારથી  વરસાદ જામ્યો છે.  જિલ્લામાં તમામ તાલુકામાં નોંધપાત્ર વરસાદ વરસી રહ્યો છે.  સરસ્વતી તાલુકામાં 6થી  8માં અઢી ઇંચ વરસાદ વરસ્યો છે.  પાટણમાં દોઢ ઇંચ,  શંખેશ્વર 1ઇંચ અન્ય તાલુકામાં 04 મિમીથી અડધા ઇંચ સુધી વરસાદ વરસ્યો છે.  સાંતલપુર તાલુકામાં 4થી  8 વાગ્યા સુધીમાં દોઢ ઇંચ વરસાદ વરસ્યો છે. 

આજે સૌરાષ્ટ્રના અનેક જિલ્લાઓમાં વરસાદની આગાહી કરાઈ છે. જેમાં પોરબંદર, દ્વારકા,  જામનગર અને કચ્છમાં ભારે વરસાદની આગાહી કરવામાં આવી છે. આ સિવાય ગીર સોમનાથ, જૂનાગઢ, મોરબીમાં પણ ભારે વરસાદની સંભાવના છે.  હવામાન વિભાગ મુજબ નવસારી, વલસાડ, તાપી, દમણ, દાદરાનગર હવેલી માટે આગામી ત્રણ દિવસ ભારે વરસાદની આગાહી અને યલો એલર્ટ છે.

રાજ્યના 206 પૈકી 75 જળાશયો એલર્ટ પર

રાજ્યના 206 પૈકી 75 જળાશયો એલર્ટ પર છે.  90 ટકાથી વધુ ભરાયેલા 52 જળાશયો હાઈએલર્ટ પર છે. 80થી 90 ટકા ભરાયેલા 11 જળાશયો એલર્ટ પર છે., તો 70થી 80 ટકા ભરાયેલા 12 જળાશયો વોર્નિંગ પર છે. રાજ્યના 207 પૈકી 45 જળાશયો  છલોછલ છે.  સૌરાષ્ટ્રના 35, કચ્છના છ તો દક્ષિણ ગુજરાતના ચાર જળાશયો સંપૂર્ણ ભરાઇ ચૂક્યાં છે.  કુલ 207 જળાશયોમાં હાલ 49.50 ટકા જળસંગ્રહ છે.

રાજ્યના કુલ 127 રસ્તાઓ બંધ થયા

ગુજરાતમાં મોનસૂન  (monsoon)એક્ટિવ છે પરંતુ તેની પેર્ટન બદલાઇ છે. દક્ષિણ ગુજરાત અને સૌરાષ્ટ્રને ઘમરોળ્યાં બાદ હવે ઉતર ગુજરાતમાં વરસાદ (rain) ધરાને ધરવી રહ્યો છે.  જો કે ભારે વરસાદ કેટલીક જગ્યાએ આફત રૂપ બન્યો છે. ભાર વરસાદના કારણે અનેક ગામો વીજળી ગૂલ છે તો કેટલાક રસ્તા પણ બંધ છે. ભારે વરસાદના પગલે  રાજ્યના કુલ 127 રસ્તાઓ બંધ થયા છે. જેમાં  9 સ્ટેટ હાઈવે અને 113 પંચાયતના રસ્તાઓનો સમાવેશ થાય છે.  આ તમામ રસ્તાઓ ભારે વરસાદના  કારણે ઠપ્પ છે.