શોધખોળ કરો

Heavy Rain: 'મેઘો મુશળધાર' છતાં બનાસકાંઠાના આ બે મોટા જળાશયો 'ખાલીખમ', જાણો કેટલું છે પાણી

Heavy Rain: દક્ષિણ ગુજરાત અને મધ્ય ગુજરાત બાદ છેલ્લા બે દિવસથી મેઘરાજાએ ઉત્તર ગુજરાતમાં ધમાકેદાર બેટિંગ શરૂ કરી છે

By : એબીપી અસ્મિતા વેબ ટીમ | Updated at : 30 Jul 2024 11:31 AM (IST)

Heavy Rain News two big dam of banaskantha has been empty due to heavy rainfall in north zone monsoon update Heavy Rain: 'મેઘો મુશળધાર' છતાં બનાસકાંઠાના આ બે મોટા જળાશયો 'ખાલીખમ', જાણો કેટલું છે પાણી

એબીપી લાઇવ

Source : એબીપી લાઇવ

Heavy Rain: દક્ષિણ ગુજરાત અને મધ્ય ગુજરાત બાદ છેલ્લા બે દિવસથી મેઘરાજાએ ઉત્તર ગુજરાતમાં ધમાકેદાર બેટિંગ શરૂ કરી છે. હવામાન વિભાગની આગાહી પ્રમાણે, છેલ્લા બે દિવસથી બનાસકાંઠા, સાબરકાંઠા, મહેસાણા અને પાટણ સહિતના જિલ્લાઓમાં જોરદાર વરસાદ વરસી રહ્યો છે. જનજીવન અસ્તવ્યસ્ત થઇ ગયુ છે, કેટલાક ગામો સંપર્ક વિહોણા બન્યા છે, છતાં એક ખરાબ સમાચાર સામે આવ્યા છે. મુશળધાર વરસાદ વરસવા છતાં બનાસકાંઠાના બે ડેમોમાં જળસ્તર નહીંવત રીતે વધી રહ્યાં છે, એટલે કે હાલમાં ખાલીખમ સ્થિતિમાં છે.

Heavy Rain: 'મેઘો મુશળધાર' છતાં બનાસકાંઠાના આ બે મોટા જળાશયો 'ખાલીખમ', જાણો કેટલું છે પાણી

બનાસકાંઠા જિલ્લા અને ઉપરવાસમાં છેલ્લા બે દિવસથી ધોધમાર વરસાદ વરસી રહ્યો છે, જિલ્લામાં મોટાભાગના ગામોમાં પાણી ભરાયા છે અને જનજીવન અસ્તવ્યસ્ત થયા છે. પરંતુ આ બધાની વચ્ચે બનાસકાંઠાના જળાશયોની સ્થિતિ ખરાબ છે. હાલમાં મળતી માહિતી પ્રમાણે, બનાસકાંઠા જિલ્લાના જળાશયો હજુ પણ ખાલીખમ સ્થિતિમાં જોવા મળી રહ્યાં છે, જિલ્લાના બે ડેમો, દાંતિવાડા અને સીપુ ડેમમાં પાણીની ઓછી આવક થઇ છે. હાલમાં દાંતિવાડા ડેમની હાલની સપાટી 564.86 ફૂટ સુધી જ પહોંચી છે, દાંતિવાડા ડેમમાં માત્ર 18 ટકા જળસંગ્રહ છે, જ્યારે સીપુ ડેમમાં હાલ માત્ર 10 ટકા જળસંગ્રહ નોંધાયો છે.