Cyclone Biparjoy: વાવાઝોડાની અસર વચ્ચે વેરાવળ અને સુત્રાપાડામાં જળબંબાકાર, અનેક જગ્યાએ પાણી ભરાયા
સૂત્રાપાડા તાલુકામાં ભારે પવન સાથે ધોધમાર વરસાદ વરસ્યો છે. વેરાવળ અને સુત્રાપાડા જળબંબાકાર થયા.
ગીર સોમનાથ : સૂત્રાપાડા તાલુકામાં ભારે પવન સાથે ધોધમાર વરસાદ વરસ્યો છે. વેરાવળ અને સુત્રાપાડા જળબંબાકાર થયા. અહીં 2 ઈંચથી વધુ વરસાદ ખાબકતા અનેક જગ્યાએ પાણી ભરાયા હતા. શહેરના હાર્દસમા સટ્ટાબજાર, સુભાષ રોડ, તપેશ્વર રોડ સહિતના માર્ગો પર ઘૂંટણસમા પાણી ભરાયા હતા.
કલાકો સુધી પાણી ન ઓસરતા રાહદારીઓ અને વાહનચાલકો મુશ્કેલીમાં મુકાયા હતા. ભારે પવન સાથે વરસાદ વરસતા કેટલીક જગ્યાએ વૃક્ષ પણ ધરાશાયી થયા હતા. ઉનાથી વેરાવળ જતાં રોડ પર વૃક્ષ ધરાશાયી થતાં એક બાઈકચાલક ફસાયો હતો. સદનસીબે તેને સામાન્ય ઈજા થઈ હતા. જૂનાગઢ જિલ્લામાં પણ વરસાદી માહોલ રહ્યો છે. માંગરોળ અને માળિયા હાટીના તાલુકામાં વરસાદ વરસ્યો છે. કેશોદમાં પણ વરસાદ વરસ્યો છે. કેશોદના અજાબ, અગતરાઈ અને સોંદરડા ગામમાં ભારે પવન સાથે વરસાદ વરસ્યો છે.
વાવાઝોડાને લઈ અમરેલી શહેર સહીત આસપાસના ગ્રામ્ય વિસ્તારોમાં વરસાદ
બિપરજોય વાવાઝોડું ઝડપી ગતિથી ગુજરાતના દરિયાકાંઠા તરફ આગળ વધી રહ્યું છે. વાવાઝોડાના નવા ટ્રેક અનુસાર વાવાઝોડુ બિપરજોય ફક્ત કચ્છ જ નહી પરંતુ રાજ્યના અન્ય ત્રણ જિલ્લાને પણ ઘમરોળશે. કચ્છ, દ્વારકા, પોરબંદર વાવાઝોડાની ઝપેટમાં આવશે. વાવાઝોડું જેમ-જેમ નજીક આવી રહ્યું છે ત્યારે રાજ્યના અનેક જિલ્લામાં વરસાદ શરુ થયો છે. અમરેલી જિલ્લાના વાતાવરણમાં પલટો આવ્યો છે. અમરેલી જિલ્લામાં વરસાદ શરુ થયો છે.
અમરેલી જિલ્લાના વાતાવરણમાં બિપોરજોય વાવાઝોડાની અસર જોવા મળી રહી છે. અમરેલી જિલ્લાના વાતાવરણમાં પલટો આવ્યો છે. અમરેલી જિલ્લાના મોટાભાગના વિસ્તારોમાં ભારે વરસાદની શરૂઆત થઈ છે. અમરેલી, ધારી અને ખાંભા પંથકના કેટલાક વિસ્તારોમાં ભારે વરસાદની શરૂઆત થઈ છે.
વાવાઝોડાને લઈ સૌથી મોટા સમાચાર, આ તારીખે માંડવી-કરાચી વચ્ચે ટકરાશે
ગુજરાત પર વાવાઝોડા બિપરજોયનો ખતરો વધ્યો છે. 15 જૂને વાવાઝોડું જખૌ પોર્ટ પરથી પસાર થાય તેવું ભારતીય હવામાનનું અનુમાન છે. 15 જૂને બપોર સુધીમાં પસાર થઇ શકે છે. 14 અને 15મી જૂને બિપરજોય વાવાઝોડુ માંડવી-કરાચી વચ્ચે ટકરાશે. ગુજરાતના દરિયાકાંઠે બિપરજોય વાવાઝોડાના કારણે ભારે પવન જોવા મળી રહ્યો છે. દરિયાકાંઠાના વિસ્તારોમાં ભારે પવન સાથે વરસાદ વરસી રહ્યો છે.
અરબ સાગરમાં સર્જાયેલું વાવાઝોડું બિપરજોયે અતિ રૌદ્ર સ્વરૂપ ધારણ કર્યું છે. ગુજરાતના દરિયાકાંઠાના વિસ્તારમાં ઓરેન્જ એલર્ટ જાહેર કરવામાં આવ્યું છે. અગાઉ યલો એલર્ટ જાહેર કરાયું હતુ. વાવાઝોડાના કારણે દરિયો તોફાની બન્યો છે. ઊંચા મોજા ઉછળી રહ્યા છે.
સર્પાકાર આકારમાં અત્યંત પ્રચંડ ચક્રવાતી તોફાન બિપરજોય આગળ વધી રહ્યું છે. 6 જૂનથી અત્યાર સુધીમાં 11 વખત વાવાઝોડાએ દિશા બદલી છે. ગુજરાત પર વાવાઝોડાના સૌથી વધુ જોખમ છે. દેવભૂમિ દ્વારકા, પોરબંદર, ગીરસોમનાથ,કચ્છ સહિતના વિસ્તારમાં વાવાઝોડાની અસર જોવા મળી રહી છે.
ટોપ સ્ટોરી
ટ્રેન્ડિંગ સમાચાર
