Guarat Rain: આગામી ત્રણ કલાક આ જિલ્લાઓમાં ભારેથી અતિભારે વરસાદ તૂટી પડશે, જાણો લેટેસ્ટ અપડેટ 

રાજ્યના હવામાન વિભાગ દ્વારા વરસાદને લઈ નાવ કાસ્ટ જાહેર કરવામાં આવ્યું છે. નાવ કાસ્ટ મુજબ આગામી ત્રણ કલાક સુધી વરસાદની આગાહી કરવામાં આવી છે.

પ્રતિકાત્મક તસવીર

Source : તસવીર સોશિયલ મીડિયા

અમદાવાદ: રાજ્યના હવામાન વિભાગ દ્વારા વરસાદને લઈ નાવ કાસ્ટ જાહેર કરવામાં આવ્યું છે. નાવ કાસ્ટ મુજબ આગામી ત્રણ કલાક સુધી વરસાદની આગાહી કરવામાં આવી છે. હવામાન વિભાગની આગાહી મુજબ, દેવભૂમિ દ્વારકા,  જામનગર,  મોરબી,  પોરબંદર અને  કચ્છમાં ગાજવીજ અને ભારે પવન સાથે ભારે વરસાદની આગાહી કરવામાં આવી છે.  

આ સિવાય હવામાન વિભાગે  ગીર સોમનાથ, જુનાગઢ, રાજકોટ, સુરેન્દ્રનગર, પાટણ, બનાસકાંઠા, બોટાદ, અમરેલી અને ભાવનગરમાં ગાજ વીજ સાથે મધ્યમ વરસાદની આગાહી કરી છે.

આગામી ત્રણ કલાક અનેક જિલ્લામાં વરસશે વરસાદ

હવામાન વિભાગની આગાહી મુજબ આગામી ત્રણ કલાક દરમિયાન  મહેસાણા, અમદાવાદ, ગાંધીનગર, સાબરકાંઠા, અરવલ્લી, ખેડા, આણંદ, મહીસાગર, પંચમહાલ, દાહોદ, વડોદરા, છોટાઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ,દમણ અને દાદરા નગર હવેલીમાં હળવા વરસાદની આગાહી કરવામાં આવી છે.  

આજે આ જિલ્લામાં વરસાદની આગાહી

 

હવામાન વિભાગની આગાહી મુજબ આજે, પોરબંદર, જૂનાગઢ, ભાવનગર, બોટાદ, સુરેન્દ્રનગર, મોરબી, અમદાવાદ, આણંદ અને ભરુચમાં રેડ એલર્ટ આપવામાં આવ્યું છે. આ જિલ્લાઓમાં આજે ભારેથી અતિભારે વરસાદ વરસી શકે છે.