Gujarat Cold: કાતિલ ઠંડી માટે તૈયાર રહેજો, જાણો હવામાન વિભાગે શું કરી આગાહી?

કાતિલ ઠંડીમાં ઠૂંઠવાવા માટે તૈયાર રહેજો. રાજ્યના હવામાન વિભાગ દ્વારા ઠંડીની આગાહી કરવામાં આવી છે. આગામી 48 કલાકમાં ઠંડીનો પારો હજુ ઘટશે.

પ્રતિકાત્મક તસવીર

અમદાવાદ: કાતિલ ઠંડીમાં ઠૂંઠવાવા માટે તૈયાર રહેજો. રાજ્યના હવામાન વિભાગ દ્વારા ઠંડીની આગાહી કરવામાં આવી છે. આગામી 48 કલાકમાં ઠંડીનો પારો હજુ ઘટશે. આ આગાહી હવામાન વિભાગે કરી છે. હવામાન વિભાગના જણાવ્યા અનુસાર, આગામી બે દિવસમાં ઠંડીનો પારો 2 થી 3 ડિગ્રી ઘટશે.  આજે પાટનગર ગાંધીનગર સૌથી ઠંડુંગાર રહ્યું છે.  ગાંધીનગરમાં 9 ડિગ્રી લઘુતમ તાપમાન નોંધાયું છે.  જ્યાંરે નલિયા અને ડીસામાં 10 ડિગ્રી તાપમાન નોંધાયું છે.  તો અમદાવાદમાં 11 ડિગ્રી તાપમાન નોંધાયું છે. 

હવામાન વિભાગે આગાહી કરી કે, આગામી 5 દિવસ વાતાવરણ સૂકું રહેશે. પરંતું આ સાથે જ ઠંડીનો ચમકારો પણ અનુભવાશે. કચ્છમાં કોલ્ડવેવની અગાહી છે. 2 થી 3 ડિગ્રી તાપમાન ઘટશે.  રાજ્યમાં ઠંડીમાં આંશિક ઘટાડો થયો છે. પરંતું આગામી 48 કલાક બાદ તાપમાનનો પારો ગગાડવાની શક્યતા છે. બે દિવસ બાદ ઠંડીનો ચમકારો વધશે. હાલ રાજ્યમાં ઉત્તર પશ્ચિમથી ઉત્તર પૂર્વીય દિશામાં પવનની ગતિ છે.  

ઉત્તર ભારતના ઘણા રાજ્યોમાં કોલ્ડવેવનું એલર્ટ!

ભારતના મોટાભાગના વિસ્તારોમાં કાતિલ ઠંડીની શરુઆત થઈ ગઈ છે.  ભારતીય હવામાન વિભાગ (IMD) એ જણાવ્યું હતું કે નારનૌલ (હરિયાણા), આયાનગર (દિલ્હી) અને કાનપુર (પૂર્વ ઉત્તર પ્રદેશ)માં લઘુત્તમ તાપમાન 3 ડિગ્રી સેલ્સિયસ નોંધાયું હતું. IMDએ જણાવ્યું કે પંજાબ, હરિયાણા, ચંદીગઢ અને દિલ્હીના ભાગોમાં 15 જાન્યુઆરી સુધી તીવ્ર ઠંડીની સ્થિતિ ચાલુ રહેવાની સંભાવના છે. જો કે, 16 જાન્યુઆરીએ વિવિધ ભાગોમાં કોલ્ડવેવની સ્થિતિ યથાવત રહેશે.

હવામાન વિભાગના  દૈનિક બુલેટિનમાં એજન્સીએ એવી પણ આગાહી કરી છે કે ઉત્તર ભારતમાં આગામી 4-5 દિવસ દરમિયાન ગાઢથી અત્યંત ગાઢ ધુમ્મસની સ્થિતિ યથાવત રહેવાની શક્યતા છે, જ્યારે ઉત્તર પશ્ચિમ ભારતના મેદાની વિસ્તારોમાં ઠંડીથી ગંભીર સ્થિતિની અપેક્ષા છે. સ્થિતિ એવી જ રહેવાની શક્યતા છે. IMD એ ચેતવણી પણ આપી છે કે આગામી ત્રણ દિવસ દરમિયાન ઉત્તર પશ્ચિમ ભારતના મેદાની વિસ્તારોમાં કોલ્ડ વેવને કારણે તીવ્ર ઠંડીની સ્થિતિ સર્જાવાની શક્યતા છે, જો કે તે પછી તેમાં સુધારો થશે.

પંજાબ, હરિયાણા, ચંદીગઢ, દિલ્હી, ઉત્તર પ્રદેશ, ઉત્તર મધ્યપ્રદેશના મોટાભાગના ભાગોમાં લઘુત્તમ તાપમાન 3-7 ડિગ્રી સેલ્સિયસ અને રાજસ્થાનના કેટલાક ભાગો અને બિહારના અલગ વિસ્તારોમાં 8 ડિગ્રી સેલ્સિયસ વચ્ચે છે, બુલેટિનમાં જણાવાયું છે. દક્ષિણ રાજસ્થાનના ઘણા ભાગોમાં લઘુત્તમ તાપમાન 10 ડિગ્રી સેલ્સિયસ સુધી જઈ શકે છે. IMD એ કહ્યું હતું કે, પંજાબ, હરિયાણા અને રાજસ્થાન સિવાય, ઉત્તર અને અડીને આવેલા મધ્ય ભારતના ઘણા ભાગો સામાન્ય કરતા 1 થી 2 ડિગ્રી સેલ્સિયસ ઓછું રહેવાની સંભાવના છે.