આગામી 7 દિવસ ધબધબાટી બોલાવશે વરસાદ! ગુજરાતમાં 4 સિસ્ટમ સક્રિય થતાં આ જિલ્લાઓને ધમરોળશે
આજે 7 જિલ્લામાં રેડ એલર્ટ, 8 જિલ્લા અને 2 કેન્દ્રશાસિત પ્રદેશમાં ઓરેન્જ એલર્ટ; અમદાવાદના દસક્રોઈમાં 9.25 ઇંચ વરસાદ, આવતીકાલે 3 જિલ્લામાં ઓરેન્જ, 21 જિલ્લામાં યલો એલર્ટ.
Gujarat Rains: ગુજરાતમાં આગામી સાત દિવસ સુધી ભારે વરસાદની હવામાન વિભાગે આગાહી કરી છે. હવામાન વિભાગ અનુસાર રાજ્યમાં હાલ ચાર સક્રિય સિસ્ટમ્સ કાર્યરત છે જેના કારણે રાજ્યમાં ભારેથી અતિભારે વરસાદ પડી શકે છે. હવામાન વિભાગે આજે સાત જિલ્લામાં રેડ એલર્ટ, જ્યારે આઠ જિલ્લા અને દમણ-દાદરાનગર હવેલી સહિત બે કેન્દ્રશાસિત પ્રદેશોમાં ઓરેન્જ એલર્ટ જાહેર કર્યું છે. આ ઉપરાંત, 12 જિલ્લાઓમાં યલો એલર્ટ અપાયું છે. આજે બપોર સુધીમાં રાજ્યના 155 થી વધુ તાલુકામાં વરસાદ નોંધાયો, જેમાં અમદાવાદના દસક્રોઈમાં સૌથી વધુ 9.25 ઇંચ અને ખેડાના મહેમદાવાદમાં 7.5 ઇંચ વરસાદ ખાબક્યો. આવતીકાલે, જુલાઈ 28 ના રોજ, બનાસકાંઠા, સાબરકાંઠા અને અરવલ્લીમાં ઓરેન્જ એલર્ટ તથા 21 જિલ્લાઓમાં યલો એલર્ટ જાહેર કરાયું છે. ભારે વરસાદની આગાહીને પગલે આગામી પાંચ દિવસ માટે માછીમારોને દરિયો ન ખેડવાની સૂચના આપવામાં આવી છે.
આજે વરસાદની આગાહી
હવામાન વિભાગ દ્વારા આજે જાહેર કરાયેલા એલર્ટ્સ અનુસાર, રાજ્યના સાત જિલ્લાઓમાં અત્યંત ભારે વરસાદની શક્યતાને જોતા રેડ એલર્ટ જાહેર કરવામાં આવ્યું છે. આ ઉપરાંત, આઠ જિલ્લાઓ અને દમણ-દાદરાનગર હવેલી સહિત બે કેન્દ્રશાસિત પ્રદેશોમાં ભારે વરસાદની સંભાવના સાથે ઓરેન્જ એલર્ટ અપાયું છે. જ્યારે અન્ય 12 જિલ્લાઓમાં પણ વરસાદની શક્યતાને ધ્યાનમાં રાખીને યલો એલર્ટ જાહેર કરાયું છે.
આજના દિવસમાં, રાજ્યના 155 થી વધુ તાલુકામાં વરસાદ નોંધાયો છે. કેટલાક વિસ્તારોમાં તો ધોધમાર વરસાદ વરસ્યો છે. અમદાવાદના દસક્રોઈમાં સૌથી વધુ 9.25 ઇંચ (સવા નવ ઇંચ) વરસાદ નોંધાયો છે. ખેડાના મહેમદાવાદમાં 7.5 ઇંચ (સાડા સાત ઇંચ), નડિયાદમાં 7.25 ઇંચ (સવા સાત ઇંચ), અને માતરમાં 6 ઇંચ વરસાદ પડ્યો છે. આ ઉપરાંત, કઠલાલ અને વસોમાં બંનેમાં 4.75 ઇંચ (પોણા પાંચ ઇંચ) વરસાદ વરસ્યો છે. મહુધા, ખેડા, ઉમરેઠ, ભિલોડા, પાટણ, ધોળકા, ભાભર, બાવળા જેવા વિસ્તારોમાં પણ 3 થી 4 ઇંચ જેટલો વરસાદ વરસ્યો છે.
આવતીકાલે વરસાદની આગાહી
હવામાન વિભાગે આવતીકાલ, જુલાઈ 28 માટે પણ વરસાદી એલર્ટ્સ જાહેર કર્યા છે. બનાસકાંઠા, સાબરકાંઠા અને અરવલ્લી જિલ્લામાં ભારે વરસાદની શક્યતાને જોતા ઓરેન્જ એલર્ટ આપવામાં આવ્યું છે. આ ઉપરાંત, સૌરાષ્ટ્રના રાજકોટ, અમરેલી, ભાવનગર, બોટાદ અને સુરેન્દ્રનગર; ઉત્તર ગુજરાતના અમદાવાદ, ગાંધીનગર, પાટણ, મહેસાણા; મધ્ય ગુજરાતના ખેડા, મહીસાગર, આણંદ, પંચમહાલ, દાહોદ, વડોદરા અને છોટા ઉદેપુર; દક્ષિણ ગુજરાતના ભરૂચ, નર્મદા, સુરત, નવસારી, વલસાડ; અને કેન્દ્રશાસિત પ્રદેશો દમણ અને દાદરાનગર હવેલીમાં યલો એલર્ટ જાહેર કરવામાં આવ્યું છે.
માછીમારો માટે સૂચના
ભારે વરસાદ અને સંભવિત દરિયાઈ તોફાની પવનોની આગાહીને ધ્યાનમાં રાખીને, આગામી પાંચ દિવસ સુધી માછીમારોને દરિયો ન ખેડવા માટે સ્પષ્ટ સૂચના આપવામાં આવી છે. આ સમયગાળા દરમિયાન દરિયામાં જવું જોખમી બની શકે છે.
ટોપ સ્ટોરી
ટ્રેન્ડિંગ સમાચાર
