શોધખોળ કરો

Gujarat Rain:આ જિલ્લાઓ માટે આગામી 3 કલાક ભારે, હવામાન વિભાગે ભારે વરસાદને લઈ આપ્યું એલર્ટ

રાજ્યમાં આગામી ત્રણ કલાક કેટલાક જિલ્લાઓમાં ભારે વરસાદનું એલર્ટ હવામાન વિભાગ દ્વારા આપવામાં આવ્યું છે. હવામાન વિભાગના નાવ કાસ્ટમાં વરસાદની આગાહી કરવામાં આવી છે.

By : gujarati.abplive.com | Updated at : 24 Jun 2025 07:33 PM (IST)

Meteorological Department warns of rain for the next three hours in Gujarat Gujarat Rain:આ જિલ્લાઓ માટે આગામી 3 કલાક ભારે, હવામાન વિભાગે ભારે વરસાદને લઈ આપ્યું એલર્ટ

ભારે વરસાદનું એલર્ટ

Source : તસવીર-ABP અસ્મિતા

અમદાવાદ: રાજ્યમાં આગામી ત્રણ કલાક કેટલાક જિલ્લાઓમાં ભારે વરસાદનું એલર્ટ હવામાન વિભાગ દ્વારા આપવામાં આવ્યું છે. હવામાન વિભાગના નાવ કાસ્ટમાં વરસાદની આગાહી કરવામાં આવી છે. આગામી ત્રણ કલાક ભારે મધ્યમ અને હળવા વરસાદની આગાહી હવામાન વિભાગે કરી છે.

રાજ્યના આ જિલ્લાઓમાં ખાબકશે વરસાદ

આ આગાહી મુજબ આગામી ત્રણ કલાક સુધી પંચમહાલ, મહીસાગર, દાહોદ, અરવલ્લી, સાબરકાંઠા, ખેડા, વલસાડ, નવસારી અને દમણ દાદરા નગર હવેલીમાં ગાજવીજ સાથે ભારે વરસાદની આગાહી કરવામાં આવી છે. આ સમય દરમિયાન પવનની ગતિ 41થી 61 કિલોમીટર પ્રતિ કલાકની રહેશે.

જ્યારે છોટાઉદેપુર, ભરૂચ, સુરત, તાપી, ડાંગ, નર્મદા, આણંદ, વડોદરા, અમદાવાદ, ગાંધીનગર, મહેસાણા, બનાસકાંઠા, ભાવનગર, બોટાદ અને અમરેલીમાં મધ્યમ વરસાદની આગાહી કરવામાં આવી છે.

આ સિવાય પાટણ, સુરેન્દ્રનગર, કચ્છ,મોરબી, જામનગર, દેવભૂમિ દ્વારકા, પોરબંદર, રાજકોટ, જુનાગઢ, ગીર સોમનાથ અને દીવમાં હળવા વરસાદની આગાહી હવામાન વિભાગે કરી છે.

અમદાવાદમાં ભારે વરસાદની આગાહી

અમરેલી, ભાવનગર, સુરેન્દ્નગર, રાજકોટ,જૂનાગઢ, ગીર સોમનાથ અને દિવમાં પણ ભારે વરસાદની આગાહી કરાઈ છે. માછીમારોને આજે દરિયો ન ખેડવા સૂચના આપવામાં આવી છે. દરિયાકાંઠે 40 થી 50 કિલોમીટરની ઝડપે પવન ફૂંકાશે. અમદાવાદમાં પણ આજે ઠંડર સ્ટ્રોમ સાથે ભારે વરસાદની આગાહી છે.

આજના દિવસમાં 112 તાલુકામાં નોંધાયો વરસાદ

દક્ષિણ ગુજરાત, મધ્ય ગુજરાતના તાલુકામાં સતત વરસાદી માહોલ જામ્યો છે. 36 તાલુકામાં એકથી પોણા નવ ઈંચ સુધીનો વરસાદ વરસ્યો છે. હવામાન વિભાગની વરસાદની આગાહી વચ્ચે આજે પણ વહેલી સવારથી અનેક જિલ્લાઓમાં વરસાદ વરસી રહ્યો છે.