Gujarat Rain: આગામી 3 કલાક રાજ્યના આ જિલ્લાઓમાં વરસાદનું એલર્ટ, જાણો ક્યાં તૂટી પડશે વરસાદ 

રાજ્યના હવામાન વિભાગ દ્વારા વરસાદને લઈ આગાહી કરવામાં આવી છે.  હવામાન વિભાગે આગામી ત્રણ કલાકને લઈ નાઉ કાસ્ટ જાહેર કર્યું છે.

પ્રતિકાત્મક તસવીર

Source : તસવીર સોશિયલ મીડિયા

Show Quick Read

Key points generated by AI, verified by newsroom

• આગામી ત્રણ કલાકમાં છૂટાછવાયા સ્થળોએ હળવો વરસાદ પડશે.
• કચ્છ, બનાસકાંઠા, પાટણ, સાબરકાંઠા, મહેસાણા, અરવલ્લીમાં વરસાદની આગાહી.
• 2 અને 3 એપ્રિલે કચ્છ, ઉત્તર ગુજરાતમાં માવઠું થવાની શક્યતા.

અમદાવાદ: રાજ્યના હવામાન વિભાગ દ્વારા વરસાદને લઈ આગાહી કરવામાં આવી છે.  હવામાન વિભાગે આગામી ત્રણ કલાકને લઈ નાઉ કાસ્ટ જાહેર કર્યું છે.  આગામી ત્રણ કલાક રાજ્યમાં  છુટા છવાયા સ્થળો પર હળવા વરસાદની આગાહી કરવામાં આવી છે.  ગુજરાતમાં હાલ 4 એપ્રિલ સુધી તાપમાનમાં કોઇ મોટો ફેરફાર થવાની શક્યતા નથી. ગુજરાતમાં આગામી ચાર દિવસ કેટલાક જિલ્લાઓમાં વરસાદની આગાહી આપવામાં આવી છે. આજે છૂટાછવાયા સ્થળો પર ગાજવીજ સાથે હળવા વરસાદની આગાહી કરાઈ છે. 

આગામી ત્રણ કલાક આ જિલ્લાઓમાં વરસાદની આગાહી

હવામાન વિભાગની આગાહી અનુસાર, કચ્છ, બનાસકાંઠા, પાટણ, સાબરકાંઠા, મહેસાણા અને અરવલ્લીમાં છુટા છવાયા સ્થળે હળવા વરસાદની આગાહી કરવામાં આવી છે.  આ સમય દરમિયાન પવનની ગતિ 40 કિલોમીટર પ્રતિ કલાકની રહેશે. 

હવામાન વિભાગની નવી આગાહીમાં એપ્રિલથી ફરી એકવાર રાજ્યમાં માવઠુ થવાની શક્યતા છે. રાજ્યમાં ભરઉનાળે કમોસમી વરસાદની આગાહી કરવામાં આવી છે. હવામાન વિભાગના જણાવ્યા અનુસાર, 5 એપ્રિલ સુધી રાજ્યમાં વાતાવરણ બદલાયેલુ રહેશે. તેમજ આંધી તોફાન, વંટોળ અને ગાજવીજ સાથે 2 થી 3 એપ્રિલે માવઠુ થશે. ફરી એકવાર વેસ્ટર્ન ડિસ્ટર્બન્સ સક્રિય થતા રાજ્યમાં માવઠાની આગાહી કરવામાં આવી છે. 

2 અને 3 એપ્રિલે માવઠાની શક્યતાઓ

હવામાન વિભાગની લેટેસ્ટ આગાહી અનુસાર 2 અને 3 એપ્રિલે માવઠાની શક્યતાઓ છે. કચ્છ અને ઉત્તર ગુજરાતમાં કમોસમી વરસાદ વરસી શકે છે.  બીજી તરફ નાઉકાસ્ટ દ્વારા વરસાદની આગાહી કરવામાં આવી છે. હવામાન વિભાગની આગાહી પ્રમાણે ગુજરાતમાં આજે ઉકળાટની અસર વર્તાશે. પવનની દિશા બદલાતા હિટવેવની શક્યતાઓ નહિવત છે. 

હવામાન વિભાગની આગાહી પ્રમાણે રાજ્યમાં 38થી 39 ડિગ્રી સુધી તાપમાન રહેશે. હવામાન વિભાગની આગાહી પ્રમાણે રાજ્યના અનેક વિસ્તારમાં વાદળછાયુ વાતાવરણ રહેશે. કેટલાક વિસ્તારોમાં ગાજવીજ સાથે વરસાદ ખાબકશે. કચ્છ, પાટણ, મોરબી, સુરેન્દ્રનગર, સાબરકાંઠા, અરવલ્લી, દાહોદ અને પંચમહાલ જિલ્લામાં ભારે વરસાદની આગાહી કરવામાં આવી છે. વેસ્ટર્ન ડિસ્ટર્બન્સ સક્રિય થવાથી વરસાદની આગાહી કરવામાં આવી છે. વરસાદ અને વાદળછાયું વાતાવરણ રહેવાને કારણે રાજ્યમાં ગરમીમાં આંશિક ઘટાડો થશે.

હવામાન વિભાગે લેટેસ્ટ અપડેટ આપતા જણાવ્યુ છે કે, આગામી 2 થી 3 એપ્રિલે ગુજરાતમાં કેટલાક સ્થળોએ માવઠુ થશે. ભર ઉનાળે એપ્રિલમાં વાતાવરણ બદલાશે અને વેસ્ટર્ન ડિસ્ટર્બન્સ સક્રિયા થતાં આંધી-વંટોળ સાથે કમોસમી વરસાદ ખાબકશે.