Rain: 12 થી 15 જૂને ગુજરાતમાં ભારે વરસાદની આગાહી, અરબી સમુદ્રમાં સર્જાઇ ચોમાસાની સિસ્ટમ
Gujarat Rain: હવામાન વિભાગે ગુજરાતમાં વરસાદને લઇને મોટી આગાહી કરી છે, રાજ્યમાં ઝડપથી ચોમાસુ આગળ વધી રહ્યું છે
Gujarat Rain: દક્ષિણ ભારતમાં ચોમાસાની એન્ટ્રી થઇ ચૂકી છે, અને ઉત્તર ભારતમાં ચોમાસું આગામી અઠવાડિયાથી એક્ટિવ થઇ જશે. અત્યારે રાજ્યમાં ચોમાસા પહેલાં કમોસમી વરસાદ થઈ રહ્યો છે. ત્યારે હવામાન વિભાગે આગામી દિવસો સૌરાષ્ટ્ર અને દક્ષિણ ગુજરાતના કેટલાક વિસ્તારોમાં વરસાદની આગાહી કરી છે. દેશમાં આ વખતે ચોમાસું વહેલું શરૂ થયું છે. મુંબઈમાં ચોમાસું બેસી ગયું છે પરંતુ બાદમાં સિસ્ટમ નબળી પડી ગઈ હતી અને વરસાદે વિરામ લઈ લીધો છે. સામાન્ય રીતે મુંબઈમાં ચોમાસું બેસે એના ચારથી પાંચ દિવસ બાદ ગુજરાતમાં ચોમાસાનું આગમન થઈ જતું હોય છે પણ આ વર્ષે કાંઈક અલગ થયું છે.
હવામાન વિભાગે ગુજરાતમાં વરસાદને લઇને મોટી આગાહી કરી છે, રાજ્યમાં ઝડપથી ચોમાસુ આગળ વધી રહ્યું છે. દક્ષિણ ભારતમાંથી હવે ઉત્તર ભારતમાં ચોમાસું એન્ટ્રી મારશે, તાજા અપડેટ પ્રમાણે, 12 થી 15 જૂને ગુજરાતમાં ભારે વરસાદની આગાહી છે, ખાસ કરીને દક્ષિણ ગુજરાત, મધ્ય ગુજરાત અને સૌરાષ્ટ્રમાં ભારે વરસાદનું અનુમાન છે. આ વરસાદી સિસ્ટમ સર્જાવવા પાછળ અરબી સમુદ્ર અને બંગાળના ઉપસાગરમાં લૉ પ્રેશર સિસ્ટમ જવાબદાર છે. આ ઉપરાંત 11 જૂનથી ચોમાસું સક્રિય થવાનું હવામાન વિભાગનું અનુમાન છે, જ્યારે 22 જૂન સુધીમાં ચોમાસું મોટાભાગના વિસ્તારોને આવરી લેશે.
હવામાન વિભાગે આપેલા વેધર મેપ પ્રમાણે, આજે 10 મી તારીખે અને 11મી અને 12મી તારીખે વેધર મેપ પ્રમાણે, અમરેલી, ભાવનગર, ડાંગ, નવસારી, વલસાડ, દમણ અને દાદરાનગર હવેલીમાં છૂટાછવાયા સ્થળોએ ગાજવીજ સાથે હળવાથી મધ્યમ વરસાદની આગાહી આપવામાં આવી છે. 13મી તારીખથી ફરી વરસાદનું જોર વધતું દેખાય છે. 13મીએ અમરેલી, ભાવનગર, તાપી, ડાંગ, સુરત, નવસારી, વલસાડ, દમણ અને દાદરાનગર હવેલીમાં છૂટાછવાયા સ્થળોએ ગાજવીજ સાથે હળવાથી મધ્યમ વરસાદની આગાહી આપવામાં આવી છે. 14મી તારીખે અમરેલી, ભાવનગર, નર્મદા, તાપી, ડાંગ, સુરત, નવસારી, વલસાડ, દમણ અને દાદરાનગર હવેલીમાં છૂટાછવાયા સ્થળોએ ગાજવીજ સાથે હળવાથી મધ્યમ વરસાદની આગાહી આપવામાં આવી છે.
ટોપ સ્ટોરી
ટ્રેન્ડિંગ સમાચાર
