Rain: વલસાડમાં NDRFની ટીમ ઉતરી, મધુબન ડેમમાંથી દમણગંગામાં છોડાઇ રહ્યું છે પાણી, 32 રસ્તાઓ બંધ
Valsad Rain: હાલની સ્થિતિની વાત કરીએ તો મધુબન ડેમની જળસપાટી સતત વધી રહી છે. દર કલાકે ડેમમાંથી દમણ ગંગા નદીમાં 25 હજારથી વધુ ક્યૂસેક પાણીને છોડાઇ રહ્યું છે
Valsad Rain: ગુજરાતમાં ગઇરાત્રિથી મેઘરાજેએ દક્ષિણના જિલ્લાઓમાં તબાહી મચાવી છે. મોડીરાતથી શરૂ થયેલો વરસાદ હજુ પણ કહેર વર્તાવી રહ્યો છે. આજે સવારથી જ વલસાડ જિલ્લામાં જળબંબાકારની સ્થિતિ સર્જાઇ છે. સવારતી અહીં પાંચ ઇંચ વરસાદ ખાબકતા જિલ્લાની મોટાભાગની નદીઓ ગાંડીતૂર બની છે, અનેક વિસ્તારોમાં પાણી ભરતા 32થી વધુ રૉડ રસ્તાને બંધ કરવા પડ્યા છે. ખાસ વાત છે કે, નદીઓમાં નવા નીર આવતા નીચાણવાળા વિસ્તારોમાં રહેતા લોકોને સાવધાન કરવામાં આવ્યા છે, અને NDRFની ટીમ પણ અસરગ્રસ્ત વિસ્તારોની મુલાકાતે વલસાડમાં પહોંચી ગઇ છે
સવારથી વલસાડ જિલ્લામાં ભારે વરસાદ ખાબકી રહ્યો છે. જેના કારણે વલસાડ કલેક્ટરે પણ નીચાણવાળા વિસ્તારોની મુલાકાત લીધી છે અને NDRFની ટીમ પણ પણ રાહત અને બચાવ કાર્ય માટે પહોંચી ચૂકી છે. હાલની સ્થિતિની વાત કરીએ તો મધુબન ડેમની જળસપાટી સતત વધી રહી છે. દર કલાકે ડેમમાંથી દમણ ગંગા નદીમાં 25 હજારથી વધુ ક્યૂસેક પાણીને છોડાઇ રહ્યું છે.
રસ્તાઓની સ્થિતિની વાત કરીએ તો, વલસાડ જિલ્લામાં કુલ 37 રોડ-રસ્તા બંધ કરવામાં આવ્યા છે, જેમાં પંચાયત હસ્તકના 34 રૉડ અને 3 સ્ટેટ હાઇવે સામેલ છે. હાલમં મધુબન ડેમમાં પાણી સતત વધી રહ્યું છે. આ ઉપરાંત નવસારી જિલ્લામાં પંચાયત હસ્તકના 19 રસ્તા અવરોધાયા છે, જેમાં વાંસદા તાલુકાના 14 રસ્તા, નવસારી તાલુકાના 2 રસ્તા તેમજ ચીખલીના 2 અને ખેરગામના 1 રસ્તો પ્રભાવિત થયો છે.
આજના દિવસમાં રાજ્યના 91 તાલુકામાં વરસ્યો વરસાદ
આજના દિવસમાં વાપીમાં ખાબક્યો સાડા ચાર ઈંચ વરસાદ
આજના દિવસમાં ધરમપુરમાં ખાબક્યો ચાર ઈંચ વરસાદ
આજના દિવસમાં પારડીમાં ખાબક્યો ચાર ઈંચ વરસાદ
આજના દિવસમાં હાંસોટમાં ખાબક્યો 3.58 ઈંચ વરસાદ
આજના દિવસમાં ખેરગામમાં ખાબક્યો 3.54 ઈંચ વરસાદ
આજના દિવસમાં ઓલપાડમાં ખાબક્યો સાડા ત્રણ ઈંચ વરસાદ
આજના દિવસમાં કપરાડામાં સાડા ત્રણ ઈંચ વરસાદ
આજના દિવસમાં વઘઈમાં 3.39 ઈંચ વરસાદ
આજના દિવસમાં વાલિયામાં 3 ઈંચ વરસાદ
આજના દિવસમાં ઉમરપાડામાં 2.83 ઈંચ વરસાદ
આજના દિવસમાં માંગરોળમાં 2.48 ઈંચ વરસાદ
આજના દિવસમાં ડાંગ આહવામાં 2.24 ઈંચ વરસાદ
આજના દિવસમાં વલસાડમાં 2.9 ઈંચ વરસાદ
આજના દિવસમાં વલસાડમાં 2.9 ઈંચ વરસાદ
આજના દિવસમાં કામરેજમાં 2 ઈંચ વરસાદ
આજના દિવસમાં સુબીરમાં 2 ઈંચ વરસાદ
આજના દિવસમાં બારડોલીમાં 1.97 ઈંચ વરસાદ
આજના દિવસમાં અંકલેશ્વરમાં દોઢ ઈંચ વરસાદ
આજના દિવસમાં વાંસદામાં દોઢ ઈંચ વરસાદ
આજના દિવસમાં ચીખલીમાં 1 ઈંચ વરસાદ
આજના દિવસમાં વ્યારામાં દોઢ ઈંચ વરસાદ
આજના દિવસમાં નેત્રંગમાં દોઢ ઈંચ વરસાદ
આજના દિવસમાં સુરત શહેરમાં દોઢ ઈંચ વરસાદ
આજના દિવસમાં ગરબાડામાં 1 ઈંચ વરસાદ
આજના દિવસમાં પલસાણામાં એક ઈંચ વરસાદ
આજના દિવસમાં વાલોડમાં એક ઈંચ વરસાદ
હવામાન વિભાગના જણાવ્યા પ્રમાણે, આજે બુધવારે ગુજરાતના 11 જિલ્લામાં ઓરેન્જ એલર્ટ જાહેર કરવામાં આવ્યું છે. જેમાં સૌરાષ્ટ્ર અને દક્ષિણ ગુજરાતના અમુક જિલ્લામાં ઓરેન્જ એલર્ટ જાહેર કરાયું છે. ભરૂચ, સુરત, નવસારી, તાપી, ડાંગ, નવસારી, વલસાડ, દાદરા અને નગર હવેલી અને દમણ તેમજ સૌરાષ્ટ્રમાં પોરબંદર, જૂનાગઢ, ગીર સોમનાથ, દીવ, અમરેલી અને ભાવનગરમાં અતિ ભારે વરસાદની આગાહી કરવામાં આવી છે. આ સિવાય 11 જિલ્લામાં યલો એલર્ટ જાહેર કરવામાં આવ્યું છે. જેમાં રાજકોટ, બોટાદ, બનાસકાંઠા, સાબરકાંઠા, અરવલ્લી, મહીસાગર, દાહોદ, પંચમહાલ, વડોદરા, છોટા ઉદેપુર, નર્મદામાં ભારે વરસાદની આગાહી કરવામાં આવી છે.
ટોપ સ્ટોરી
ટ્રેન્ડિંગ સમાચાર
