Tapi: પત્નીએ પેટ્રૉલ પુરાવવા પતિને 100 રૂપિયા ના આપ્યા, તો પતિએ ઘર સળગાવ્યું, જાણ સમગ્ર મામલો

ઘટનાની વિગતો એવી છે કે, તાપી જિલ્લાના સોનગઢના શિશોર ગામે પતી અને પત્ની વચ્ચે ઘર કંકાસમાં મોટો ઝઘડો થયો હતો

(તસવીર- એબીપી અસ્મિતા ન્યૂઝ)

Tapi News: તાપી જિલ્લાના સોનગઢમાં એક વિચિત્ર ઘરેલુ કંકાસનો કિસ્સો સામે આવ્યો છે, પતિ અને પત્ની વચ્ચે પૈસા બાબતે ઝઘડો થયો અને બાદમાં પતિએ ઉશ્કેરાઇને પોતાના જ ઘરને આગ લગાવી દીધી હતી, આ સમગ્ર ઘટના મામલે પત્નીએ પોતાની પતિ વિરૂદ્ધ પોલીસ ફરિયાદ નોંધાવી છે. 

ઘટનાની વિગતો એવી છે કે, તાપી જિલ્લાના સોનગઢના શિશોર ગામે પતી અને પત્ની વચ્ચે ઘર કંકાસમાં મોટો ઝઘડો થયો હતો. ખરેખરમાં, પતિએ પોતાની પત્ની પાસે પેટ્રૉલ પુરાવવા 100 રૂપિયા માંગ્યા હતા, પરંતુ પત્નીએ તેની પાસે પૈસા છે કે, નહીં તે જોઇને આપુ એમ કહ્યું હતુ. આ વાતથી પતિ રણજીત ચૌધરી ઉશ્કેરાઇ ગયો હતો અને ઘરમાં મુકેલા ઘાસના પૂરિયાને આગચંપી કરી દીધી હતી. ઘરમાં ઘાસના પૂરિયા સળગતા આખુ ઘર સળગ્યુ હતુ અને અંદાજિત 1 લાખ રૂપિયાથી વધુનું નુકસાન પહોંચ્યુ હતુ. આ સમગ્ર ઘટના મામલે પત્નીએ પોલીસ સ્ટેશનમાં પોતાની પતિ રણજીત ચૌધરી વિરૂદ્ધ ફરિયાદ નોંધાવી હતી. 

તાપી અને સુરત જિલ્લામાં તાડપત્રી ચોરતી ગેન્ગ ઝડપાઇ, એલસીબીએ હાઇવે પરથી રંગેહાથે ત્રણને ઝડપ્યા

સુરત જિલ્લામાંથી એકવાર ચોર ટોળકીને પોલીસે રંગેહાથે ઝડપી લીધી છે, છેલ્લા કેટલાક સમયથી તાપી અને બારડોલી વિસ્તારમાં તાડપત્રી કાપીને ચોરી કરતી ગેન્ગે આતંક મચાવ્યો હતો, જેને પર એલસીબી પોલીસે કાર્યવાહી કરતાં આખી ગેન્ગે હાઇવે રૉડ પરથી ઝડપી પાડી હતી. આ ગેન્ગમાંથી કુલ ત્રણ આરોપીઓને દબોચી લેવામાં આવ્યા હતા, જેમની પાસેથી 70 હજારથી વધુનો મુદ્દામાલ પણ જપ્ત કરાયો હતો. 

મળતી માહિતી પ્રમાણે, તાપી અને સુરત જિલ્લામાં છેલ્લા કેટલાક સમયથી ચોરીની ઘટનાને અંજામ આપતી ચોર ગેન્ગને પોલીસે ઝડપી પાડી છે. જિલ્લા એલસીબી પોલીસે સુરત અને બારડોલી વિસ્તારમાંથી તાડપત્રી કાપીને ચોરી કરતી ગેન્ગને રંગેહાથે ઝડપી લીધી છે. આરોપીઓ હાઇવે રૉડ પર પરથી પસાર થતી ચાલુ ગાડીમાંથી તાડપત્રી કાપીને સાડી તેમજ કાપડના ટાંકાઓની ચોરી કરતા હતાં. અગાઉ પણ તાપીના કાકરાપાર ખાતે કાપડના ટાંકા ચોરીની ફરિયાદ પોલીસ સ્ટેશનમાં નોંધાઈ હતી, જે પ્રકરણમાં આરોપીઓ ઝડપાયા હતા. એલસીબી પોલીસે આ ઘટનામાં હવે ત્રણ આરોપીઓને ઝડપી લીધા, જેમની પાસેથી સાડી અને દુલ્હન જોડા સાથે કુલ મળીને 70 હજારનો મુદ્દામાલ કબજે કરાયો છે. પોલીસે આ ચોર ટોળકીમાંથી પકડાયેલા આરોપીઓ પર આગળની કાર્યવાહી શરૂ કરી છે. આ ઘટનામા નૌરતરામ કુમાવત, રમેશકુમાર કુમાવાત અને ધેવરચંદ કુમાવતે એલસીબી પોલીસે ઝડપી પાડીને કાર્યવાહી હાથ ધરી છે.