ગુજરાત યુનિર્સિટીમાં આ વિદ્યાર્થીઓને મળે છે રિઝર્વેશનનો ફાયદો, જાણો ડિટેલ્સ
ગુજરાત યુનિવર્સિટી ભૂતપૂર્વ સૈનિકો અને સંરક્ષણ કર્મચારીઓના સંતાન માટે 1% બેઠકો પણ અનામત રાખવામાં આવે છે. આ યોજના હેઠળ પ્રવેશ મેળવવા માંગતા વિદ્યાર્થીઓએ સંબંધિત પ્રમાણપત્રો રજૂ કરવા જરૂરી છે.
Gujarat University Admission Reservation 2025:ગુજરાત યુનિવર્સિટીમાં નોંધાયેલા લાખો વિદ્યાર્થીઓ માટે અનામત હંમેશા મહત્વપૂર્ણ રહ્યું છે. આ નીતિ તેમને તેમના અભ્યાસને આગળ ધપાવવા અને તેમની કારકિર્દી બનાવવા માટેની સુવિધા આપે છે. યુનિવર્સિટીમાં વિવિધ કેટેગરીના વિદ્યાર્થીઓ માટે બેઠકો અનામત રાખવામાં આવી છે જેથી બધા માટે સમાન તકો સુનિશ્ચિત થાય.
સૌપ્રથમ, ચાલો વાત કરીએ કે પ્રવેશ મેળવવા માંગતા SC (અનુસૂચિત જાતિ) વિદ્યાર્થીઓ માટે 7% બેઠકો અનામત છે. તેવી જ રીતે, 15% બેઠકો ST (અનુસૂચિત જનજાતિ) વિદ્યાર્થીઓ માટે અનામત છે. વધુમાં, 27% બેઠકો સામાજિક અને શૈક્ષણિક રીતે પછાત વર્ગો (SEBC) ના વિદ્યાર્થીઓ માટે અનામત છે.
5% બેઠકો શારીરિક રીતે અક્ષમ વિદ્યાર્થીઓ માટે અનામત રાખવામાં આવી છે. 10% સુપરન્યુમરરી બેઠકો આર્થિક રીતે નબળા વર્ગ (EWS) ના વિદ્યાર્થીઓ માટે અનામત રાખવામાં આવી છે, જેમાંથી ૩૩% વિદ્યાર્થિનીઓ માટે અનામત રાખવામાં આવી છે. વધુમાં, 2% સુપરન્યુમરરી બેઠકો રમતગમત, NSS, NCC અને સાંસ્કૃતિક પ્રવૃત્તિઓમાં યોગદાન આપનારા વિદ્યાર્થીઓ માટે અનામત રાખવામાં આવી છે.
ગુજરાત યુનિવર્સિટી ભૂતપૂર્વ સૈનિકો અને સંરક્ષણ કર્મચારીઓના બાળકો માટે 1% બેઠકો પણ અનામત રાખવામાં આવે છે. આ યોજના હેઠળ પ્રવેશ મેળવવા માંગતા વિદ્યાર્થીઓએ સંબંધિત પ્રમાણપત્રો રજૂ કરવા જરૂરી છે. નિવૃત્ત સૈનિકોના બાળકો માટે, પ્રમાણપત્ર લશ્કરી કલ્યાણ બોર્ડ અથવા જિલ્લા લશ્કરી કલ્યાણ અધિકારી દ્વારા મેળવી શકે છે. સેવા આપતા સંરક્ષણ કર્મચારીઓના બાળકોને કમાન્ડિંગ ઓફિસર પાસેથી પ્રમાણપત્ર મળે છે.
ગુજરાત યુનિવર્સિટી ગુજરાત બોર્ડના વિદ્યાર્થીઓ માટે 90% બેઠકો અને અન્ય બોર્ડના વિદ્યાર્થીઓ માટે 10% બેઠકો અનામત રાખે છે. અનામત બેઠકો પર પ્રવેશ મેળવવા માંગતા વિદ્યાર્થીઓએ જાતિ પ્રમાણપત્ર રજૂ કરવું આવશ્યક છે.
SEBC વિદ્યાર્થીઓએ એક એ પણ પ્રમાણપત્ર પણ આપવું જરૂરી હોય છે, જેમાં જણાવવામાં આવ્યું છે કે, તેઓ "ક્રીમી લેયર" ના નથી. આ પ્રમાણપત્ર રાજ્ય સરકાર દ્વારા અધિકૃત અધિકારી દ્વારા આપવામાં આવે છે. આ પ્રમાણપ્તર ઇશ્યુ થયાની તારીખથી ત્રણ વર્ષ માટે માન્ય છે.
ટોપ સ્ટોરી
ટ્રેન્ડિંગ સમાચાર
