વરસાદને લઈને અંબાલાલ પટેલની આગાહી, સપ્ટેમ્બરમાં આ તારીખથી વરસાદનું જોર વધશે, ઓક્ટોબરમાં પણ થશે મેઘમહેર
રાજ્યના અનેક જિલ્લામાં છેલ્લા બે ત્રણ દિવસથી વરસાદ પડી રહ્યો છે. ત્યારે હવે હવામાન નિષ્ણાંત અંબાલાલ પટેલે વરસાદને લઈને મોટી આગાહી કરી છે.
Gujarat Rain Forecast: ઓક્ટોબર કોરો ગયા બાદ સપ્ટેમ્બરની શરૂઆતમાં જ ગુજરાતમાં ફરી મેઘમહેર જોવા મળી રહી છે. રાજ્યના અનેક જિલ્લામાં છેલ્લા બે ત્રણ દિવસથી વરસાદ પડી રહ્યો છે. ત્યારે હવે હવામાન નિષ્ણાંત અંબાલાલ પટેલે વરસાદને લઈને મોટી આગાહી કરી છે. તેમની આગાહી સાંભળીને ખેડૂતો ખુશખુશાલ થઈ જશે.
અંબાલાલ પટેલે આગાહી કરી છે કે, સપ્ટેમ્બર મહિનામાં સારો વરસાદ પડશે. તેમના કહેવા અનુસાર રાજ્યના મોટા ભાગના વિસ્તારમાં વરસાદ ખાબકશે. ખાસ કરીને 12મી તારીખ સુધી ધીમો અને સામાન્ય વરસાદ રહેશે અને 13મી તારીખ બાદ વરસાદનું જોર વધશે. આ ક્રમ આગળ વધતા સપ્ટેમ્બર મહિનાના અંત સુધી રાજ્યમાં સારો વરસાદ પડશે. એટલું જ નહીં ઓક્ટોબરની શરૂઆતમાં પણ વરસાદની આગાહી કરી છે.
ખેડૂતોના સુકાતા પાકને જીવનદાન મળે તેવી રાજ્ય હવામાન વિભાગે આગાહી વ્યક્ત કરી છે. બંગાળની ખાડીમાં સર્જાયેલા લો પ્રેશરને લીધે રાજ્યમાં આગામી પાંચ દિવસ સારા વરસાદની હવામાન વિભાગે આગાહી વ્યક્ત કરી છે. હવામાન વિભાગની આગાહી અનુસાર દક્ષિણ ગુજરાત અને મધ્ય ગુજરાતમાં ભારે વરસાદ વરસી શકે છે. તો સૌરાષ્ટ્ર અને ઉત્તર ગુજરાતના જિલ્લામાં પણ ભારે પવન સાથે વરસાદની હવામાન વિભાગે શક્યતા વ્યક્ત કરી છે. આ તરફ સંઘ પ્રદેશ દીવ, દમણ, અને દાદરાનગર હવેલીમાં પણ મેઘરાજા મહેરબાન થશે તેવી હવામાન વિભાગની આગાહી છે.
છેલ્લા 24 કલાકમાં રાજ્યના 135 તાલુકામાં વરસાદ
24 કલાકમાં ડાંગના વઘઈમાં છ ઈંચ વરસાદ
24 કલાકમાં સુરતના ઉમરપાડામાં પાંચ ઈંચ વરસાદ
24 કલાકમાં ડાંગ તાલુકામાં ત્રણ ઈંચ વરસાદ
24 કલાકમાં સુબિર તાલુકામાં પોણા ત્રણ ઈંચ વરસાદ
24 કલાકમાં વલસાડના કપરાડામાં અઢી ઈંચ વરસાદ
24 કલાકમાં તાપીના સોનગઢમાં અઢી ઈંચ વરસાદ
24 કલાકમાં ખેડાના કઠલાલમાં 2 ઈંચ વરસાદ
24 કલાકમાં ધરમપુર અને ડેડીયાપાડામાં 2 ઈંચ વરસાદ
24 કલાકમાં વઢવાડ અને મોરવાહડફમાં 2 ઈંચ વરસાદ
24 કલાકમાં વાલોડ અને છોટાઉદેપુરમાં પોણા 2 ઈંચ વરસાદ
24 કલાકમાં દાંતા, ડોલવણ અને ઉચ્છલમાં દોઢ ઈંચ વરસાદ
ખેરગામ, લુણાવાડા અને બારડોલીમાં એક ઈંચ વરસાદ
24 કલાકમાં પારડી અને સંતરામપુરમાં 1 ઈંચ વરસાદ
24 કલાકમાં પલસાણા અને દસાડામાં 1 ઈંચ વરસાદ
24 કલાકમાં જલાલપોર અને ધ્રાંગધ્રામાં 1 ઈંચ વરસાદ
24 કલાકમાં સાયલા અને નેત્રંગમાં 1 ઈંચ વરસાદ
24 કલાકમાં મહુધા અને ગરુડેશ્વરમાં 1 ઈંચ વરસાદ
24 કલાકમાં સતલાસણા અને વિરપુરમાં 1 ઈંચ વરસાદ
24 કલાકમાં વાપી અને જોટાણામાં 1 ઈંચ વરસાદ
ટોપ સ્ટોરી
ટ્રેન્ડિંગ સમાચાર
