અહમદ પટેલના પુત્ર ફૈઝલે કઈ એક્ટ્રેસને ટ્વિટ કરીને પૂછ્યું, વિલ યુ મેરી મી ? પછી કેમ કરી દીધી ટ્વિટ ડીલીટ ?

અમીષા અને ફૈઝલ ઘણા પ્રસંગોએ સાથે જોવા મળ્યા છે. પરંતુ કોઈ પણ રીતે આ બંનેએ પોતાના સંબંધો વિશે ખુલીને વાત કરી નથી.

ફેૈસલ પટેલ (ફાઈલ ફોટો)

અમીષા પટેલ હાલમાં તેની 'ગદર'ની સિક્વલના શૂટિંગમાં વ્યસ્ત છે. સોશિયલ મીડિયા પર પણ તેના ફોટા અને વીડિયોના કારણે તેના વિશે ચર્ચા થઈ રહી છે. હવે તે તેના નજીકના મિત્રને જન્મદિવસની શુભેચ્છા પાઠવીને હેડલાઇન્સમાં છે. વાસ્તવમાં, અમીષા પટેલે બે દિવસ પહેલા એટલે કે 30 ડિસેમ્બર, 2021ના રોજ ટ્વિટર પર કેટલીક તસવીરો શેર કરીને અહમદ પટેલના પુત્ર ફૈઝલ પટેલને તેના જન્મદિવસની શુભેચ્છા પાઠવી હતી. તેમની આ પોસ્ટ જોઈને મામલો અલગ જ લાગતો હતો જે હવે સ્પષ્ટ થઈ ગયો છે.

અમીષાએ લખ્યું, 'હેપ્પી બર્થડે મારા પ્રિય ફૈઝલ પટેલ. લવ યુ. તમારું વર્ષ સારું રહે.' હવે આ ટ્વીટમાં તેણે ઘણા હાર્ટ ઇમોજીસ મૂક્યા હતા. આ પછી ફૈઝલ પટેલનો જવાબ પણ આવ્યો. જો કે તેણે ટ્વીટ ડિલીટ કરી દીધી, પરંતુ સ્ક્રીનશોટ સોશિયલ મીડિયા પર વાયરલ થઈ રહ્યા છે. તેણે લખ્યું, 'આભાર અમીષા પટેલ. હું તમને હવે જાહેરમાં પ્રપોઝ કરું છું, શું તમે મારી સાથે લગ્ન કરશો?' આ પછી તેણે આ પોસ્ટ ડિલીટ કરી દીધી અને માત્ર અમીષા પટેલની ટ્વીટને રીટ્વીટ કરી.

Happy bday my darling ⁦@mfaisalpatel⁩ … love uuuuu … ❤️💖💖💞💓💘have a super awesome year ❤️💖💖💖 pic.twitter.com/Yworua1hLv

— ameesha patel (@ameesha_patel) December 30, 2021

તમને જણાવી દઈએ કે અમીષા અને ફૈઝલ ઘણા પ્રસંગોએ સાથે જોવા મળ્યા છે. પરંતુ કોઈ પણ રીતે આ બંનેએ પોતાના સંબંધો વિશે ખુલીને વાત કરી નથી. નવા વર્ષની પાર્ટી દરમિયાન પણ અમીષાએ તેના ટ્વિટર પર તેની સાથે ઘણી તસવીરો અને વીડિયો પોસ્ટ કર્યા હતા, પરંતુ સંબંધોને ક્યારેય સાર્વજનિક કર્યા નથી. બાય ધ વે, ફૈઝલ પટેલની વાત કરીએ તો તે કોંગ્રેસના નેતા અહેમદ પટેલના પુત્ર છે. તે એક સફળ બિઝનેસમેન છે. અગાઉ ઝૈનબ પટેલ સાથે લગ્ન કર્યા હતા. જોકે હવે તેની પત્ની આ દુનિયામાં નથી. ઝૈનબનું 7 જૂન, 2016ના રોજ કાર્ડિયાક અને ન્યુરોલોજી સંબંધિત બીમારીઓને કારણે નિધન થયું હતું.