Ajit Doval: કેટલી છે રાષ્ટ્રીય સુરક્ષા સલાહકાર અજિત ડોભાલની સેલેરી, જાણો કઈ કઈ મળે છે સુવિધા
National Security Advisor of India: રાષ્ટ્રીય સુરક્ષા સલાહકાર અજિત ડોભાલનો પગાર કેટલો છે? તેમને કઈ સુવિધાઓ મળે છે, ચાલો જાણીએ.
National Security Advisor of India: કોઈપણ દેશની પ્રગતિમાં જેમ વેપાર ધંધાનું મહત્વ રહેલું છે તેવી રીતે દેશની સુરક્ષા પણ એટલી જ જરુરી છે. જ્યારે પણ દેશની સુરક્ષાની વાત આવે છે, ત્યારે પીએમ મોદીના વિશ્વાસુ રાષ્ટ્રીય સુરક્ષા સલાહકાર અજિત ડોભાલનું નામ સૌથી પહેલા આવે છે. તેમને દેશની સુરક્ષા નીતિના મુખ્ય રણનીતિકાર અને વડા પ્રધાનના સૌથી વિશ્વસનીય સલાહકારોમાંના એક માનવામાં આવે છે. અજિત ડોભાલ ફક્ત તેમના રોલ માટે જ સમાચારમાં નથી રહેતા, પરંતુ સામાન્ય લોકો તેમના પગાર અને તેમને મળતી સુવિધાઓ વિશે પણ જાણવા માંગે છે. આવી સ્થિતિમાં, આજે અમે તમને જણાવીએ છીએ કે NSA પદ પર કાર્યરત અજિત ડોભાલને સરકાર તરફથી કેટલો પગાર મળે છે અને તેમને કઈ ખાસ સુવિધાઓ આપવામાં આવે છે.
બેજીક સેલેરી કેટલી છે?
અહેવાલો અનુસાર, રાષ્ટ્રીય સુરક્ષા સલાહકારના પદ માટે કેન્દ્ર સરકાર દ્વારા નક્કી કરાયેલ મૂળ પગાર 1 લાખ 37 હજાર 500 રૂપિયા પ્રતિ માસ છે. જોકે, મૂળ પગાર ઉપરાંત, તેમને ઘણા અન્ય ભથ્થાં આપવામાં આવે છે, જેના કારણે તેમનો પગાર લગભગ 2 લાખ રૂપિયા સુધી પહોંચે છે. અહેવાલો સૂચવે છે કે આ પગાર NSA ને તેમના કાર્યકાળ, અનુભવ અને સરકાર દ્વારા નક્કી કરાયેલી જવાબદારીઓ અનુસાર આપવામાં આવે છે. અજિત ડોભાલ છેલ્લા ઘણા વર્ષોથી આ પદ પર કાર્યરત છે અને સરકારની નીતિ યોજનાઓ અને આંતરરાષ્ટ્રીય રાજદ્વારીમાં ખાસ ભૂમિકા ભજવવા માટે જાણીતા છે.
અન્ય કઈ કઈ સુવિધાઓ મળે છે?
સરકાર દ્વારા NSA ને ઘણી ખાસ અને VVIP સ્તરની સુવિધાઓ પણ આપવામાં આવે છે. આમાં હાઈ સિક્યોરિટી વાળો બંગલો, હાઈ સિક્યોરિટી, સરકારી વાહન, વિદેશ પ્રવાસો અને અન્ય તમામ ભથ્થાં અને સુવિધાઓનો સમાવેશ થાય છે.
NSA કોણ છે?
NSA દેશની રાષ્ટ્રીય સુરક્ષા સંબંધિત તમામ મુદ્દાઓ પર વડા પ્રધાનને સલાહ આપે છે. આ પદની જવાબદારી ફક્ત આંતરિક સુરક્ષાને જ નહીં પરંતુ વિદેશ નીતિ અને સંરક્ષણ વ્યૂહરચનાને પણ અસર કરે છે. અજિત ડોભાલ 2014 થી આ પદ પર કાર્યરત છે. નોંધનિય છે કે, અજીત ડોભાલ એનએસએ બન્યા તે પહેલા દેશ માટે અનેક ગુપ્ત મિશનો પાર પાડવામાં મહત્વનો ભાગ ભજવી ચૂક્યા છે. અજીત ડોભાલને પીએમ મોદીના ખાસ વિશ્વાસુ માનવામાં આવે છે.
ટોપ સ્ટોરી
ટ્રેન્ડિંગ સમાચાર
